今個星期六日( 6 月 11 日至 12 日)  泰國旅遊局將於奧海城中再度舉辦一年一度的旅遊展,本年度主題為「泰愛Smile – Summer Party in Thailand」,除了介紹泰國不同文化,大家更可在展內以優惠購買套票,甚至抽中免費套票!

今年將會一如上屆「豪爽」,到場就有機會贏取機票甚至酒店住宿套票,想掌握竅門?現在劇透你知道:

2015ThaiFest

01 |主動舉手搶答,送禮大台等梗你!

記者問過連續兩年負責做主持的泰旅局代表,她表示「雖然活動大台每隔15分鐘就舉行活動,但係現場觀眾偏向怕醜被動」,結果問來問去都係有備而來的Thailand Fans,想將機票、套票送畀不同朋友都感覺困難,所以秘訣就係「唔怕醜」!只要上到大台,所謂「問答題」其實有晒貼士,點會令你掃興而回呢?

IMG_3727

02|旅行社爭相插旗 狂推震撼優惠

兩日都會有旅行社及航空公司擺攤,平賣旅遊團、套票及機票。例如安運滿Fun遊的曼谷 3 日 2 夜香格里拉酒店套票,割價 6 折至 HK$1,999;於EGL東瀛遊報團最多可減 $800 ,千萬不要錯過!

002
報團以外,仲有泰拳比賽、免費泰式紋身、按摩同小食檔,去湊下熱鬧都無妨!今年更加設「泰式婚禮花園」供大眾拍照留念!

 

03|大派超過港幣20萬套票 、頭獎蘇梅3日五星之旅

\\\正如之前所說,只要「咪怕醜、肯舉手」就好大機會被抽中!旅遊展最筍的優惠就是答問題贏獎品!每隔 15 分鐘台上就會問問題送出套票、機票,送出的旅費總額高達 20 萬,今年的頭獎是蘇梅 3 日 2 夜 5 星酒店套票,名額有 3 個,大家記得要踴躍贏大獎!