你又忙,我又忙,平日約餐飯想齊人都咁難,一班朋友夾期去旅行就更加唔容易。但係放假又心思思想去玩,咁點好呢?好彩現在交通咁方便,平機票又成日有,仲唔係一個人獨自出行的理由?有班網民就分享咗5個想獨遊的理由,睇下你係邊種!

撰文:C|圖片來源:新傳媒資料室、LIHKG、[email protected]_khs、@kaman_kong

5個獨遊的理由

01|做隻自由的小鳥

冇錯喇!一個人去旅行最大嘅好處就係自由自在。相信大家都試過同另一半、朋友,或者長輩去旅行,有時要夾另一個人嘅起居飲食,真係幾麻煩。所以獨遊優點,天生天養,完全唔使同人交代,一個字:爽!

獨遊
獨遊最大嘅好處就係自由自在。

獨遊
獨遊時,唔使畀面人哋,想去邊、想食乜、想幾時起身都冇問題!

獨遊
有時自己一個獨遊,先係真正嘅放假!

02|旅途上有艷遇

一個人去得旅行,多多少少都係冇乜感情牽掛。通常啲人見你一個人,都比較容易搵你傾下偈,或者夾埋一齊租車、食飯⋯⋯乜都好。如果可以喺異國留番一段甜蜜嘅回憶⋯⋯再唔係,當識多幾個朋友!嗯,都幾諗得過。

圖片來源:Ig@valentin_khs
圖片來源:[email protected]_khs

網民就分享咗唔少被搭訕嘅例子!

被人撩咁暗爽都好正常!
被人撩咁暗爽都好正常!

英文唔好都唔使驚!
英文唔好都唔使驚!

03|遊歷冷門旅遊地

成日去日韓台,唔多唔少都有啲悶,但又唔係個個都想去啲「山卡啦」嘅地方喎!獨遊就幫到你喇!現在多了新航線,你想去南美又得,歐洲小國、第三世界國家又得,總之有假就飛啦!

圖片來源:Ig@kaman_kong
圖片來源:[email protected]_kong

有啲地方真係聽都未聽過啊!
有啲地方真係聽都未聽過啊!

04|自主深度遊

自由自在嘅另一個好處,就係可以做啲hard-core嘢,而唔使遷就其他人。你想慢慢睇博物館,或者坐喺公園曬下太陽,或者好似上面咁講,同新相識嘅朋友傾耐啲偈,都冇人阻到你。

為咗遷就唔同人嘅喜好,有時我哋可能都係會揀啲熱門嘅地方去。但一個人獨遊就唔同喇!
為咗遷就唔同人嘅喜好,有時我哋可能都係會揀啲熱門嘅地方去。但一個人獨遊就唔同喇!

一個人去旅行,可以好好花時間和城市相處。
一個人去旅行,可以好好花時間和城市相處。

05|一個人又有咩好怕喎

當你獨遊的經驗值上升,又或者你根本唔介意有冇人相伴,其實你就會發現,一個人同一班人都冇咩唔同。咁先係毒/獨遊嘅最高境界!

真相就係⋯⋯一個人也要好好生活。
真相就係⋯⋯一個人也要好好生活。

一個人去旅行有好處,就當然會有壞處啦!對於鍾意食嘢嘅朋友嚟講,最慘就係冇得叫晒餐牌入面所有嘢同朋友share,咁就的確有啲慘嘅!同埋唔係個個地方都安全,適合一個人自己去,又或者一日到黑冇人同自己講嘢係會有啲悶⋯⋯但獨遊嗰種樂趣,又真係一大班人去旅行畀唔到你。

獨遊
睇咗咁多網民嘅分享,下個旅程,一於就試下獨遊啦!(圖片來源:[email protected]_kong)