日日返工咁辛苦,放假梗係想同朋友去旅行玩番餐㗎啦!不過「相見好,同住難」,去旅行日對夜對,有冇試過頂唔順朋友做嘅嘢,返到嚟搞到反晒面,仲發誓以後都唔再同佢去旅行先?近日有網民喺討論區開咗個topic,大數同行友人嘅惡行,一齊睇下你有冇中過招啦!

撰文:Alva | 資料來源:LIHKG

01 | 嫌酒店污穢,但自己又污糟邋遢

有網友話女性友人嫌酒店廁所污穢,用自己特有嘅方式「無影櫈」去廁所,但又搞到廁板都係尿。

自己啲垃圾唔清都算,又唔畀清潔姐姐入去執房。

朋友去旅行
網友嘅同行朋友嫌酒店廁所污糟,但自己又整到更污糟。

朋友去旅行
有網友就話真係嫌酒店污穢的話,可以帶酒精濕紙巾去消毒。

02 | 唔幫手plan行程又嫌三嫌四

傾行程嘅時候又唔想出力,所有嘢都話冇所謂、冇意見,乜都唔幫手搞。

結果去旅行嘅時候就嫌三嫌四,去邊都嗌悶,全程剩係識埋怨。

朋友去旅行
睇留言都感受到呢位網友嘅怨氣!

朋友去旅行
同人去旅行,最憎就係佢哋唔plan行程又要嫌唔啱玩!

03 | 黑口黑面又發脾氣

去旅行都係想開心啫!成個旅程無時無刻都喺度黑面,一唔歡喜就發脾氣,仲點玩落去啊?

朋友去旅行
去旅行想放鬆下都仲要受你啲小姐脾氣,咪玩啦!

朋友去旅行
唔幫手plan行程book酒店都算,仲要發脾氣,簡直係「極品」。

04 | 帶埋港女性格去旅行

有網友呻話明明佢朋友想去布吉同陽光玩遊戲,結果去到又話怕曬黑,全程都開遮,最重要把遮仲要插到佢隻眼。

朋友去旅行
又要陽光與海灘,又唔想曬黑,你玩晒啦!

朋友去旅行
亦有網友話朋友係咁要自己幫手影女神相,不如「送個腳架畀佢」。

05 | 浪費旅行時間

旅行時間咁寶貴,好多人都會想爭取每一分每一秒咁玩同觀光。雖然未必要好似跟團咁6-7點就起身,但起碼唔好瞓到黃朝百晏啊大佬……

網友指同行友人晏起身唔出去玩,認真惡頂!

朋友去旅行
網友呻同朋友約好時間出門口,點知佢嗰個時間先起身!

06 | 1蚊都要計到足

有網友話同朋友去日本,「連1 yen都要計到足」。去深圳東門買咗件34蚊人仔嘅衫,後來見到其他地方賣平啲,朋友又即刻黑面,仲要黑足全程。

朋友去旅行
去旅行少少錢都要計到足,真係好掃興。

朋友去旅行
有網民嘅朋友慳錢慳到用公數買嘢。

07 | 日日趕行程,仲辛苦過返工

有網友試過同朋友去旅行日日7點就起身,夜晚10點先返到酒店,大呻:「仲chur過返工。」

同朋友去旅行。

大家又有冇試過同朋友去旅行,硬鯁過佢哋嘅惡頂行為呢?

申請DBS Black Card輕鬆賺里數,享低至1蚊1里,獎賞達80,000里!

p.nmg.com.hk/egt589

下一頁:韓國超市新村Grand Mart騙案|中伏網友齊吐嘈:阿珠媽專劏遊客 故意找錯錢!

Tags :