【旅遊禁忌】去陌生嘅海外地方旅遊,人生路不熟又語言不通嘅情況下,用到身體語言同當地人溝通係常見做法。但關於手勢,各地均有唔同嘅理解意思。一個冇意識嘅手勢動作,分分鐘會唔小心得罪當地人!外遊前,記得小心注意以下手勢唔可以喺咩地方使用!

撰文:C|圖片來源:visualhunt|資料來源:NAVER

10個海外旅行勿做手勢

1|Peace手勢

喺希臘等國,有對犯罪者用2隻手指投擲物品嘅習慣,「畀V」嘅peace sign等手部動作於他們而言,是帶有侮辱的意思。因此,同當地人合照嘅話,要小心迴避唔好做V字手勢!

圖片來源:visualhunt

相反,英國及澳洲文化中,手心向外嘅V字手勢則帶有「勝利」嘅意思,「V字手」源於victory。

不過要注意一點!反手V,即手心向自己嘅V字手勢則帶有侮辱成分,影相時,記得手心唔好向錯方向!

圖片來源:visualhunt

2|高舉拇指

喺唔少國家中,高舉拇指帶有「good」嘅意思,亦有祝對方好運嘅意思,截順風車時亦能用上。

圖片來源:visualhunt

不過,高舉拇指呢個動作喺阿富汗、伊朗、意大利、希臘等中東地方,則帶有「非常卑劣」嘅意思。喺希臘文化中,甚至被視為帶有侮辱成分嘅動作!如果想對當地人嘅意見表達讚好,記得唔好迷迷糊糊咁習慣性舉高拇指喇!

3|招手

招手係帶有「請過來」意思嘅手勢,但喺美國文化中,則帶有相反「走開」嘅意思。喺美國,想叫人過嚟嘅話,手心應呈朝天狀態,再郁動手指。

圖片來源:visualhunt

圖片來源:visualhunt

4|手心向外的「stop」手勢

想叫停別人或表示暫停嘅時候,通常都會習慣伸出手,並將手心向外,表示暫停。但喺希臘文化中,將手心對住對方係侮辱對方嘅行為,愈接近臉部,帶有愈強烈的侮辱性。據說,因為以前會對上咗手銬嘅犯罪者用手心抹上污物,因此,希臘人對手部動作特別敏感。

圖片來源:visualhunt

5|OK手勢

以為係最通用嘅手勢,但其實喺法國文化中,呢個「OK」手勢意味住「你冇用、冇價值」嘅意思。此外,喺土耳其、巴西、委內瑞拉文化中,「OK」手勢亦帶有猥褻嘅意思。

圖片來源:visualhunt

6|手握拳並將拇指朝下

喺日本足球比賽等情況中經常會用到,表示起哄嘅手勢,喺美國、英國等地區,則是表示侮辱嘅手勢。

圖片來源:visualhunt

7|舉起尾指

喺日本文化中,舉起尾指係表示女性時常用到嘅手勢,但於中國文化中,則帶有「行為卑劣的惡人」嘅意思。由於會造成侮辱他人嘅誤會,因此,記得盡量避免使用。

圖片來源:visualhunt

8|用手指自己的鼻子

有時於對話或表示疑問中,會用食指指著自己鼻子,表達「我」的意思。但也有些地區或國家的文化中,此動作則帶有「我是傻瓜」的意思。

圖片來源:visualhunt

9|握拳狀舉起食指及尾指

呢個狀似山羊角的手勢,喺地中海地方中被視為禁忌之一。因於《新約聖經》中,小山羊等同於惡的象徵,模仿山羊的手勢,是侮辱對方的一種行為。

圖片來源:visualhunt

10|勝利手勢

表示喜悅或成功時,不少人習慣會舉起手。可是,這個動作在法國文化中,則帶有「去死」的意思。

圖片來源:visualhunt