【旅遊教室】台灣過馬路如玩命目錄
回到目錄
1. 唔好盡信綠燈！過馬路前「停、看、聽」
台灣雖然近年已加強罰則，要求車輛必須停讓行人，但「馬路如虎口」依然係至理名言。根據過往新聞，有民眾即使在斑馬線上，依然被未減速的車輛撞倒。背後原因與台灣長期以來「以車為本」的道路設計及駕駛習慣有關。所以，即使行人綠燈亮起，都千萬不要低頭衝出去！建議過馬路前，先停在路邊，左右觀察，確保沒有橫衝直撞的車輛，甚至嘗試與司機有眼神接觸，確認對方會讓你先過，咁樣先係最穩陣嘅做法。
回到目錄
2. 團體戰好過單打獨鬥！跟實本地人一齊過
如果你自己一個，對台灣嘅交通節奏未有十足把握，最佳方法就係「跟大隊」！喺路口等過馬路時，可以稍為企後少少，觀察本地人嘅動態。當佢哋開始集體移動時，就跟住佢哋嘅步伐一齊過。一大群人過馬路目標夠大，司機通常會比較願意減速或停低。呢個方法特別適用於冇交通燈嘅小路口，跟住「地頭蟲」行，安全系數即時Level up！
3. 善用「行人庇護島」！化整為零分段過
台灣唔少大馬路都非常寬闊，例如台北市的仁愛路、信義路等，想一口氣由頭跑到尾，對遊客嚟講絕對係個挑戰。呢個時候就要好好利用路中心的「行人庇護島」。唔使急，先過一半馬路，喺庇護島上稍作停留，再次觀察另一邊嘅車流，等到安全時再過埋剩低嘅路段。將一個長途挑戰，拆分成兩個短途任務，咁樣就可以大大減低過馬路嘅壓力同危險性。
回到目錄
台灣司機真的不會讓行人嗎？
雖然近年台灣交通法規已加重罰則，強制車輛必須禮讓行人，情況有所改善，但仍不能掉以輕心。基於安全至上，過馬路時最好還是假設車輛不會停讓，時刻保持警覺。
什麼是「機車瀑布」？
「機車瀑布」是形容台灣獨特的交通景象，尤其在台北橋的通勤尖峰時段，大量機車（電單車）在燈號轉換時，從橋上密集地往下衝，畫面如同瀑布般壯觀，因而得名。
在台灣走路，除了過馬路還有什麼要注意？
在台灣市區行走時，有時會遇到行人路被店家佔用或停滿機車的情況，甚至部分路段沒有完整的行人路，需要走在馬路邊緣。因此，除了注意車輛，也要留意腳下的路面情況，避免被障礙物絆倒。
