去旅行除咗吃喝玩樂之外,最大意義當然就係同身邊嘅旅伴一齊走過呢段路,留低美好嘅足跡!

講到旅行,點樣玩、點樣食都唔係討論重點,因為成班朋友嘻嘻哈哈、一齊走過那些年的日子,當中有幾開心、幾難忘都唔使我再多講。因為呢份感覺,你哋一定會清楚記得!

旅程頭兩日去到盡 回酒店即瞓着

由機場返到酒店,好多時朋友仔已經忍唔住要衝出去!旅程頭兩日點都會「all in」,去到夜晚就超級攰,一上床就瞓着,就算未瞓着都會自己玩手機(冇計,短線旅行就是這樣)。

行咗成日街真係用咗好多體力,充電留力明天再戰都係合理 (真係由朝食到晚),但當去到旅程最後1晚,通常唔會再咁早瞓!

IMG_7365

旅行最開心 與知心好友促膝長談

唔知大家有冇同感,好多人都話去旅行當然係要影景點、食好嘢先叫開心,但其實有時喺酒店同知己閨密攤喺床吹下水、飲下嘢,你都咪話唔爽歪歪!

始終平時喺香港各有各忙,真係「你有你嘅生活,我有我嘅甩轆」。就算約對方食餐晚飯都約N年先會齊人,加上大家住嘅地方又未必好近,通常食埋糖水就已經要說再見要講bye-bye……所以真係可以好hea唔趕時間咁去傾偈,機會真係唔多……

而旅行似乎正正解決咗呢個問題,而且最重要,係唔使再趕返屋企!真係飲醉、眼瞓嘅,馬上 「goodbye my love」就可以攤落床睡覺。

IMG_4972(不過最好笑第朝起身又見到對方,成件事你都咪話唔hehe sheshe。)

當然,每個人旅行想追求嘅嘢都唔同!有人想追景點、刷數據,可能有些人去旅行也要保持良好習慣早睡遲起,所以同一班人都未必有共同興趣。但相反如果對方真的願意陪你促膝長談,證明咗你喺對方心目中,已佔有一定地位!而這種友誼帶來的歡樂,更加能使旅行變得圓滿!

IMG_7207

PS:不過喺香港咁急速嘅生活節奏,有得去旅行已經好開心 #sosad

hottofu

個人動態:) ig: hottofuzai
https://www.instagram.com/hottofuzai/
更多文章fb: 熱豆腐仔
https://www.facebook.com/hothottofu/

歡迎加個人AC:)
Ho ToFu
https://www.facebook.com/hottofuzai