身為 MACAU fans,有哪些日常對答,會令你最百辭莫辯感到最「激心」?
幾年前的「一句激嬲乜乜乜」遊戲系列之中,就曾經有一個針對澳門朋友而設的「一句話激親澳門人」大賽,挑戰大家的底線,入圍作品可算是「歷久常新」,如今重看依然十分有共鳴,大致可以分為以下4大類:

「常識是零」系列:

有時寧願被遺忘,都好過被視為強國一部份!遇著以下問題,真係答都費事:
「澳門人吾係講葡文嘅咩?你廣東話好叻啊!」、「入澳門境用回鄉卡架呵? 」、「原來澳門都有高樓大廈㗎?乜唔係全部都係木屋咩? 」、「澳門人識寫繁體?!」、「澳門人咁潺架,周街都係藥房!」……

「地理白痴」系列:

或者澳門地方真係太細,存在感薄弱,不過就連台灣朋友都對港珠澳撈埋嚟講,真係有啲百辭莫辯:
台灣人:「你們在香港哪一區?」、「澳門?是屯門旁邊嗎?」

廣州同學:「你哋過嚟係咪要搭飛機咖?」、「你哋去邊都要坐船係咪好麻煩?」

「港燦大_晒」系列:

早在大陸客進佔之前,香港人大爺般的旅遊態度早就為澳門人所詬病:
「呢個係咪澳門幤價錢?」、「有冇搞錯,你哋憑咩唔收港幣?」、「我回鄉證過咗期,過唔到澳門…」、「香港同澳門有時差嗎?」、「原來你哋澳門自己有電視台咖?」、「原來澳門睇到TVB架?咁先進嘅? 」……

「憤怒的葡萄」系列:

人睇我好,我睇你好,不過大家唔好立亂咁派酸葡萄啦:

「你地澳門就好啦, 又派錢」、「幾好呀,你地唔洗做每年就有政府派錢」、「你哋就好,啲嘢又平又正又安全!」、「澳門人有幾耐風流有幾耐折墮!」……

不過在芸芸投稿作品中,網友Ivan Ho的意見,可能才算最反應到澳門人的性格:

我相信真正澳門人係唔會被激到的,只有新移民居民才會被氣到、才會令港澳大戰,因為他們不懂將心比心,真正澳門人懂得將心比心,了解別人感受!~Ivan Ho

一句話激親澳門人大賽
source:《十月初五的月光》電影劇照

「常識是零」系列:
有時寧願被遺忘,都好過被當作係強國一部份,估唔到大家對澳門的印象竟然咁薄弱:

澳門人咁潺㗎,周街都係藥房!

-香港嘅朋友應該最能理解,發展失衡就係咁嘅狀況,藥房就嚟多過當鋪,分唔到邊樣生意比較好……

澳門人識寫繁體?!
原來澳門人寫繁體字㗎?你哋唔係跟大陸嗰邊嘅咩?

-雖然有親共學校嘗試暗中採用簡體字教材,不過澳門由政府到民間都依然係寫梗正體中文,台灣的朋友唔好以為我哋一早被赤化啊!

講兩句葡文嚟聽吓吖?點解你廣東話咁流利?
澳門人係咪用葡文/普通話溝通?

-新一代澳門人其實唔係好識葡文,即使在殖民時期的澳門官校,葡文都唔係必修;就算大家都做過殖民地,香港人都唔識字正腔圓講英文啦?!

原來澳門都有高樓大廈㗎?乜唔係全部都係木屋咩?

-係咪睇得太多電視劇?以為澳門除咗賭場就只得著草嘅棚屋同漁排?!

「地理白痴」系列:
或者澳門地方真係太細,存在感薄弱,不過就連台灣朋友都對港珠澳撈埋嚟講,真係有啲百辭莫辯:

你哋去路環同路氹係咪要用回鄉證㗎?

-其實想遊客分得清路環同氹仔已經好困難,不過都唔好提早將路氹割讓畀珠海囉唔該!

台灣人:「你們在香港哪一區?」
「澳門?是屯門旁邊嗎?」

-過往澳門常常被視作香港的附屬品,未來有冇可能當咗呢度係橫琴衛星市鎮?

廣州同學:「你哋過嚟係咪要搭飛機咖?」、「你哋去邊都要坐船係咪好麻煩?」

-廣東朋友好鐘意問澳門朋友點樣上廣州,每次Macau Fan都好想答佢:係行路嘅!好唔好?中秋國慶 澳門煙花 2 天團

「港燦大_晒」系列:
香港人遊澳門,經常都保持天真豬的自我中心心態,離譜起上嚟,其實唔好得過強國人好多:

呢個係咪澳門幤價錢?

-大佬呀,你嚟得澳門,加上明明寫住MOP,呢度係澳門唔收葡幣唔通收美金咩?!

有冇搞錯,你哋憑咩唔收港幣?

-即係咁,港澳係無實施聯系匯率囉,唔好當老馮好唔好?!

香港同澳門有時差嗎?

-有呀,睇見你班香港人一入賭場就賭到天昏地暗,相信嚟到澳門唔止有時差,仲可能連阿媽都唔認得!

一句話激親澳門人大賽
source:《十月初五的月光》電影劇照

「憤怒的葡萄」系列:
香港人特別鐘意用政府派錢嚟單打澳門朋友,由初期借勢埋怨香港政府唔派錢,到後尾反過來覺得澳門政府專養懶人,其實兩個特區政府,沒有誰比誰懂得管理,就算派錢都唔等於我哋生活過得好輕鬆囉!

澳門人唔捱得,人工咁高;喺香港請過個都唔使咁貴,仲唔使畀OT錢!

-哦,咁你咪去香港開鋪囉,交貴租囉,睇你捱得幾耐?!

幾好呀,你哋唔洗做,每年就有政府派錢…

-真係派咗錢就唔使做?落街無條路可以行,食個飯都三四十蚊,嗰幾粒糖唔夠吊鹽水啊!

抵澳門人仆街,你哋都有今日!
澳門人有咁耐風流,有咁耐折墮!

-澳門人得罪咗你咩?他朝君體也相同啊!

澳門_新濠影滙
澳門_新濠影滙

摘自FACEBOOK「一句話激親澳門人大賽