受疫情影響,香港人已好久未有旅行,其實不單止旅行上有文化差異,由出發乘坐航空的禮儀都一直被網民討論。而有一位港藉機師曾經撰文,提及他以乘客身分搭飛機見盡香港人各種「失禮行為」,他更直言「港客仲衰過內地客!」

機師爆港人搭飛機7種難頂行為:內地客仲易處理

每逢聽到「大陸」或是「內地人」,部份人總會自然地套上「既有印象」,聽到普通話避之則吉,不過有機師指「香港人都唔好得去邊」。早前曾有一名港藉機師提到自己的一個親身體驗,指「以乘客身分搭飛機,被一團香港團包圍,終見識到港客行為,不比內地客好」,更列出7種極品行為。

01|旅行大晒 喧嘩嘈嘈閉

旅行團一行大概二十人已經不斷喧嘩大叫,又要調位又要傾計,更不停阻塞乘客流動的主要幹道,令其他乘客充分感受到他們即將出發去旅行的興奮心情。

香港乘客 飛行 7宗罪

02|恥笑空姐 自以為英文好好

日藉空姐做英文廣播,難免有些少口音……有幾個乘客除了模仿廣播中不純正的英文外,更說他們聽不懂兼大大聲地取笑做廣播的空姐,其實他們懂不懂得「尊重」兩個字怎樣寫?

香港乘客 飛行 7宗罪

03|起飛時取行李

即將起飛之際,有位乘客突然站起來打開頭上的行李架去拿東西。空姐們立即叫他坐下來,佢還說:「唔記得攞出嚟,一定要攞!」我就絕不相信他會因為當時不拿東西而突然暴斃。

香港乘客 飛行 7宗罪

04|扮晒大爺 全程零尊重

當空姐推著餐車問乘客們想要吃喝甚麼時,他們只顧睇戲,又不除下耳機,但又要空姐不停重複又重複。

香港乘客 飛行 7宗罪

05|衝燈去廁所

即將到達目的地,飛機開始下降,安全帶燈號亦亮起了。此時此刻,乘客當然覺得最重要的事情並非將椅背調直或將個人摺枱收好,而是要去洗手間,而且還去了很久還不出來!

香港乘客 飛行 7宗罪

06|諸多意見 機師都批評埋

飛機在降落前因為陣風而搖擺不定,但降落時落地平穩,個人認為絕對沒有問題。不過當然有乘客不甚滿意,互相投訴說「而家機師啲質素真係越來越差」

香港乘客 飛行 7宗罪

07|趕住落機

飛機降落後,大家都急不及待地解開安全帶,站起來拿行李。空姐做了數次廣播後,他們才肯乖乖坐下。最後飛機稍稍減速但尚未停定,安全帶燈號亦尚未熄滅,他們又發出最後的吼聲,起來起來起來。

香港乘客 飛行 7宗罪

網民共鳴:香港人真係好難搞,又貪小便意

文章貼出後,得到網民熱烈的回應,認為「香港人真係好難搞,好失禮」。有網民認為香港人不懂得自我反省,表示:「香港人其中一大特質你都展現咗,就係有咩事一定係賴咗人先,唔係自我反省。明明好想同國內有分開,想分開來講,唔想混埋佢哋度,但係往往呢d港人負面嘢,總係有一班港人好齊心要assume咗佢哋一定係內地人而唔係港人先。 呢啲行為就show到港人『有事就一定喺人度負責,有好嘢先好搵我』(而自己唔會反省)嘅特質!」

香港人天性貪小便宜

除了責任感一到外地即消失無蹤外,另一個重點是不懂「便宜莫貪」的道理。有網民指 「香港人最貪小便宜,人要佢又要,叫嘢飲飲一啖就call light 叫空服員收番」、「 賤廢港女老奉幫佢放行李,但個行李通常過 6Kg」、「港女扮唔識聽中文,又要講港式英語扮高級,但文法錯哂」、「我十幾年前跟團去北歐,同團的不是校長級就是醫護人員,但他們自私的行為真的不比強國人好,也不是學歷關係,是人的品德問題。」

港人旅行禮儀差 外國人一眼就認出:遲到及自我中心一定有份!

網民認為港人的形象及旅行禮儀差,表示:「香港人係外國嘅風評一直都係惡劣,亞洲人嚟講真係同內地人平起平坐咁差,唔好下下覺得自己高於大陸人啦…香港人貪小便宜、講嘢大聲、遲到、自我中心、語言不知所謂,呢幾點基本上你問任何外國人都答到你」、「其實好多真香港客都好難頂,即使唔係新移民,嗰種俾少少錢就扮大爺嘅嘴臉真係世界級」、「除咗呢樣,仲好多打完尖仲鬧返你轉頭」、「外國好多網都成日報導香港旅客的惡行」、「又講得幾中肯!當搭飛機變得人人afford得起,仲要每年點都有幾次咁多時,乘客嘅質素自然下降」。

周圍都有難頂嘅人 台灣都有「奧客」

「一樣米養百樣人,不論人種,質素也參差,昨晚在馬場要收費嘅坐席,就分別見到白人和黑人的無禮貌和自以為高人一等,所以不要分人種的批評」、「而家台灣人同其他亞洲地區嘅人都開始多左呢類嘅態度,總之而家做空服業有點吃力。」

服務業人士指內行一早已知「香港人咩料」

「做過服務性行業,都知港客難頂過大陸客㗎啦!」、「喺香港做過任何服務性行業都會知道香港人可以有難搞」、「做過香港服務業都知香港人咩料啦」。

鬧埋港女:

  • 「港女英文差,中文又差,最叻係以為自己醒。」

香港本地教育得唔好 應著重道德教育

「其實唔多唔少都關TVB事,以前電視劇入面都總係會有條友講『我要投訴你!叫你負責人出嚟!』,tvb拍呢啲八婆行為特別出色入肉,睇到大家都不知不覺習慣性地模仿咗呢啲行為。」「咁又唔可以咩都話政府……品德係家教……父母責任!」、「香港教育不著重道德方面,一生讀書只為考試,反映香港教育制度同大陸一樣咁垃圾,禮、義、廉香港學校有教過?冇,所以要怪就怪香港政府,唔好標籤晒所有香港人」。

香港乘客 飛行 7宗罪

另類意見:「你知唔知好多內地人扮香港人?」

「你要知道,這些所謂香港人可能都是剛申請到港,他們未經香港好文化感染,反而,醜陋的行為卻做到十足十,把自己的方便建築於別人的痛苦上。」、「現在實在太多假香港人了,單憑講廣東話有時真係好難分!」

香港乘客 飛行 7宗罪 MAIN
圖片來源:travel.usnews.com

Tags :
圖片來源:GOtrip編輯部 、網上圖片、無綫新聞截圖