今次去旅行,難得見到女朋友最真實嘅一面~
一個人願意向你展示自己最真嘅一面,係一種信任同幸福。

今次拍拖旅行,難得見到女朋友最真實嘅一面!

喺你面前,我完全冇儀態。
喺你面前,我做咩就做咩。
喺你面前,我可以放心做番最真實嘅自己。

今次拍拖旅行,難得見到女朋友最真實嘅一面 | 熱豆腐仔
圖片來源:電影《原諒他77次》

喺你面前,我可以放心做番最真實嘅自己!

「唉吔~~~好攰呀!」
女朋友一嘢飛踢對鞋埋一邊,之後就大字形攤喺張床上面。
或者今次係第一次同佢去旅行⋯⋯呢啲精華片段真係第一次見。
今次拍拖旅行,難得見到女朋友最真實嘅一面 | 熱豆腐仔

「好彩冇人見到咋⋯⋯唔係真係形象盡毀。」
「我就係知道冇外人先咁放膽啫~唔係個個都見到我咁真嘅一面,哈哈!喺你面前,我可以放心做番最真實嘅自己。」
轉頭佢就繼續瞓喺床睇電視。
雖然呢個女仔平時成日發脾氣⋯⋯又叫我扮哥基*⋯⋯
但其實佢都講得啱⋯⋯

今次拍拖旅行,難得見到女朋友最真實嘅一面 | 熱豆腐仔
圖片來源:電影《原諒他77次》

要靠時間歷練出嚟

一個人願意展示最真嘅自己,係一種信任。
唔需要刻意,亦唔需要造作,做番最舒服嘅自己。
喺自己面前,佢就好似一個細路女咁,
呢一面嘅自己,就只有專屬對方所擁有。

要相處到能夠做番最真嘅自己,其實一啲都唔容易。
如果啱啱一齊無耐佢就 all in 畀我睇,show晒所有「技能」出嚟,唔嚇鬼就真係有鬼。

所以好多嘢,都係要靠時間歷練出嚟!

今次拍拖旅行,難得見到女朋友最真實嘅一面 | 熱豆腐仔
圖片來源:電影《原諒他77次》

大家都經歷過一啲甜酸,亦有經歷過一啲苦辣,
痛過、喊過,乜嘢味都試過晒,
若果呢個人仍然喺你身邊,
呢刻嘅你,應該唔需要再遮掩甚麼,
因為你最真嘅一面,佢應該都全懂了。

能遇見願意甜酸苦辣都陪你過嘅人,唔容易⋯⋯

我走去拍門:「喂⋯⋯喺廁所搞咩咁耐呀⋯⋯成粒鐘喇⋯⋯」
佢大聲咁叫:

「屙完屎順手沖涼嘛 !」

最真一面,有優點亦有缺點。

咁大聲⋯⋯隔籬房都知你屙屎啦⋯⋯

今次拍拖旅行,難得見到女朋友最真實嘅一面 | 熱豆腐仔
其實我覺得一個平時外表天真可愛嘅女仔⋯⋯竟然咁直接向我大叫「屙屎」兩個字⋯⋯唔知點解⋯⋯個感覺好奇妙⋯⋯

不過都好,起碼咁樣大家都係最真最坦誠。
有時刻意去掩飾自己,真係好辛苦⋯⋯
「靚女唔屙屎咩?你仲要屙咁耐,哈哈!證明咗你唔係⋯⋯」
「你即刻入嚟同我食晒佢!」
「⋯⋯」

今次拍拖旅行,難得見到女朋友最真實嘅一面 | 熱豆腐仔
能遇見願意甜酸苦辣都陪你過嘅人,唔容易。能夠喺你面前都願意展示自己最真嘅一面,更艱難。

雖然佢成日「出口成屎」,但我何嘗又唔係一個「粗口成文」嘅人⋯⋯
或者要再搵另一人重新建立嗰個最真嘅自己,的確有難度。

「咁我入嚟喇!嘿嘿嘿!!!!」
「哇!!變態佬呀!」

緣分叫我哋遇上,或者有啲嘢就係註定~

PS: 你搵到最真嘅自己未?

那個真實嘅自己,又願意展示畀對方睇嗎?
今次拍拖旅行,難得見到女朋友最真實嘅一面 | 熱豆腐仔