去旅行食麥當勞?無錯!其實世界各地唔少麥當勞都會因地制宜推出特色餐單,配合唔同國家的口味,樣樣都係地區限定,真係有錢都食唔到!除了香港人熟悉的日本櫻花漢堡、新加坡榴槤麥旋風之外,仲有唔少聽都未聽過,你有無興趣試下?

 

 

地區限定 千奇百趣麥當勞

日本只賣細薯條

薯條唔一定有齊大、中、細包!日本麥當勞呢排同入口薯仔的美國西岸公司進行員工談判,結果管理層就恐防唔夠薯仔用,決定將大、中薯條下架,認真未雨綢繆。雖然每個餐都收少50円,但就有日本民眾話得細薯條唔夠喉,要買多幾包頂當喎!

 

 

地區限定 千奇百趣麥當勞

哥斯達黎加黑豆飯

邊個話麥當勞賣飯好出奇!位於美州的哥斯達黎加最出名的傳統美食就係黑豆飯,當地人甚至稱黑豆飯為「國飯」,而麥當勞為成功打入當地市場,就將「國飯」加入餐牌,結果大受歡迎。

 

 

地區限定 千奇百趣麥當勞

阿根廷限定紅酒餐

安格斯牛肉漢堡配紅酒,唔一定fine dining先有得食,在阿根廷的麥當勞一樣可以享受得到。這個堪稱全球最貴的麥當勞餐,價值$10.8美元,即大約$90元港幣有找,如果唔介意麥當勞的快餐環境,其實都抵食架!

 

 

地區限定 千奇百趣麥當勞

意大利限定奇異果棒

意大利麥當勞為了打入女性健康市場,推出了標榜新鮮現切的水果系列Le Frescallegre,除了有已經剝皮的奇異果外,更有切件蘋果條、甘筍和葡萄粒,見到都覺得非常清新。