我個人比較膚淺,去旅行真係為咗吃喝玩樂。除咗買手信畀朋友之外,一律唔接受「手信購買list」。有心嘅自然會送,冇心嘅,去阿信屋買幾包薯片畀你,你收到都尷尬啦係咪先?

正所謂物以類聚,我身邊嘅朋友每次去旅行都會買啲令人O晒嘴嘅嘢做手信,佢哋話咁樣先夠特別,一世都記得自己去過邊個國家⋯⋯

01 | 去日本韓國買米

相信好多人都會咁做,5kg、10kg 咁托啲米返香港。的確,日本、韓國嘅珍珠米真係好食好多,去韓國買又平,有時寧願買少幾件衫,都想買包米返香港。

相信好多人都會咁做,5kg、10kg 咁托啲米返香港。

02 | 買日本刀

唔係講緊萬用刀或者廚房用刀啊!係日本武士刀啊!有個朋友因為多年前玩過某隻戰國嘅電腦遊戲,變成日本歷史迷,成日都話想買把妖刀放喺屋企。有次同佢去旅行,海關問佢攞住把嘢咁長係咩嚟,佢雙眼發光咁向海關介紹自己把刀⋯⋯

唔係講緊萬用刀或者廚房用刀啊!係日本武士刀啊!

03 | 泰國佛牌

近年好多人都鍾意戴泰國佛牌,喺街都見唔少人戴到「滿身神佛」。有個朋友去到泰國,諗住喺當地買佛牌會比較有效。但其實喺泰國買都唔代表一定有效,去黃大仙拜嘅平安符都唔一定係真啦係咪先?

04 | 買原木家具

去旅行真係令人購買慾大增,喺香港見到貴嘢,可能會覺得唔值,但去到外國就忍唔到手。有朋友去到歐洲見到原木靚家具,就忍唔住買咗返香港,返到屋企先知唔夠位放,最後只好賤價出售。

有朋友去到歐洲見到原木靚家具,就忍唔住買咗返香港,返到屋企先知唔夠位放。

05 | 夾公仔停唔到手

喺日本夾公仔舖夾公仔嘅成功率比起香港、台灣都高好多,仲可以叫職員幫手,而且禮物非常吸引,令人想夾完再夾。結果係咩?最慘嘅唔係空手而回,而係滿載而歸,攞到返屋企就後悔。

滿床都是戰利品,其實會煩惱如何帶回家⋯⋯

下一頁:口裡說不,身體卻很誠實! | 發現好多香港人其實成日返大陸