從屋企出發一直去到機場,或者身體仲未出境上機,但身邊有對方陪伴,呢種感覺好似已經一齊去緊旅行咁。
你拖住一個行李,另一隻手亦不忙同時牽著她,

或者大家拍拖以嚟第一次去旅行,就算只係飛去台灣、日本好近嘅地方,都已經好滿足開心。

又或者去邊度都唔係一個重點,而係你同邊一個去⋯⋯

那一次,就係跟女朋友第一次去沖繩Okinawa,加上我哋兩個都算係鍾意大自然同郊區,所以成件事就更加錦上添花。

雖然沖繩並唔係咩發達城市,但正正嗰種比較舒服緩慢嘅感覺,更加適合我哋香港人去~

而我哋去旅行,主打都係食嘢同影靚相,兩個人拖住手喺日本天空之下漫步,呢刻乜嘢都唔使諗、唔使煩,感覺好舒服寫意。

每一個地方,都彷彿留有我哋嘅腳印、回憶。

就算旅行已經結束,但每一張相、每一句對話都仍然記得清楚。

年月流逝,原來好多嘢都不知不覺改變緊,

身邊嘅人和事,或者都未必留得住,但一講起大家去過嘅地方⋯⋯

一啲足跡始終都會記得喺心入面

有次朋友知我去過沖繩,就叫我介紹下有咩好玩、有乜必食等,

我攞番之前去旅行嘅相,逐一逐一推介佢邊啲景點要去。

「哇⋯⋯真係幾正喎,你玩咗幾多日呀?」

「5日4夜咋,其實仲有好多地方想去。」

「哈哈,旅行從來就冇人會嫌日子多~~你嗰陣同邊個去?女朋友?」

「係呀⋯⋯」

翻開舊照片,好多當時兩個人嘅合照仍然存放係手機,

或者呢啲屬於那些年嘅回憶,都唔會捨得刪除⋯⋯

同朋友寒暄幾句,而佢似乎亦都喺呢趟旅行有所得著。

望番呢啲舊照片,諗番當時一段屬於兩個人嘅旅程,

呢刻我先知道,原來⋯⋯

大家一齊走過嘅每段路,始終留有彼此不能忘記嘅印記。

雖然大家都和平分手,亦可能各有新對象,早就冇咗當時傷心嘅感受,

但每講起呢個地方、景點,都不自覺咁諗番起一個人~

Ig:hottofuzai

fb: 熱豆腐仔

下一頁:激嬲女朋友的理由 | 旅行訂錯單人床