好多電視劇迷每次睇住心愛的電視劇,都會驚嘆點解螢幕裡的場景可以咁靚,其實好多熱門劇集的場景都唔係來自CG,而係現實都去到的景點!以下呢9個地方,全部都係劇集的拍攝地點,好適合一班發燒劇迷去朝聖,去到仲可以幻想一下自己成為劇集的主角!

 

 

劇迷出走!9大熱門劇集真實場景

True Detective – South Louisiana,美國

South Louisiana的Vermillion Parish就係劇集True Detective裡面兇殺案發生的地點,亦係環繞整個故事劇情的主要場地,但同劇集裡面的黑暗氣氛相反,South Louisiana其實有好多好靚的風光,就好似Palmetto Island State Park的大自然風光就好值得去睇下啦。

 

 

劇迷出走!9大熱門劇集真實場景

Game of Thrones – 北愛爾蘭、冰島、摩洛哥

全球大受歡迎的劇集Game of Thrones,以虛構大陸維斯特洛為故事發生的地方,裡面充滿魔幻中土感覺的場景其實主要在北愛爾蘭、冰島、摩洛哥三地拍攝!想置身劇集當中,就記得要去北愛爾蘭的Tollymore State Forest、冰島的 Lake Mývatn同埋摩洛哥的town of Ouarzazate。

 

 

劇迷出走!9大熱門劇集真實場景

Girls – New York,美國

Girls係一部以住在New York的一群年輕人好友為中心展開的劇情喜劇,劇集將New York的日常完美咁表現出來。因為當中的場景好多都係Cafe又或者Party地方,所以好適合一班潮人去潮聖!

 

 

劇迷出走!9大熱門劇集真實場景

Braquo – Paris,法國

Paris一向都係旅遊的熱門地點,不過劇集Braquo就充份表現出Paris黑暗的一面,Braquo將Paris暴力同罪惡帶到螢幕,亦都俾觀眾睇到Paris極少見的一角,所以一眾劇迷,不妨下次去到Paris,試下搵下劇中場景!

 

 

劇迷出走!9大熱門劇集真實場景

The Killing – Copenhagen,丹麥

去到丹麥想搵劇集The Killing裡面的謀殺場景,就一定要去Amager島的Pentecost Woods,Amager島的大自然景色絕對睇到你目定口呆,然後再出番Copenhagen市中心,享受一下呢個咁靚的城市,好有反差感!

 

 

劇迷出走!9大熱門劇集真實場景

Deadwood – Deadwood,美國

劇集Deadwood將1870年代South Dakota的Deadwood鎮呈現出來,歷史上Deadwood鎮由營轉為鎮,當年仲係淘金業的先驅,好有歷史故事,劇迷來到可以一邊搵番歷史故事發生的地點,一邊可以回味心愛的電視劇集。

 

 

劇迷出走!9大熱門劇集真實場景

Downton Abbey – Hampshire,英國

宏偉的城堡同上流社會的氛圍一直都係奪獎無數的劇集Downton Abbey吸引劇迷的重點之一,想感受呢股高貴的英倫氣息,就要去Hampshire睇下劇集裡面的城堡Highclere Castle,係城堡裡面影下相,再係出面花園散下步,咁就做足一日貴族!

 

 

劇迷出走!9大熱門劇集真實場景

Sherlock – London,英國

大名鼎鼎的名偵探Sherlock Holme不嬲都好受歡迎,而近年的劇集Sherlock就再一次將Sherlock Holme帶上另一個高峰!Sherlock迷記得去到London要搵下有關Sherlock Holme的野,事關London有好多大街小巷其實都隱藏咗Sherlock Holme的頭像同相關物品,由其是在Sherlock的屋企Baker Street附近,順路仲可以入埋Sherlock Holme Museum朝聖!

 

 

劇迷出走!9大熱門劇集真實場景

Breaking Bad – Albuquerque,美國

New Mexico的Albuquerque係劇集Breaking Bad的主要場地,Albuquerque其實並唔係劇集裡面講到咁多毒品交易,反而仲係一個相當宜人的城市,想尋訪下劇中場景?就記得要去Twisters食個快餐同The Grove飲soy chamomile tea啦。