不少 爵爵 同貓叔的粉絲,都一定好想見下同摸下傳說中的「第三隻腳」,依家終於有機會喇!事關 爵爵 貓叔的café終於在高雄開幕喇!唔使再等到書展先見到兩位的真面目,簽書自拍打卡當然冇問題!雖然愛貓阿寶同多士唔會出現,但可能會見到裸體著圍裙的 爵爵 「獻身」招呼客人喎!係咪好興奮呢?

咖啡店率先睇!發揚港式文化!


爵爵貓叔笑稱咖啡店是佢哋的「愛情結晶品」,事關一直都好想開café,可惜香港舖租貴,最終揀選回高雄開店築夢。但兩位依然愛香港,所以開店後都會港台兩邊跑,繼續插畫惡搞港台大不同。好~講番間café先!樓高2層的咖啡店選址在文青最愛的苓雅區,地點唔算好方便,不過環境靜又舒服,嗌杯嘢飲坐半日發下白日夢真係一流,仲可以同爵爵貓叔吹吹水!最大特色,就是會融入港式文化,例如餐單上會有「鴛鴦」,牆壁亦會掛上未公開的插畫,各位書迷絕對要去睇睇吧!

Menu有蠱惑!有得食「第三隻腳」?

睇過相,間café好似冇咩特別喎!爵爵貓叔齊齊話:「食物先係重點!」Café主打精品咖啡,由專業咖啡師炮製,不過相信粉絲比較想飲「爵爵牌咖啡」吧!而且menu都落足心思,竟然有「阿寶泡的茶」、「多士的左眼」,仲有「第三隻腳的冰淇淋」,齋睇名就真係唔知係咩!爵爵率先爆料,話「多士的左眼」其實係奶昔,至於其他係甚麼口味的飲品,各位就去到試飲先知喇!(我估最多fans一定想試「第三隻腳的冰淇淋」!應該係,除非唔係……哈哈!)

爵爵&貓叔商行café

地址:台灣高雄市苓雅區興中一路243巷41號
營業時間:11:00am – 9:00pm
電話:+886-7-334-4630
交通:乘捷運到三多商圈站,5號出入口步行5分鐘