去旅行固然想試勻當地各式美食,不過有時懶病大發,唔舒服唔願出門,最想在酒店房印印腳等外賣!上個月港女記者獲邀去東京Uber的發布會,率先試全新外賣服務 東京UberEATS 。等我跟大家實測,究竟這個外賣程式值不值得一試啦!
採訪:[email protected]港女講旅行 攝影:[email protected]港女講旅行、相關機構

不設最低消費!¥500即送

發布會宣布推出外賣服務東京UberEATS,合作餐廳有超過150間,當中更包括米芝蓮廚師主理的餐廳。同時更公布新開優惠,每間餐廳會在即日至10月29日期間,分別提供一款特定的¥500/HK$38 優惠菜式。值得留意的是程式不設最低消費,即是40蚊唔使,就有人送食物上門。加上程式已預設中文,以後去東京旅行,就唔怕因為唔識日文,硬食酒店貴價room service啦!

Uber2
UberEATS在9月29日起投入服務,送到酒店一樣得!

Uber1
發布會上安排的外賣員,跟我手中的叉燒炒麵一樣咁鮮!

唔使等!1小時內即送到

發布會有專人安排,試食的食物自然有番咁上下水準。所以港女記者一返到涉谷的酒店,立即在房內落單開餐──叫外賣!按住我的所在地搜索,不同時段都只有十數間餐廳提供外賣,選擇不多,不過日本是永遠不會令人失望的!!由落單到送到酒店門口,都唔使一個鐘!雖然送上門的外賣員唔及發布會上的小鮮肉靚仔,但講食物質素和外賣包裝拍得住堂食,攞上手熱辣辣!記者仲試埋只賣¥500的士多啤梨pancake,完全冇偷工減料,與正價的分量一樣,鬆餅又香又軟,坐在酒店房就有得食,好幸福啊!

堅酒店實測!

必睇實測報告

實測1:港女至like!必食pancake

實測餐廳:Daikanyama Pancake Cafe Clover’s
送貨時間:45 mins

港女一向至愛食甜品,所以見到連pancake都可以外賣相當驚喜,急不及待即刻柯打!打開門時見到外賣員身水身汗,細問之下才知道他主要靠踩單車送貨,擔心慕絲溶化,更專登踩快兩步,難怪入口跟堂食分別不大啦!

Uber10
士多啤梨pancake¥500/HK$38;雜果pancake ¥1,070/HK$81。Pancake入口依然又鬆又軟,另上的士多啤梨大粒又香甜。

外賣員Tanaka
外賣員Tanaka。

實測2:大滿足!和食外賣夠精緻

實測餐廳:大戸屋ごはん処
送貨時間:40 mins
以為會菜、汁、飯、餸撈埋一堆咁唔開胃?我從紙袋一拿出燒魚和炸雞便當,賣相已經令人食慾大增。配菜、主菜和飯分開擺,便當盒上更用膠紙貼上濕紙巾、筷子、醬油,見微知著便知日本人對外賣亦相當用心認真。
(使用教學睇埋下頁!)

Uber13
野菜黑酢炸雞便當 ¥750/HK$57 外賣都冇花假,黑酢炸雞分量十足,雞件足足有5件,一個男仔食都夠飽。

Uber14
連筷子、醬油都用膠紙貼實,日本餐廳好細心啊!

外賣員Naoki。

總評:懶病大發時必試!

程式剛起步,餐廳數量不算多,好在款式都叫多元化,日本、新加坡、印度、意大利菜等都有,但記者最愛的壽司、拉麵暫時未見影。而且以外賣的質素如此高,絕對是超班的!因為所有餐單都經過日本主廚決定,全部菜式都適合送外賣,不會影響質素!加上在10月有 ¥500優惠,絕對試得過。

 

Uber4
Step 1:第一步先輸入所在地,愈詳盡仔細愈好。記者寫埋酒店房號,真的可以送到上房門。不過外賣員指未必所有酒店皆可,但最起碼一定送到大堂。

Uber3
Step 2:每間餐廳都有預算的等候時間,食客覺得OK,再放入購物籃落單。

Uber5
Step 3:跟Uber的玩法一樣,可以隨時見到外賣進度,唔使無了期等待。交貨時亦同樣以信用卡交易。

Uber7
Step 4:食完有得為送貨員和餐廳評分,記者全部都給了5星!

 

 

UberEATS
網址:ubereats.com
備註:暫時只供應涉谷、惠比壽、青山、赤坂、六本木、麻布等部分地區。(其他供應地方包括巴黎、新加坡、悉尼等等,香港亦預計於不日推出。)
yukk