平昌冬奧已接近尾聲,當中最多人討論的選手,一定係日本花式滑冰男子組的冠軍羽生結弦。早在幾年前已經喺日本有好高人氣的羽生結弦,今次更加俘虜咗唔同國家的少女心!今次編輯部就收集咗佢咁多年來的可愛表現,一齊欣賞一下呢個又有實力又靚仔嘅冰王子啦!

text:Cynthia | photo:官方圖片、Twitter、YouTube 截圖、《朝日新聞》

超唯美!羽生結弦花式滑冰

今次好多網友都大讚佢無論係外貌、身形,定髮型,都似足漫畫入面嘅男主角,而且有實力、學歷,絕對係王子殿下。一於先睇睇羽生結弦的比賽靚相先啦!

日本 羽生結弦
比賽間的英姿,令很多人心動!(圖片來源:team_nippon)

日本 羽生結弦
而今次採用《陰陽師》主題曲,連呼吸聲都係自己配!(圖片來源:team_nippon)

日本 羽生結弦
有不少網友都改圖,改成動漫風格,就像漫畫裡的王子!(圖片來源:team_nippon)

日本 羽生結弦
在日本早幾年已很有名氣,但好多香港人都係今次先識佢。(圖片來源:team_nippon)

日本 羽生結弦
勝出比賽,相信好多fans 都同佢一樣咁激動!(圖片來源:team_nippon)

#01 小熊維尼狂迷

好多fans 都知道,羽生結弦係小熊維尼的粉絲,見到維尼就有安心的感覺,出門前會同維尼講:「我出發喇!」比完賽仲會向維尼鞠躬!

羽生結弦每次比賽都會帶著小熊維尼紙巾盒入場,但因為今次比賽怕太明顯的卡通角色會有廣告嫌疑,所以冇帶到上陣。

https://twitter.com/yuzuwus/status/966373737489580033

不過羽生結弦比賽之後的訪談就話,其實今次帶的蛋糕紙巾套,原本都係小熊維尼來的,只不過拆咗上面的維尼同小豬,真係超可愛!

日本 羽生結弦
同其他選手的合照,都要帶埋維尼!(圖片來源:[email protected]ondrejhotarek)

#02 超暖師弟控

平昌冬奧的花式滑冰男子組,冠亞軍都由日本奪得,亞軍是羽生結弦的同門師弟宇野昌磨,2009年兩個人同台領獎的時候,羽生已經好照顧師弟,同師弟微笑握手。

日本 羽生結弦
2009年同師弟同時獲獎的一幕,亦被日媒捕捉到!

而今年又同師弟一齊獲獎,羽生結弦對師弟寵溺地摸頭一幕,更被好多網友cap圖,充滿兄弟愛!

最近羽生結弦接受訪問的時候,被問到與宇野昌磨的關係時,羽生更加話宇野「真的好可愛好可愛」,仲話比起弟弟,反而當佢係可愛的小狗,可見兩人的關係真的很好!

日本 羽生結弦
羽生結弦望住師弟,真係笑到見牙唔見眼!

二人同場的時候,更加可以見到羽生結弦對師弟的寵溺,幫佢捲手袖、整理獎牌等,係愛啊!

日本 羽生結弦
兩人相處的畫面,好有愛!

日本 羽生結弦
記者會的時候還揑了宇野昌磨的臉!

#03 不搶其他運動員鏡

作為媒體爭相採訪的焦點,羽生結弦完全唔會搶曝光率,反而因為師弟要做採訪,寧願低調地在地上爬,都唔想干擾採訪,非常貼心。

日本 羽生結弦
為了不影響宇野昌磨的採訪,羽生結弦竟然喺地上爬!

日本 羽生結弦
這麼可愛的舉動,被日本媒體捕捉了!

#04 捐出粉絲送的禮物

自2014年開始,羽生結弦的fans就會好有默契地,每次比賽完後,都會掟入小熊維尼送畀羽生。而今次冬奧的量更加係前所未有的多,就好似落了一場維尼雨!

日本 羽生結弦
今次平昌冬奧的「小熊維尼雨」,收集了超多的公仔!

羽生結弦會將今次收到過百個小熊維尼收下,再捐番畀韓國平昌當地嘅兒童福利組織,將fans的愛分享出去!

 #05 私下個性超可愛

比賽期間唯美的姿勢迷倒不少人,而私下的個性同樣可愛!日本節目《ゴン中山&ザキヤマのキリトルTV》就拍攝了他比賽前會聽One Ok Rock的〈完全感覺〉(Dreamer)放鬆,邊行邊大聲唱的樣子超可愛!

日本 羽生結弦
比賽前一定會聽歌,放鬆一下!(圖片來源:《ゴン中山&ザキヤマのキリトルTV》)

日本 羽生結弦
咁激動的羽生結弦,你又見過未?(圖片來源:《ゴン中山&ザキヤマのキリトルTV》)

日本 羽生結弦
唱得太忘我,連主持人都嚇親!(圖片來源:《ゴン中山&ザキヤマのキリトルTV》)

日本多個官方Ig上,放上了羽生結弦的相片,都係表情多多動作搞怪!上節目時,更加因為宇野昌磨坐唔到張櫈而笑到停唔到,相信私下都係個開朗又貪玩的男仔!

日本 羽生結弦
官方Ig上的羽生結弦,動作搞怪!(圖片來源: Ig@tokyo2020)

日本 羽生結弦
見到宇野昌磨坐唔到上去,忍唔住大笑,笑聲相當魔性!

日本 羽生結弦
宇野昌磨害羞到面都紅晒!

#06 多次負傷不放棄

對於羽生結弦的成功,好多人都會以「天生選手」去形容。不過,其實歷年來經歷了多次受傷,今年參加冬奧前,亦曾經因傷消失了幾個月,而被外界猜測會退賽,好在最後都成功衛冕。

日本 羽生結弦
經歷過多次受傷的羽生結弦,成功絕非僥倖!

而最經典的一次負傷比賽,就是2014年的Cup Of China LP,當時頭同下巴都受傷要縫針,就算教練要佢退賽都拒絕,堅持上陣,果然好令人佩服!

羽生結弦
2014年負傷參賽,相信唔少fans 見到都好心痛!

羽生結弦
比賽期間雖有失誤,但依然堅持到底。

羽生結弦
得知評分時,更激動到爆喊!

#07 自傳版稅全數賑災

來自日本仙台的羽生結弦,曾經經歷了311大地震,而他出版的個人寫真集及自傳,所有版稅都捐給了災民,果然除咗有實力,更加係好有善心!

日本 羽生結弦
羽生結弦的自傳,版稅都用以賑災。

#08 運動員兼學霸

作為一個出色的運動員,羽生結弦完全可以以體育上的成就入大學,不過佢就係憑自己的努力,成功考到好成績,入到早稻田大學,修報人類情報科學。雖然因學分不夠要延畢,不過佢已經好努力!

日本 羽生結弦
羽生結弦以往受訪的片段,最近被翻出!

日本 羽生結弦
比賽時在成田機場,依然認真讀書。

最後更考上了早稻田大學!

#09 《東京喰種》忠實讀者

同好多差唔多年紀的年輕人一樣,羽生結弦都好喜歡睇漫畫,而佢私下更加係《東京喰種》的忠實fans,連作者石田翠都喺Twitter上畫了一張羽生結弦的漫畫肖像!

#10 經常大跳戀舞

雖然羽生結弦一直冇公開戀愛生活,不過佢嘅前隊友織田信成,就喺節目中,公開新垣結衣係羽生結弦的理想型,之前更多次被拍到大跳戀舞!

日本 羽生結弦
同好多人一樣,羽生結弦的理想型都係結衣BB!

比賽完結 最新動向

比賽完結後,相信好多人都會想知道羽生結弦的動向,編輯部就收集了最新的相關資訊,大家可以緊密地follow 一下!

日本 羽生結弦
雖然比賽已完結,但依然係好多日媒的追訪對象。

隨即投入練習

《朝日新聞》近日刊登了羽生結弦比賽後,即投入練習的照片。即使已經贏了比賽,依然不鬆懈!

日本 羽生結弦
比賽一完結,羽生結弦即投入練習!(圖片來源:《朝日新聞》)

日本郵局 推出紀念郵票

為了紀念羽生結弦及宇野昌磨兩位運動員獲獎,日本郵局特別推出紀念郵票。據日本《朝日新聞》的採訪報道,2月19日出售當天,有大量日本民眾排隊搶購,有日本人更加排足3個鐘,為的就是可以買到郵票收藏!

日本 羽生結弦
兩師兄弟各有一套!

日本 羽生結弦
一套郵票有5張,想買的話,可以上日本郵政官網睇睇。

郵票的售價是一套1,400円,由今日起至3月31日,都可以在網上(www.shop.post.japanpost.jp/shop/g/gKT22238/)購買,有興趣想收藏的話,記得唔好錯過喇!

日本 羽生結弦
形成搶購風潮的郵票,被形容是「一生的寶物」!

多本雜誌封面 粉絲必收藏!

向來都是日本媒體寵兒的羽生結弦,一贏到比賽就已成為唔少雜誌的封面人物,fans 身在日本的話,不妨買一本珍藏!

日本仙台 將舉行遊街

早於2014年的時候,仙台市已為羽生結弦的獲獎,舉行遊街活動,當時已經有大約9萬人參加。而今次同樣會舉行遊街活動,不過時間就未定,想親眼見到冰王子,不妨留意一下!

日本 羽生結弦
當年已經有成9萬人,今年再舉行一定會更多人!(圖片來源:nikkansports)

申請DBS Black Card輕鬆賺里數,享低至1蚊1里,獎賞達80,000里! p.nmg.com.hk/egt589