有買過廉航去日本嘅朋友都知,平得畀你,時間就未必咁靚,凌晨機去或返都好平常,地鐵、巴士未有,又唔想畀貴一貴日本的士錢, 瞓機場 ,變成了不少人的慳家選擇!不過大阪關西機場當局就勁頭痛,因航班增多,現時每天都約有三百位旅客在機場過夜,旅客為了「兩腳一伸」瞓得好啲,更自動挪移座椅,走嗰時卻又唔還原,有客投訴自然要做嘢,搞到第 1 航廈的 150 排長椅全部以鋼絲繩固定在地面上。唉!唔自律到咁,何必呢!既然要瞓是無可避免,我阿珍決定醒大家一啲凌晨機 瞓機場 實用貼士!

貼士01 半價入Lounge


關西機場2014年已有一個供 100人用的 KIX Airport Lounge 啦!記得事前要申請 KIX 卡(免費的),咁就可以有五折優惠,瞓足 9 粒鐘,入面飲品食物、自費沖涼室齊備。網上申請:www.kansai-airport.or.jp/kc/guide

KIX Airport Lounge
憑卡五折享用 KIX Airport Lounge!成功!

貼士02 安全第一!瞓天眼底

Book 唔到 Lounge,又或者想慳,就要在機場搵個好位!通常入境大堂會比出境好瞓,預你會慢慢等人,座位設計都舒適啲。安全計,有閉路電視下的範圍最好,但記得戴定眼罩或墨鏡遮遮光,攬實行李,咁先有覺好瞓。

2

貼士03 最想一瞓--新加坡!

如果驚轉機 delay 而要瞓機場,真心推介被網民喻為「最好瞓」的新加坡樟宜機場。有免費任躺 Osim 按摩椅,瞓唔著可以睇免費 電影、打 Xbox,又有 24 小時營業 spa、大量叉電、免費上網熱點等等,更令星洲一對情侶移居至此 7 個月之久!
3

貼士04 好醒都要扮好慘

即使好多機場都會預咗旅客瞓機場,不過場內管理人員就總是一副「 機場唔係酒店囉」的嘴臉。
所以,就算你好熟路好乖都會遇著佢哋質問、留難,到時最好就是肉緊形容下自己幾唔情願滯留機場,喊埋,麻煩會少好多囉!
1

下一頁:東京包車體驗,比的士更便宜,坐東京夜機或凌晨機從此不用怕!

相關文章:女朋友為咗對廉航嘅堅持,同我鬧交