(Presented by HotelsCombined)
自問中了 台南 旅遊毒嘅你,唔知最近有冇毒癮起,想今日遞假紙,聽朝就出發去 台南 呢?毒還毒,我阿佳就想知你除咗奇美博物館、七股鹽山、藍晒圖外,你又有冇去過以下7大必訪景點?佢哋主要喺中西區,可以話係文青必到,集小吃美食與藝術文學於一身,最啱漫步旅行!

1 |懷舊新美街

唔講你唔知,原來新美街有台灣第一座武廟「開基武廟」,除咗傳統嘅米舖同舊式旅館,仲有好多年輕藝術家成立嘅藝文空間,相當有文藝氣息。新美街上嘅「泉興榻榻米」有位國寶級老師傅李金水坐鎮,佢製作嘅榻榻米有成70年歷史。帶唔到咁大張榻榻米返閨,可以DIY榻榻米杯墊,帶返屋企留念,想玩就要預先同「妳好南搞工作室」預約!
網址:https://www.facebook.com/TainanYoYoYo
台南 -必訪景點-台灣

2 |敗家勝地林百貨

2014年重新開幕嘅林百貨喺日治時期係南台灣最大嘅百貨公司,依家就化身成台南文創地標,集中數十家文創商店,大把嘢買,小心敗晒今個月份糧!我阿佳推介專營連身洋裝嘅Kan’s,係台灣唯一以1920至1940年代Art Deco風格為主嘅服飾店,特選華麗細緻嘅布料以手工製作,穿洋裝遊台南,浪漫又懷舊。

林百貨-台南-必訪景點

3 |影迷至愛全美戲院

正所謂文青一定鍾意睇戲,文青亦更鍾意流連戲院,仲要係愈懷舊愈好,咁先可以影多幾張相,呃多啲like。大導演李安細個成日去嘅全美戲院,係咪聽到個名已經想去呢?嗰度保留咗全台唯一嘅人手繪畫電影海報,院內院外都忠實地保留著原貌,係電影迷不可錯過嘅人文風景。
台南 -必訪景點-全美戲院

4 |國華街與正興街

國華街喺清代係庶民匯聚嘅市集,入面有座250年歷史嘅水仙宮市場,仲有好多由老屋改建成嘅文創店家同小食。正興街喺台南係最知名嘅文創商圈,藏匿著許多隱藏版特色小食。呢度嘅老宅已被年輕人進駐,改裝成一家又一家獨一無二嘅藝文空間、咖啡店、二手商店,一片古早台南嘅繁華景象!

5|飯後漫步神農街

神農街喺清代係最繁華嘅貿易市集,好多老屋到依家仍然保留住清代同日治初期嘅外觀結構。除咗私人住宅外,百餘公尺嘅街道排滿文創商店、旅店、飲品店,同唔同嘅藝術工作室。每到夜晚,呢度都會亮起昏黃古樸嘅街燈,最啱食完晚飯嚟行個街、散下步。

神農街-台南 -必訪景點

6|小南天生活輕旅

小南天生活輕旅由超過百年歷史的老建築改建而成。係一間以傳遞台南嘅美好人情味為宗旨嘅小旅館。不論逛老街、古蹟,都非常方便。
台南 -必訪景點-小南天生活

7|台南晶英酒店

離台南孔廟不遠嘅台南晶英酒店係台南五星級住宿首選,有戶外泳池同多種休閒設施。住客仲可自由使用酒店嘅單車租用服務,可以嚟一次台南單車漫遊,連出去租T-bike嘅時間都慳番,超方便!
網址:https://goo.gl/eOHGMB
仲有睇下台南有咩好酒店、旅館?呢度有340個選擇,即去 https://goo.gl/eCF1x5 睇睇!
以上照片由都市遊魂提供 (https://www.facebook.com/citytraveldreamer/)