(Presented by Air New Zealand)

暑期已經過咗一半,對於熱愛戶外運動嘅你係咪唔捨得呢種好天氣?不如試吓去地球另一邊嘅南半球挑戰自己!新西蘭多樣嘅天然環境,除咗係「天然Gym Room」外更加係極限運動愛好者嘅天堂!今次我 Travel佳就介紹一個 5日戶外極限之旅畀鍾意冒險嘅你!

新西蘭5日戶外極限之旅提案

相比起人口密集嘅香港,新西蘭保留住大面積嘅天然環境,而且空氣清新,進行戶外活動都身心舒暢啲!今次呢個5天之旅就帶大家由威靈頓出發徒步觀賞海豹,再去海港山騎行,登上奧拉基庫克山國家公園觀星,最後去皇后鎮挑戰一連串極限活動!

第1日:凱庫拉半島步道遠觀海豹棲息地

第1日可以先做一啲比較輕鬆嘅戶外活動熱吓身。而威靈頓位於海港與山丘之間,非常適合徒步郊遊。可以先沿著海岸線一路向下駛向凱庫拉半島步道,再徒步到山上,觀看岩石上嘅海豹、海鷗等海岸風光。沿途仲可以參觀歷史遺址,了解新西蘭嘅文化歷史。

新西蘭
凱庫拉除了可以出海觀鯨,海岸嘅岩石上亦有唔少海豹棲息。

第2日:海港山騎行再浸溫泉休息

經過第1日數小時嘅郊遊,可以沿著風景如畫嘅內陸公路,前往漢默溫泉。呢度結合咗運動同溫泉,日間可以到海港山踩越野單車、騎馬等,一邊做運動,一邊欣賞大自然風光,夜晚可以享受一系列保健溫泉,為疲勞嘅一日劃上完美句號。

做運動嘅同時別忘記浸個溫泉,令全身肌肉好好放鬆吓!
做運動嘅同時別忘記浸個溫泉,令全身肌肉好好放鬆吓!

第3日:露營觀賞浩瀚星空

第3日來到喺基督城附近嘅特卡波湖,當然亦有唔少水上活動等緊你!垂釣、劃皮划艇、騎馬漫步都好吸引,絕對可以過一個豐富嘅上午。下晝就可以經庫克山村莊,穿過高地的叢林,到達奧拉基庫克山國家公園。大家可以係漫天星宿下露營,體驗伸手不見五指,被星際包圍嘅感覺!

奧拉基庫克遠離城市燈光,更係位於“黃金評級”保護區 - 奧拉基麥肯奇國際暗天保護區,肉眼就可以觀賞璀璨嘅銀河,係一個很好嘅觀星地方。
奧拉基庫克遠離城市燈光,更係位於“黃金評級”保護區 – 奧拉基麥肯奇國際暗天保護區,肉眼就可以觀賞璀璨嘅銀河,係一個很好嘅觀星地方。

第4-5日:皇后鎮挑戰極限運動

熱愛挑戰自己嘅你一定會喺最後一站玩得樂而忘返!皇后鎮係一個高山度假區,唔單止有噴射快艇、激流等,讓你越狹窄深谷,飚到你從未體驗過嘅超級速度,仲可以挑戰空中跳傘,體驗萬五呎高空極速自由落體嘅刺激感!今年11月17日仲有皇后鎮馬拉松,喺新西蘭航空官網訂票更可免費報名參加馬拉松,大家可以喺呢條擁有「世界最美跑道」稱號嘅賽道奔跑!

無論大人細路都可以坐喺噴射快艇,盡情體驗喺水面極速飛馳嘅刺激感!
無論大人細路都可以坐喺噴射快艇,盡情體驗喺水面極速飛馳嘅刺激感!

敢想敢做嘅你可以嘗試喺笨豬跳嘅發源地皇后鎮Kawarau Bridge上縱身躍下,挑戰自身極限!
敢想敢做嘅你可以嘗試喺笨豬跳嘅發源地皇后鎮Kawarau Bridge上縱身躍下,挑戰自身極限!

即買優惠機票出發 $4,900起直飛奧克蘭

係咪心郁郁想立即出發呢?即日至8月27日喺新西蘭航空官網訂機票,香港直飛奧克蘭經濟艙優惠只係$4,900起,或以優惠$5,500起飛威靈頓/基督城/皇后鎮(經奧克蘭轉機)。出發日期由8月26日至9月16日/10月3日至12月9日,正啱時機出發戶外險索呢!長途機如果想屋企人坐得更舒適啲,豪少少坐豪華經濟艙都有優惠,來回都係$9,990起咋!快啲準備挑戰自己,享受投入大自然嘅樂趣啦!

新西蘭5日戶外極限之旅提案!由威靈頓玩到皇后鎮 @Travel佳

新西蘭航空營運嘅長途航班特別設有經濟艙Skycouch,係由一排內的三個座位轉換而成,鍾意平訓又得,挨住另一半睇戲都得。另外有額外腳踏,每名乘客都可選擇將腳踏放上或放下,腳踏可作60度及90度調整。更可配備嬰兒安全帶、腰帶及睡籃。無論有小朋友嘅家庭還是情侶去旅行都非常適合。靠窗口的扶手可拉起,打造舒適的休息空間。 中間座位的所有扶手亦可移至座椅背後。

新西蘭5日戶外極限之旅提案!由威靈頓玩到皇后鎮 @Travel佳

新西蘭航空服務亦有所保證,連續5年(2014-2018)榮獲AirlineRatings.com評為年度最佳航空,喺 TripAdvisor 全球十大最佳航空公司排行榜入面排名第二,仲獲評選為南太平洋地區最佳公務艙、最佳豪華經濟艙及最佳經濟艙,最近亦獲得2018年Skytrax最佳豪華經濟艙及座椅之美譽!證明服務同航班舒適度都有一定保證啦!

 

新西蘭航空優惠

香港直飛奧克蘭經濟艙機票

每位成人:$4,900起

訂票日期:即日至8月27日

旅遊日期:2018年8月26日至9月16日 / 10月3日至12月9日

 

香港直飛基督城/惠靈頓/皇后鎮經濟艙機票

每位成人:$5,500起

訂票日期:即日至8月27日

旅遊日期:2018年8月26日至9月16日 / 10月3日至12月9日

訂票詳情:airnewzealand.hk