講到澳門話題自助餐,去年5月才開業的JW萬豪酒店中的名廚都匯一定榜上有名!不過網民話book位都等兩個月喎,真係值得嗎?今次竟然俾admin我成功訂枱,就算即日來回都要為大家去試一試吧(你睇我對你哋幾好!),食完又真係幾有驚喜喎,想知有咩必食推介?即睇報告!(22/1更新:新年仲有無位?幾錢一個人?)
buffet_jw_001

冷盤選擇少?勝在夠新鮮!

比起各大新場,名廚都匯真係偏細又逼,就連冷盤區都係得一張枱,款式亦只有10多款,以為會失望?錯!因為食落夠新鮮!尤其生蠔外表細細粒勁唔吸引,不過入口軟滑Creamy,仲有淡淡海水香,好味!而加拿大雪蟹腳就份量十足,師傅更已經在蟹殼上切割開口,一剝即食勁方便!波士頓龍蝦亦一定要試,因為龍蝦肉爽口又勁多膏,可惜刺身水準普通,只有甜蝦比較鮮甜,如果有所改善,呢度的冷盤區真係算得上高水準!
buffet_jw_002


buffet_jw_004 buffet_jw_005

buffet_jw_006

下一頁:食肉獸甜品控有福了!仲update咗新年價錢同訂位情況

延伸閱讀:

放蛇報告 | 澳門吉良$588日式自助餐回到本?

放蛇報告 | 勁平激抵價!勵庭海景 Buffet 會否中伏?

放蛇報告 | 澳門新濠影滙 $458 自助餐試食!

食肉獸必去?和牛消失了!

走到熟食區,依然覺得吸引!原條鹽燒三文魚勁誇張,視覺已經攞滿分吧,而且仲有不同必試美食如葡國雞、烤羊架等,食肉獸真係可以食返夠本。Admin最愛北京片皮烤鴨,師傅不停從火爐搬出熱辣辣烤鴨,再即叫即「片」,配合秘製醬汁一齊食真係好好味!不過最期待是食網友大讚的澳洲和牛,可惜去到竟然變了肉眼扒…果刻真係想喊出黎囉,所以絕對是期望過大,現實有落差喎!

buffet_jw_007 buffet_jw_008


 buffet_jw_010

甜品造型有睇頭,難道得個樣?

最後去到甜品真係哇咗一聲,因為全部款式造型勁精美,而且有成約20款選擇,不過水準參差,抹茶蛋糕用料足,食落滿口茶香;芝士蛋糕卻唔夠硬身,而且芝味略嫌不足!話說訂枱會有一件有你個名的私人蛋糕,不過我就搵唔到囉,再次失望!
buffet_jw_011


 buffet_jw_012

總評:高水準 但想食好西要睇彩數

如果你食Buffet亦是「貴精不貴多」,比起冷盤更愛熱葷,就一定要試這個Buffet,水準有保證!不過和牛、大閘蟹等未必日日供應,想食好嘢真係睇你好唔好彩了!通道略嫌窄,如果有排隊情況,容易有人撞人情況,好彩師傅亦夠快手refill!


22/1更新:記者打去問過,新年期間除咗6,7號全Full外,其餘日子5,8-10號都仲有位。

價錢方面,大人平日$528+1、紅日$628+1。小童平日$264+1、紅日$313+1


評分

水準:★★★★★
種類:★★★☆☆
環境:★★★☆☆
服務:★★★★☆
價錢:★★★★☆

JW萬豪酒店名廚都匯

地址:澳門路氹城「澳門銀河™」綜合渡假城澳門JW萬豪酒店1樓
電話:+853-8886-6228
時段:6pm-10:30pm
收費:
星期一至四:成人MOP$ 458、小童(3-12歲)MOP$ 229
星期五至日:成人MOP$ 528、小童(3-12歲)MOP$ 264
備註:另收10%服務費

延伸閱讀:

放蛇報告 | 澳門吉良$588日式自助餐回到本?