去日本睇櫻花做資料搜集仲係上網刨書印地圖? 日本線記者作為重度手機中毒者,去睇櫻花剩係下載4個 免費apps,當中已包括了實時櫻花情報、詳細交通指引、最強手機執相及呃like濾鏡拍片。以後唔使用電腦上網爬文腦執相,一機在手,靚爆櫻花任我睇!

#01. 實時櫻花情報 「桜のきもち」


天氣預測一向出名神準的日本気象株式会社推出了「桜のきもち」櫻花指南app,隨時隨地都可以查到邊度有得睇櫻花! 這個 免費app 只得日文版,覆蓋北海道至鹿兒島嘅地方成千個櫻花點,入面詳細列出櫻花盛放階段同開花期,有齊當地天氣等實用資料。大家先將櫻花點加入心水清單,之後該地點的盛開日就會出現在追櫻日曆上,就算唔識日文都好快上手。雖然簡單易用,但次次都要拉大個地圖搵櫻花點,確實有啲麻煩。如果可以有個搜尋器,直接輸入目的地再搵賞花期就好。

T_KANTO_A1
下載 (ipPhone / andriod)

IMG_7697
Step 1. 首先當然要下載個app。

IMG_7698
Step 2. 日本成個版圖都係橙色坐標,如果不想慢慢搵,就撳右下角「定位」掣。

IMG_7699
Step 3. 撳入你想去的賞花點,就會見到該地點的櫻花生長狀態、預計開花及滿開日。

IMG_7710
Step 4. 可以將櫻花點加入「My List」,賞櫻景點就會出現在月曆上,愈深色粉色點代表櫻花愈接近滿開。

#02. 最強手機執相「Snapseed」

Google 出品的「Snapseed」是較少人知道的手機執相 免費app ,細緻程度可媲美Photoshop!可局部執光暗、飽和度、色溫等等,就連影相最怕的背光都可以執到,多功能又易用,相片可立即上載到Google的雲端,唔怕影太多相塞爆部手機,比起其他執相apps好用好多!

T_KANTO_A3
下載 (iphone / andriod)

IMG_7725
Step 1. 開啟照片後右下方的「筆刷」就會出現各種修圖功能選項。調圖片=可調節光暗度、對比、飽和度、亮度、曝光、色溫,揀完需要的功能,手指向左右移動,就可作出 增減。修復 = 移除圖片中不要的物件,陰影 = 將圖片中陰暗的地方變亮/暗,將比例調高會變亮,調低會變暗,輕易解決背光死症。

IMG_7732
HDR圖像 = 分成「自然」及「人物」的「精細」/「強」特效濾鏡,可調整濾鏡強度、光暗和飽和度。特效濾鏡有分「戲劇效果」、「雜質」、「粗粒底片」、「復古」、「懷舊」、「黑白電影」、「黑白效果」、「臉孔」。

執相前,背光,主體灰,唔突出。
執相前,背光,主體灰,唔突出。

T_KANTO_6
執完相,皮光肉滑,有景深,主體突出。

#03. 文青濾鏡拍片 「Vue」

手機專用的 免費app ,內置了23款濾鏡,可選擇1-6個分鏡,每節拍6到60秒,操作簡單,初哥們都可以拍到有電影感的影片。

T_KANTO_A4
下載 (iphone / andriod )

#04. 詳細交通指引 「Y! 乗換案内」

只得日文版的免費app ,用法簡單,只要輸入時間、出發及目的地,就會顯示不同交通路線(最快到達、轉最少車、車資最平),詳細到邊個月台上車轉車都有顯示。

T_KANTO_A2
下載 (iphone / andriod)

IMG_7712
Step 1. 下載及打開app,輸入資料,「出発」=出發地、「到着」=目的地 (可輸入鐵路站、巴士站、地址、設施名)、「経由」=途經。

IMG_7713
Step 2. 揀出發日期及時間。

IMG_7723
Step 3. Click入「少し急いで」會出現不同的選項,「乗換時間」=轉車前往月台時間 (4個選項︰急、少少急、少少慢、慢),「利用手段」=不同的交通工具,可以揀/剔除新幹線、有料特急(須附加車資的快車)、空路(飛機)、高速バス(高速巴士)、路線バス(路線巴士)、フェリー(渡輪)。

IMG_7714
Step 4. 顯示搜索的結果分成「時間順」=最快到達、「回数順」=轉最少車、「料金順」=車費最平,3個選擇。

IMG_7718
Step 5. Click入想乘搭的班次,入面會顯示出發及抵達時間、路線名稱、需要搭乘幾個站、從哪個月台出發及到達的月台、現地的天氣情況、車站的資料等等。