雖說曼谷的 Central Embassy 開業差不多已經一年,但矚目的食店仍然不斷進駐,大家仲打算去潮聖未登陸香港的 Harrods Cafe 或者係新派泰菜 Issaya 開辦的首間 patisserie?實在太 out 了!以下這  3 大新食點,近期在曼谷紅爆,要覓食?搵佢地才是皇道!

 

 

曼谷 Central Embassy 三大新食點

第一間要介紹的是來自法國的百年麵包餅房 Paul,品牌在 1889 年已經創立,在全球 24 個國家都有分店,唔少人去到歐洲都特登要去潮聖,在亞洲新加坡和東京都設有分店,偏偏香港就未有,不過現在在曼谷開店,香港人平平地飛一轉過嚟就可以大飽口福喇!

講到 Paul 的西餅,最出名的一定係拿破崙蛋糕,現時店入面總共有 4 款拿破崙蛋糕,包括原味、朱古力味、士多啤梨味和芒果味,幾乎每日中午時份一出爐就被一掃而空,同檯的泰國朋友試過下午茶時間來捧場三次都試唔到,特別係士多啤梨味(Millefeuille fraises, 190 泰銖),入口吉士醬不太冷又不會“咇”出來,多層酥皮夠晒香脆,整體口感和味道非常配合,的確出色。當然,檸檬撻(Tartelette citron)和主打 grandmother home style 的紅莓蛋糕(Moelleux citron framboise)都很值得推介。

曼谷 Central Embassy 三大新食點

曼谷 Central Embassy 三大新食點

如果你彩數唔夠,試唔到 Paul 出品的西餅,那麼麵包都一樣是個好選擇,這裏每種麵包都有列明是法國那一地區的口味,很多款式如來自法北的裸麥葡萄麵包 Benoitons 就只此一家,難怪無時無刻你都會見到唔少曼谷上班族和煮婦排隊,買麵包回家品嘗。

 

 

曼谷 Central Embassy 三大新食點

食完西餅,再講下商場 4 樓另一間新開的甜品店,單看牌面,感覺有點像珠寶店,精美的盒子一個個整齊地排列在牆上,再加上粉紅 tone 的風格,實在吸印唔少女生注目。

曼谷 Central Embassy 三大新食點

其實,這是一間高級啫喱店,開業只有個多月,每日都會出產近 20 款不同口味的啫喱,在平凡的啫喱當中,當然不乏加入各種的配料,例如果肉、吉士、布甸,除了提升整體口味以外亦令賣相更有層次,配合入型入格的啫喱杯,貴氣十足。

曼谷 Central Embassy 三大新食點

除了啫喱以外,還有果醬、拖肥朱古力等甜點,包裝同樣精美,仲可以買番嚟當手信添!

 

 

曼谷 Central Embassy 三大新食點

最後一站其實是內有乾坤,大家都可能知道 Central Embassy 地庫有間名為 eathai 的超市連 food court,入面有齊由泰北至南的地道食物,不過大家就未必留意到,其實超市的其中一角有一個專買新鮮米的角落,這些米每天早上都是新鮮收割再直接送來超市,保證大家可以品嘗最忠於原味的米。

 

曼谷 Central Embassy 三大新食點

這一兩年,香港有不少人到泰國買金鳳米回港,貪其夠黏力和翻叮再食都唔硬,其實新鮮米整體口感更為豐盈,煲起後帶有微微的榖味,飯身表面微脆,咬落又滲出黏黏口感,這種味道實在很少吃到。

 

鳴謝:Expedia