睇完電影《玩轉腦朋友》,將 5 個單身旅人最常見的情景,代入不同心態,以下5組「玩轉旅朋友」對白,相信總會有至少一兩個Tag中你心情!如果大家仲有其他旅遊常見「腦交戰」 的情景!

情景01 | 一個人去廁所⋯⋯


當你正背著一袋二袋的行李趕路時,肚子就會跟你鬧脾氣。難得入到廁格時,不是地方太少塞不下、就是地板太髒你不想放下,這樣的兩難局面,總是腦交戰:
《‎玩轉腦朋友‬》--心態決定境界!一個人旅行的 5 個難題
阿樂(Joy):「無所謂啦,整污糟咗抹一抹佢咪得囉!」
阿燥(Anger):「Hi Auntie!邊個屙完屎唔L沖廁呀?!」
阿愁(Sadness):「唉,點解總要喺呢個時候畀我急屎喎,唔通連個天都唔鍾意我?!」
阿驚(Fear):「呢度一個人都無嘅,會唔會捉咗去割走個腎㗎?!」
阿憎(Disgust):「Oh My God!咁鬼Dirty點去呀!整污糟晒我個手袋呀!」

情景02 | 一個人去餐廳⋯⋯

走進餐廳看菜單,就會有一種想把菜單上的菜都點一遍的衝動。可是肚子得一個,吃剩又怕浪費,最後你望著旁邊的麥記,心想難道要屈服?
《‎玩轉腦朋友‬》--心態決定境界!一個人旅行的 5 個難題
阿樂(Joy):「哇正呀!好多樣都想試,唔該畀呢個呢個同呢個我吖!」
阿燥(Anger):「喂!你呢啲咩態度呀?!叫你經理出嚟見我!」
阿愁(Sadness):「點一個菜又唔夠食、嗌兩個又驚食唔晒,唉!點算好呢⋯⋯」
阿驚(Fear):「自己一個坐入去食嘢,實畀人笑啦,我都係食返老麥算咯⋯⋯」

阿憎(Disgust):「我咁大個女都未食過啲咁難食嘅嘢㗎!咪駛旨意我再幫襯!」

情景03 | 一個人玩自拍⋯⋯

自己一個人,影得景來又影不了人;影自己怕大臉;拿出自拍棍又要受人歧視又有國家禁止;厚著面皮問路人「可以幫我拍一張嗎?」之前,內心對話是:
《‎玩轉腦朋友‬》--心態決定境界!一個人旅行的 5 個難題
阿樂(Joy):「搞掂!靚晒!」
阿燥(Anger):「喂喂!大媽,你見我影梗就咪L攝過嚟啦!」
阿愁(Sadness):「點解好似影極塊面都係咁大咁嘅⋯⋯」
阿驚(Fear):「拎住枝自拍神器真係好樣衰,都係等少人啲先拎出嚟影。」

阿憎(Disgust):「妖!呢度堆人頭都遮晒個景啦!都唔知有咩好影!」

情景04 | 一個人坐長途車⋯⋯

「去旅行,搭車又搭船」,很多時車程也是又長又慢,想睡,又睡不著;想上網,郊區又沒有訊號;想聊天,旁邊的人又睡著了。於是,腦朋友又自言自語:
《‎玩轉腦朋友‬》--心態決定境界!一個人旅行的 5 個難題
阿樂(Joy):「一陣搭車打機好定睇書好呢?唔係喎,聽下歌都好喎!ZZZ⋯⋯ 」
阿燥(Anger):「喂喂我唔該你哋唔好再出聲啦,OK?你唔瞓,其他人都要瞓㗎!」
阿愁(Sadness):「呢十個鐘,夠晒時間畀我諗下自己呢廿幾年究竟做過啲乜⋯⋯」

阿驚(Fear):「願我能平安到達下一站,阿門!」
阿憎(Disgust):「點呀!側邊啲人好嘈、成陣味,㗎車又chok,完全瞓唔到覺囉!」

情景05 | 一個人遇到危險⋯⋯

有朋友曾問過,如果自己旅行時給抓走了,又或是暈倒在街上怎辦?人生路不熟,身邊又沒有照應,自我防護機制登場,內心的掙扎對話是:
《‎玩轉腦朋友‬》--心態決定境界!一個人旅行的 5 個難題
阿樂(Joy):「Woo~ho~正呀!計劃果然係趕不上變化!好Surprised呀!」
阿燥(Anger):「我頂你個肺吖!咪再畀我見到你哋,唔係我實捉你哋暗角打鑊!」

阿愁(Sadness):「老豆老母,多謝你哋呢幾廿年嘅養育之恩,希望我仲會見到你哋啦⋯⋯」
阿驚(Fear):「我一個人嚟,無人無物㗎,求吓你唔好搞我啦⋯⋯」
阿憎(Disgust):「唓,乜呢度啲治安咁差㗎,我以後唔會再嚟囉!」

未知大家有否遇到以上五大難題呢?那遇到時大家又會如何應對?

下一頁:最討厭的 3 種「旅遊達人」

延伸閱讀:獨行背包客 10 種嚇壞朋友的行為