孝順女如我阿珍,每年都會 同阿媽去旅行 ,但!唔係次次都令母親大人滿意!好似去年同阿媽去泰國,出發前不停被阿媽哦幾十次「記得帶XXX呀」,結果呢??臨出發前一日阿媽先至發現自己本 BNO 過咗期,最後要用多 3 千蚊改機票!使錢事小,最後旅行去得成就好。但同阿媽去旅行都有好多嘢要注意,杜遊珍嘅朋友就唔夠我咁多經驗。

01) 你以為景點「冇所謂」?其實帶佢去超級市場最抵玩


杜遊珍個老友就試過同阿媽跟團去東京,出發前問阿媽有冇意見,阿媽就乜都話「冇所謂」,去到東京當然少不免行街 shopping 環節,但係原宿點會適合阿媽行吖!結果阿媽即時大發老脾,話又悶又辛苦,仲講到話要即刻返香港!但係一去到超級市場,佢成個人立即變晒!

同阿媽去旅行
帶阿媽去景點穩陣好多!但其實佢心底最想行超市!圖片:www.travelandleisure.com

記住:阿媽可以唔行景點、可以唔去睇薰衣草園,但係日日都要去超!級!市!場!行supermarket對腳係另一對腳,絕對唔會攰。aeon

02) 跟團好過自由行

見過鬼唔怕黑,第二年朋友Y再同佢阿媽去台灣,唔跟團自由行,諗住行程可以隨意少少!我哋年輕人不嬲習慣用最少時間玩最多地方,平時自己趕搭巴士、高鐵就話冇問題啫!但原來阿媽係唔會理你,就算台鐵仲有 10 分鐘就開,佢都可以慢條斯理。

記住:你急佢唔急,結果朋友Y忍唔住催阿媽行快少少,竟然中暑收場,差少少釀成慘劇!

同阿媽去旅行
你估個個阿媽都好似Pakho媽咁玩得咩?

03) 唔想跟團?養尊處優梗係「自駕遊」!

想同阿媽去自由行旅遊,真係要 well-planned ,識揸車最好係自駕遊,時間可以自己控制,唔使趕頭趕命,阿媽又可以隨時上車休息。

記住:同阿媽去旅行梗係想佢嘆下啦!最好全程食、瞓、食、瞓,就最啱阿媽養尊處優喇!

同阿媽去旅行
同阿媽去旅行近近哋一樣得,好似容祖兒咁,同阿媽去中山食好東西又得!

下一頁:「帶父母去旅行,一定要當佢哋係細路咁湊!」

shaerLinkTemplate_fa_parents_travel