放大假同男女朋友去旅行,最期待嘅畫面一定係 sweet sweet 咁去人氣旅遊點打卡,瘋狂自拍,一齊食大餐,2 人世界一番!不過日對夜對,總有收起心心眼嘅時候,。 情侶出遊 要點相處至好?

秘訣 01| 幾嬲對方都唔好隔夜


旅行本來係開心事,如果要嬲對方都唔好嬲咁耐!你諗吓:五日旅行減咗兩程機,減咗搭車、瞓覺、去廁所嘅時間,其實唔係有好多時間二人世界架咋!可能因為你嬲對方就少咗個同你甜蜜合照嘅機會,如果你嬲過夜,可能對方唔嬲都變嬲:有無咁誇張呀!見到對方嬲爆爆,好快啲同佢解開心結,旅行留多啲開心回憶丫嘛!

秘訣 02 | 無限放大對方嘅好處吧!

眼中只有對方,就會無限放大對方嘅行為。無錯,分分秒秒都見住,真係滿足晒平日只見得一陣嘅心,不過任何時間都對住,平日拍拖睇唔到嘅生活習慣都走晒出嚟,可能平時無手尾你會幫手執,仲覺得對方無咗你唔得,但去旅行日日如是就會無名火起。不如心平氣和啲,諗吓對方去邊度玩都就晒你,想食咩都陪你仲好啦!

相關文章:旅行時觸發吵架的 7 大金句

秘訣 03 | 別推卸責任給對方

去到個景點先發現休息?miss咗班車要等多一個鐘?旅途中遇到意外大家都唔想,喺賴對方無做好準備、唔聽自己意見之前,不如快手解決眼前嘅問題先!行程安排有錯,即刻睇下附近有咩好去處,或者直接去下一個目的地好過,非常重要、必去嘅地方一定要安排好。安排行程時都要幫下手,唔好旨意晒對方,出錯又賴對方,自己都有責任架!

相關文章:成為合格好旅伴的 9 個條件

秘訣 04 |製造屬於兩人的回憶

除咗減少磨擦,都要製造一吓甜蜜回憶,以後諗番起依個旅行仲唔開心到爆?!試吓安排一啲兩人都未去過嘅行程;大家都唔敢玩嘅機動遊戲;情侶必做嘅老土活動,著吓情侶裝咁。可能最後蝦碌收場,但兩個人願意同對方創造回憶,要好好珍惜依啲機會呀!

 

下一頁:不要放生「愛旅行的男人」!4大魅力值得妳珍惜!

每次Plan行程都會同女友鬧交|藍橘子

情侶旅行 | 自拍可以點玩?| 美棋BB 親自教路