早前「我老婆嫁左比MIRROR導致婚姻破裂關注組」版主突然宣布將永久關閉超過35萬人的群組,引起各位鏡粉及前夫討論,事隔數天版主再發文回應網民質疑,並透露原來事件受到ViuTV高層金生(金廣誠)關注,對方更親自致電予他了解事件。

mirror前夫 群組 plt 版主真面目
版主真面目 (圖片來源:《又要威又要戴頭盔》第273集)

金生致電 版主指其太太已買到實名制門票

事隔幾日,RC在6月5日再度於「我老婆嫁左比MIRROR導致婚姻破裂關注組」發文,表示在宣在關閉專頁當晚就收到ViuTV高層金廣誠致自來電,由於感受到對方的熱誠,所以RC亦已向金生吐出自己的心聲。而另一方面,宣布關閉之後,曾有不少網民質疑他是否藉此攞著數,惟RC表示其太太已買到實名制門票,所以毋須以「宣布關閉專頁」作為藉口「R飛」。

曾收6位數收購:sorry出手太低

除此之外,RC亦透露近日收到不少收購群組的訊息,不過RC堅拒出售:「我收到msg出六位數要買個group,sorry出手太低喇,出5億我就賣啦,我送埋我個個人ac比你都仲得。」而RC亦有為不立即關閉專頁解話:「第一,呢個演唱會係大家嘅焦點,可能仲有嘢想講,咁就講埋先囉。其次,呢度有好多我哋嘅回憶,希望餘下個零月時間可以畀大家懷緬一下。第三,我未夠心理準備去撳呢個掣。」

最後,RC亦向MIRROR道歉,「MIRROR 12位成員,如果我有幸造成你哋困擾,我心感抱歉,請你哋好好準備演唱會,唔好令入場嘅觀眾失望,唔好浪費我老婆嘅心機,你張飛真係好難搶㗎。」

即睇RC原文:

MIRROR今年7月於紅館舉行的演唱會掀起撲飛熱潮,不過演唱會賣飛問題一直未能好好改善,各種形式的優先預售都出現供不應求,5月31 日以「實名制」於城市售票網公開發售門票,卻因為網站完全入唔到,加上售票效率極慢,搞到鏡粉嚴重不滿。其中人氣旺盛的「我老婆嫁左比MIRROR導致婚姻破裂關注組」版主晚上發文,指因不滿是次MIRROR演唱會的售票安排,宣布將會永久關閉人數超過35萬人的群組!

相關文章:MIRROR前夫將永久關閉35萬人群組!力斥被主辦方當水魚 獲組員大表支持

我老婆嫁左比MIRROR導致婚姻破裂關注組 35萬群宣布將永久關閉

早前這個人數超過35萬人的群組,在去年7月 3日成立,影響力強大,管理員為今次演唱會售票安排大感不滿,發文指鏡粉在MIRROR需要支持時一向出盡全力,但是次安排卻令人失望:「一睇個Floor plan,喂黑洞咁嘅樣嘅?」買到飛的機會極微。

mirror前夫 群組 plt 版主表示「如果你唔知我嬲乜,你試下將上面『鏡粉』呢兩個字換做我老婆/我老母/我個女,咁可能會投入啲」
版主表示「如果你唔知我嬲乜,你試下將上面『鏡粉』呢兩個字換做我老婆/我老母/我個女,咁可能會投入啲」(圖片來源:有關群組)

前夫關注組版主力數主辦單位多宗罪

管理員列出是次主辦單位的多宗罪,以比喻方式指出鏡粉需要光顧多個贊助商,才有機會抽到演唱會飛。據悉在日前售票日結束後,香港電訊推出MIRROR演唱會門票抽奬活動,被抽中後需於指定時間選購指定的服務計劃,才可以獲得指定的門票兩張。

狠批:你哋就自己做大黃牛

管理員認為主辦單位的食相難睇,貼文下亦有不少網民表示失望,反映面對無限的「321」、 呆望電腦十個鐘,仍然一無所獲。管理員直言:「我哋成日鬧黃牛,你哋就自己做大黃牛。唔洗驚,今次實有人睇架,下次?唔知嚕。」相關貼文不足兩小時已引來1.5萬個讚好。

mirror前夫 群組 plt 有網民表示:「我入到6次,買到2次,當中有6部機,有3部機中,但係有4次睇住佢到數直到夠鐘買唔到!其實都係撞彩」
有網民表示:「我入到6次,買到2次,當中有6部機,有3部機中,但係有4次睇住佢到數直到夠鐘買唔到!其實都係撞彩」(圖片來源:SundayKISS)

宣布關閉後後三小時有超過4,000留言回應

對於群組管理員的申訴,不少群組成員都分享自己的心聲,不少聲音認為主辦單位今次真係過份咗! 發文後三小時已有超過4,000留言回應,以下是精選留言:

「Can’t Agree more! 衰過施捨!殺雞取卵!為咗賺錢,完全犧牲左Mirror,令成件事變得Negative」

「今次紅館買飛事件,令我感覺自己,好似中咗祈福黨。 」

「完全明白 公司同贊助商可唔可以明白 冇鏡粉支持 公司嘅「重要資產」什麼都不是, 食相真係好肉酸…申請MOX,為演唱會,最後等咗四個鐘,乜都冇。 俾錢做Miro會員,得個吉。 實名制公售,坐係電腦面前10個鐘,買唔到,而家仲要我HKT 課唔知幾多金……我真係覺得好攰,過埋今次,紅館⋯⋯真係想放棄」

「內部認購,差不多個個歌手演唱會都有。但坐響所謂”VIP”座位上嘅,係咪真係欣賞你先黎?定因為人脈、關係、身份等,才會出現於席上?Mirror 由一步一腳印, 先黎到今時今日,真正愛佢地嘅粉絲,有需要“披荊斬棘”才能支持偶像嗎?」

「睇場演唱會好似乞你咁,又唔係免費,仆去申請咭、仆去開戶口、仆去做miro,31號玩成十個鐘尿都唔敢all多篤⋯⋯最後去123結界得個吉,鬼叫你班人想睇就要玩呢啲遊戲(吹咩)今日見到咩抽到飛仲要加監加一大堆服務,不如你打劫我地好L過啦, 可以激慶咁多人,家架下安樂啦?」

不少網友都分享了買唔到飛的慘況:

MIRROR前夫關注組版主真人曾上ViuTV

其實「我老婆嫁左比Mirror導致婚姻破裂關注組」嘅版主與ViuTV亦有淵源,早在群組成立初期,就曾帶領一班「鏡粉前夫」上過《又要威又要戴頭盔》節目,前夫們都好勇敢現身說法,除咗萬能KEY事件之外,仲有Staycation事件、高達音樂會事件等等,同場仲唔小心爆埋前妻啲小秘密出嚟,越講越high咁:

mirror前夫 群組 plt
(圖片來源:《又要威又要戴頭盔》第273集)

mirror前夫 群組 plt 版主真面目
版主真面目 (圖片來源:《又要威又要戴頭盔》第273集)

常見問題

MIRROR前夫關注組事件成功引起ViuTV高層的關注嗎?

事隔幾日,RC在6月5日再度於「我老婆嫁左比MIRROR導致婚姻破裂關注組」發文,表示在宣在關閉專頁當晚就收到ViuTV高層金廣誠致自來電,由於感受到對方的熱誠…詳情請看

我老婆嫁左比MIRROR導致婚姻破裂關注組曾有人想收購嗎?

RC亦透露近日收到不少收購群組的訊息,不過RC堅拒出售:「我收到msg出六位數要買個group,sorry出手太低喇…詳情請看

撰文:東方新地圖片來源:Facebook專頁截圖、SundayKISS、《又要威又要戴頭盔》第273集、「我老婆嫁左比MIRROR導致婚姻破裂關注組」