(Presented by 國泰航空)

去旅行有短途有長途,但講到要搭長途機,我 Travel佳最怕悶,又怕冇覺好瞓,所以都係比較鍾意搭頂尖航空公司嘅飛機。就好似國泰航空最新嘅 A350-1000 經濟艙,就畀到我一定驚喜!

國泰

全新A350-1000飛機經濟艙更舒適

搭飛機短短哋都可能要幾個鐘,如果個位坐得唔舒服,又冇娛樂的話,其實都幾慘!如果坐國泰航空全新的A350-1000飛機就唔怕喇!新加盟嘅呢20架飛機,無論商務客艙、特選經濟客艙,還是經濟客艙嘅座位同設施都經過重新設計,坐起上嚟就更舒適。

升級1:機上 Wi-Fi 無間斷

個個手機不離手,上飛機要與世隔絕一定好唔慣。而 A350 就提供無線網絡服務,大家可以繼續上網,喺飛機上拍片影相,即時上載到社交網絡,同朋友保持聯繫!玩到手攰,座位有個平板電腦支架,再加上每部電視下面都有 USB 充電位,可以隨時為身上電子裝置充電添!

升級2:人體工程學座位瞓覺好

經濟艙個位話大唔大話細唔細,要坐咁多個鐘,張櫈舒服最緊要!A350 經濟艙嘅座位都由設計師Recaro採用符合人體工程學設計,增設可靈活調校角度的頭枕同可摺疊的扶手,咁頭頸都可以得到承托。想瞓覺好,座位側墊仲有多個模式調校,加埋智能情境燈光照明同降低噪音水平設計,想點瞓都唔係問題啦!

升級3:1,000小時娛樂節目有排睇

除咗自己部手機,飛機上面最佳嘅娛樂梗係嚟自椅後嘅個人高清11吋觸控式螢幕同入面嘅娛樂系統。呢個 IFE系統唔單止有超過1,000小時電影、電視節目、音樂、廣播同遊戲享受,今次仲多咗唔少為香港人量身定製嘅內容,變得更啱口味!咁就搭幾耐機都唔怕悶喇!

以後搭長途機就唔使帶咁多嘢,準備好去旅行嘅心情就夠喇!想知更多 A350 有幾好?即睇 http://bit.ly/2nLuesZ