ViuTV 空姐 繼續現身爆料!空姐戴頭盔 分享(上),節錄了《晚吹-又要威又要戴頭盔》節目中空姐的親自解答,今次繼續分享!提問包括:空姐係咪好討厭乘客食杯麵?飛機邊度最污糟?所有八卦問題,空姐通通回答!即刻睇睇空姐有咩分享:

傳聞7:機上有小強好平常?

空姐答你:我唔否認!

機上有時會有細細隻的蟑螂出現,有空姐試過咖啡機用左一半,番去加水時先發現,有隻過左身嘅小強在壺內飄浮!空姐為衛生起見,即刻再沖過壺新咖啡俾乘客飲。不過,都係同一個咖啡壺呀!!!另有空姐試過更換上機物資,一打開儲物箱時,有隻活潑的米奇跳出嚟!咁生猛都咪話唔驚。而且餐車都唔太安全,空姐就試過準備派餐,一打開餐車就發現有條蛇喺入面!只好立即鎖好架餐單,而條蛇就搭左程免費飛機啦!

圖片來源:www.shyun-sheng.com

傳聞8:機上嘅水最好唔好飲?

空姐答你:好似話儲水的水箱只用化學品清潔…

有傳聞清潔人員洗水箱時,發現有條手臂咁長的寄生蟲。空姐表示乘客平時在機上飲的自來水,都係來自依個水箱,由水箱倒出來的水初初都是灰白色,仲有啲泡泡添,但等一陣就會消失,幾秒之後去到乘客手上,就係一杯好清澈、乾淨的水。良心空姐就建議:唔好飲機上嘅水啦!飲有包裝的飲品或者買枝裝水啦!自來水之外,空姐另一個「溫馨提示」,因為機上的熱水都不會是100度的水,有空姐曾經飲熱朱古力,因為水溫只有70-80度,飲完胃抽筋!

ViuTV 空姐
圖片來源:a3.att.hudong.com

傳聞9:空姐最討厭乘客食杯麵?

空姐答你:通常有一個乘客食,之後就好多人都會食….

一架機一般有100-200個杯麵提供,多人食的話空姐都咪話唔忙!而空姐間就流傳一個「減少杯麵香氣的方法」:先用冷水沖一沖杯麵,再用熱水沖三次,最後才正式加熱水入杯麵比乘客食。咁樣整法,個杯麵都唔會好食得去邊,但空姐見證乘客都食得好滋味,連湯都飲埋!良心空姐就建議:不如自己帶多啲零食上機啦!

空姐戴頭盔
圖片來源:lh3.googleusercontent.com

傳聞10:有乘客嘔,空姐唔會處理?

空姐答你:我一陣仲要派餐!

其實空姐是不會處理的,因為要顧及其他乘客的衛生,會叫乘客自己拎去廁所掉架!但都有乘客要空姐處理排泄物!通常是小朋友的大包小包,包起之後就咁就俾空姐。家長不如自己拎去廁所的垃圾桶啦,唔好唔記得空姐仲要派餐、派嘢飲俾你呀!有空姐就試過在收執膠杯時,以為杯中物係蘋果汁,點知拎上手係暖嘅!之後?空姐咪洗番三、五、七次手咯。其實要數離奇,有乘客仲漏過副假牙喺餐盆上,空姐差啲執走左添!

空姐戴頭盔
圖片來源:pic.carnoc.com

傳聞11:空姐的制服誘惑?空姐容易被非禮?

空姐答你:服務鈴在你頭上!

有空姐試過被內地男乘客拍打,位置剛好在腰及臀部之間,比較敏感。空姐雖知道乘客是無心之失,但都要霸氣告訴乘客:「服務鈴不是在我這裡,是在你頭上呀!」都有外國乘客種族歧視,呼叫空姐時直接拍空姐臀部,咁做真係構成性騷擾架!空姐嚴厲話番乘客之後,對方都即刻say sorry。不過,如果有乘客唔小心掂到空姐,其實空姐都會發現係有心定無意。有空姐就曾經發現乘客偷拍同事裙底,在飛機降落時即刻報警,點知發現該名乘客的手機,全都是偷拍照,認真誇張!