台灣觀光局：每日派出1,000張
觀光局表示，由今年起到2023年底將抽出25萬名的自由行遊客，平均每日有1,000名遊客中獎。
網民批評：有錢無埞使
有網民選擇以悠遊卡領取$5,000消費金，指：「基本上得便利店同搭車可以無礙使用悠遊卡，很多小店甚至一啲連鎖店，例如手搖飲料店龜記、可不可等並不支援，大部份只收現金/Line Pay」、「大型百貨用唔到，食肆更加唔使諗，完全用唔到」、「成個信義區得KFC同Pizza hut收」等。
有用一卡通的網民就指：「真係幾難用得哂，好多地方唔收，臨走喺新東陽買手信先用到千幾蚊台幣咋，收一卡通嘅食肆係KFC，M記嗰啲….我做乜要去台灣食呢啲香港都有嘅連鎖餐廳」、「遊客心態都是想吃夜市小店，不過好多都唔收」、「台北嗰邊唔多地方用，基本上得便利店同埋交通用到」等。
網民攻略：台北車站買手信
有網民亦分享消費金使用攻略：「搭車都用到成千蚊，花蓮夜市有部分檔口收悠遊卡。剩低嘅有喺超市買台灣零食，便利店買嘢飲，同屈臣氏買護膚品化妝品，都易用哂。雖然可有啲嘢香港都有得賣，但免費又用得着就ok」、「主要係捷運公車全家藥房度用」、「買手信可以去台北車站嘅微風，大部分用到一卡通，不過記得買嘢食嘢前問用唔用到」、「喺SOGO、誠品、Watsons 用哂，一啲都唔難」等。
台灣消費券：電子票證
可用電子票證在台灣境內提供小額支付的特約商店消費，單次使用上限為1,500元新台幣，每日使用上限為3,000元新台幣。可選擇悠遊卡或一卡通。
悠遊卡使用範圍：www.easycard.com.tw/use-range
一卡通使用範圍：www.i-pass.com.tw/en/Page/Stores
台灣消費券：住宿折抵優惠券
將會派發5張1,000元住宿折抵優惠券，用於台灣境內配合且取得觀光旅館業執照觀光旅館業或取得登記證旅館業及民宿。住宿折抵優惠券僅限一次使用，不得找零、轉售，而且只可以是得獎者本人使用。