睇咗幾集都知, 農夫 兩子陸永同C君即使冇咗Do姐都一樣咁好笑,英國留學即使慘被地獄式體育訓練都示範到「嘴失禁」,真係要畀啲掌聲!不過幕前好好笑,幕後停機時會唔會係只齋玩手機?定依然冇時停不停亂噏當秘笈?出名係愛妻號的陸永又有冇日日越洋報告?或者變做甩繩馬騮放監唔理愛妻愛女?今次幫大家追問監製獨家爆料,即睇!

採訪:Alex @ A君的泡菜日誌

01| 陸永愛妻號 每日準時越洋報到

陸永結婚五周年再向太太求婚,震驚香港七百萬人,仲令佢成為「愛妻號」!去到英國,係咪一樣咁絕種好男人?監製就力證佢係「超級愛妻號」--每逢停機準備set up或搭車時,陸永都一定越洋報告同哄哄家中千金,仲要唔係簡單報平安,而係耐心將所有行蹤逐一報告,可以說是「嚴重劇透」,誇張到監製都忍唔住話:「你老婆未睇都已經知道晒所有節目內容喎!」「愛妻號」果然名不虛傳!

156fe548-a68f-42aa-ac38-ce91cfcc7482.156fe548-a685-44d7-9b8d-a1573fcf0bdb
陸永結婚五周年再向太太求婚,好浪漫!

經常post晒命一家合照,今次仲不停越洋報告,愛妻號level升級!

認真問:會打算送阿女去外國讀書嗎?

本身陸永堅持唔會畀愛女去外國讀書,但嘩鬼旅程完結後,佢反而有全新感受。

「其實香港同英國教育制度真係各有各好,不過喺外國讀書會有好多不同的經驗,就例如香港小朋友可能呢一世人都唔會爬過樹,但外國老師反而叫小朋友盡量去試,滿足好奇心,我覺得呢個教育方法真係好好!」
156fe548-c472-4802-b0c4-247da1cfca91.156fe548-c47e-45f1-83ef-531080746103.png
陸永囡囡勁得意,難怪佢本身唔捨得送囡囡去外國讀書。

school308

農夫遲到被罰要陪小朋友爬樹,佢哋最surprise係老師完全冇阻止,反而叫小朋友盡情玩!

02| 英鎊跌都冇去shopping?因為要陪Do姐!

拍攝《嘩鬼上學去》正值7月頭英國宣布脫歐,英鎊插水式下滑,咁好機會佢哋有冇去掃貨呢?

監製就話:「拍攝行程超趕,free time只得最尾半日。」不過Do姐現身,兩位瞬間變跟班,當然陪娘娘去Harrods啦,之後情況同《跟住Do姐去Shopping》一樣,農夫當然係有得睇冇得買!Do姐事後叫佢哋去機場Duty Free睇,點知原來陸永想買啲品牌喺機場係冇專櫃的,所以……最後係咩都買唔到!So sad!

ttvb_0608
Do姐出動,農夫又點會唔去服侍娘娘呢?所以,Do姐有收穫,佢兩個咪陪行街囉!

1IMG_0300 copy

監製都話拍攝行程超趕,最誇張係4:00am集合去練游水,影到夜晚先收工,難怪佢哋冇心情shopping,一有機會就攤喺地上。

03| 農夫係即場爆肚?定係事前諗gags?

節目咁好笑,監製就話其實70%係roll機前已經傾好,所以拍攝場景其實有set up,不過佢自己就覺得另外30%即場爆肚其實更好笑,就如試校服時,佢哋係預計嬸嬸會突然叫佢哋自我介紹,好彩C君陸永轉數快,即刻答到Andy Lau同Jackie Chan,場面好好笑!監製最多謝佢哋係,有時度咗橋但唔好笑,佢哋即場爆肚都救得番,實在好厲害!

english

IMG_00931

拍攝團隊其實只有5個人,所以諗橋好多時都要農夫幫手,不過監製大讚佢哋兩個投入度高!

borkingschool_farmer04即場爆肚話自己係Andy Lau同Jackie Chan,監製話係當日最無厘頭但好好笑的場面。

04| 惡搞老師 真係嬲咗!

不少網民都話第一集,農夫惡搞老師實在冇大冇細!唔知老師有冇嬲?其實9成老師、舍監和同學仔都好鍾意佢哋,不過上堂時,拉丁文老師同美術老師對於佢哋惡搞都畀唔到反應,而且真係有啲嬲。好彩佢哋兩個識做,即刻哄番老師,而且發揮搞笑功力,場面先唔怕太尷尬!其餘時間農夫同朋友仔都相處融洽,臨走時同學仔都好唔捨得!

fama03-1024x576玩到咁,我係老師都嬲吧!
fama04-1024x576

因為事前有溝通,老師拍攝時其實已經盡量唔黑面,開心講解。

borkingschool_farmer02但示範時依然忍唔住有少少黑面。