國泰於2016年1月28日正式宣布，將旗下港龍航空改名為「國泰港龍航空」，英文名為Cathay Dragon，機身和標誌設計亦統一用上都以國泰「魚翅」標誌變奏的設計，意味Dragonair的名字將會成為歷史！
網民回應
在（前）港龍航空的臉書，亦同步發布了今次的宣傳片，網民回應普遍質疑搵嘢嚟做：
。一D都唔覺得高與lor……………..從根本毀滅左對港龍既印象同代表性
。Hello契丹龍！港龍太本土，紅埋個名好啲
。國泰龍空
。 好改唔改改做C-Dragon想點
。 個名真係唔bright唔fresh… 要跟返國泰咁唔與時並進既風格…最差係個新landing page都未ready好就release…
。好肉酸，唔改好過。 國泰同港龍本來就好清晰，定位也不同。而家「宣示主權式」改名仲混淆。 你話啦，匯豐會唔會叫恆生改名做匯豐恆生銀行丫？
。叫「龍」又用魚翅 logo, 不倫不類，個新名四個字，啲人咪又係叫返港龍
亦有網民贈慶，發現新Logo與去年9月流出的空姐性感照甫士相同！
亦有網民表示新標誌好易與澳洲航空（QANTAS）撈亂！
