在 2007 年出道的女子組合 HotCha 成為了不少90後、00後的偶像,可惜她們在 2014 年就正式拆夥。不少粉絲一直以來都希望她們可以重組,但3人屢鬧不和,分開至今仍未出現「合體」的畫面。成員Regen張惠雅出道以來是非不斷,早前接受訪問時再重提當年被傳介入Neway太子爺薛世恒及陳法拉婚姻後,她近日又再爆料,直言與另一成員 Winkie (黎美言) 拗撬最多。此話一出即引起 Winkie 不滿,並斥「呢個組合我唔會再有興趣重組」。

Regen Hotcha HotCha於07年組成,可惜敵不過「七年之癢」,於2014年拆夥。
HotCha於07年組成,可惜敵不過「七年之癢」,於2014年拆夥。(圖片來源:東方新地資料庫)

Regen Hotcha 三人不時傳出不和,不過在鏡頭前都要扮好姊妹。
三人不時傳出不和,不過在鏡頭前都要扮好姊妹。(圖片來源:東方新地資料庫)

HotCha 2014年各散東西 從此各行各路

HotCha由Regen(張惠雅)、Winkie(黎美言)及Crystal(張紋嘉)於07年組成,成為當年受歡迎的女團,14年宣布拆夥從此各行各路,Regen主力拍劇,Crystal主力作曲及舞台劇,而Winkie則主力從商。兩年前Regen再以獨立歌手現身,最近宣傳其自資製作新歌《Wish You Were OK》,並接受商台《星光背後》的節目訪問時,Regen唔止大講自己的感情事,仲自爆跟HotCha隊友合作的那7年,三人經常有爭執。

HotCha 近日Regen自資出新歌《Wish You Were OK》,日前上商台節目《星光背後》做宣傅。
近日Regen自資出新歌《Wish You Were OK》,日前上商台節目《星光背後》做宣傳。(圖片來源:[email protected]

HotCha Regen在訪問中提及與Hotcha組員的多年關係。
Regen在訪問中提及與Hotcha組員的多年關係。(圖片來源:[email protected]商台)

今年是HotCha成軍15周年 演變成終極決裂

Regen日前上商台節目《星光背後》做宣傳,被問及當年有關HotCha的是是非非,她承認合作7年間3人常有爭拗:「拗撬最多是跟Winkie,她比較大剌剌,不喜歡就會直接講,未必每個人頂得順她的性格。」不過,Regen強調HotCha拆夥與組員不和無關,最主要是因為組合長期無收入。今年是HotCha成軍15周年,18年曾重組開騷的HotCha卻因為這次Regen的言論,演變成終極決裂。

HotCha Regen直言與Winkie發生最多拗撬。
Regen直言與Winkie發生最多拗撬。(圖片來源:東方新地資料庫)

Regen HotCha HotCha三人內藏心病已多年。
HotCha三人內藏心病已多年。(圖片來源:東方新地資料庫)

Winkie不滿反擊 連環炮轟Regen:我都頂唔順你哋性格

Regen的訪問出街後,即引起Winkie極度不滿,她先在社交網的限時動態撰寫多篇長文反駁,「其實你過好自己人生,我覺得冇必要再係(喺)你訪問度提起,評論我,我哋已經係分開個體。因為對我來講,我都頂唔順你哋性格,人前人後一套,無 Team Spirit,全為自己私心,唔係我當年追求嘅嘢,我鍾意一齊成功而唔係分開成功,所以係我唔玩。無奈我一直為咗大體,唔想影響大局,隱藏自己感受多年,很痛苦,啞忍15年我現在終於落到決定,我覺得坦誠善良相處,絕對好過俾(被)人出賣,希望有一日你地(哋)都能夠懂得檢討自己,不要在人前扮成弱者。關係係雙方不是單向,社會很多人都有情緒病,我亦試過,唔代表我唔出聲!不要用這種手法宣傳自己新歌,I’m serious now. Get out of my life.(我是認真的,請從我人生離開)」。

HotCha Winkie毫不留情面,在社交網連環反擊Regen。
Winkie毫不留情面,在社交網連環反擊Regen。(圖片來源:[email protected]

Regen HotCha
(圖片來源:[email protected]

Regen HotCha
(圖片來源:[email protected]

Regen HotCha
(圖片來源:[email protected]

Winkie怒不可遏:Hotcha唔會再合體

Winkie看來怒不可遏,把多年的抑壓一次過釋放,更大罵Regen是非當人情,「咁你就要諗吓,點解我鍾意直接講,就係唔鍾意你地(哋)係(喺)背後做咁多小動作,純粹私心,想行個人路線或得到個人利益,我只知道要團結先會成功,承諾就是承諾,一路以嚟,做咁多小動作傷害我。我覺得咁多年,手指只係識指向人,可以試吓檢討吓你自己高傲自滿嘅性格,都未必頂得你順。我正式宣佈(布)呢個組合我唔會再有興趣重組,粉絲們抱歉。15周年我曾經嘗試為你們爭取過演唱會,最後我選擇自己心靈行先,你無辦法想像忍耐15年有幾受傷害。」其後Winkie更上載與朋友的對話,朋友痛斥Regen「有冇品?」Winkie回覆對方:「佢真係冇品」。

Regen HotCha
(圖片來源:[email protected]

Regen HotCha
(圖片來源:[email protected]

Regen HotCha
(圖片來源:[email protected]

Winkie自辯講者無心

對於Winkie的反擊,Regne亦透過社交網為事件致歉,並解釋只是想講Winkie性格率直未必好多人接受到,但自己就非常樂意與對方相處,無奈因講嘢唔叻,令意思有所曲解,又直指訪問內容被斷章取義,故以後不會再回應任何有關Hotcha的問題。點都好,今次真係覆水難收,HotCha恩怨終極大結局!

Regen HotCha 18年Hotcha曾合體開騷,當時三人表面都好enjoy,可惜以後應該再無機會喇!
18年Hotcha曾合體開騷,當時三人表面都好enjoy,可惜以後應該再無機會喇!(圖片來源:[email protected]

HotCha Regen今次又因為講錯嘢惹是非喇。
Regen今次又因為講錯嘢惹是非喇。(圖片來源: [email protected]

HotCha Regen亦在社交網寫長文回應。
Regen亦在社交網寫長文回應。(圖片來源:[email protected]

Regen HotCha Crystal至今仍未作出回應。
Crystal至今仍未作出回應。(圖片來源:[email protected]

Regen矢口否認介入陳法拉婚姻 指遭圈中人爆料陷害

17歲出道的張惠雅Regen 簽約成為Neway歌手,並組成Hotcha正式出道,一度成為大熱女子組合,出道四年事業發展理想,卻被影到與當時的Neway太子爺薛世恒單獨約會,即傳出張惠雅介入薛世恒和陳法拉婚姻﹗張惠雅接受陳志雲訪問時,大方談及過去戀事,亦重提這段小三疑雲,她矢口否認,並指遭圈中人爆料陷害,矛頭直指一名歌視兩棲資深藝人﹗

Hotcha 張惠雅Regen在長洲經營餐廳學做老闆﹗
張惠雅Regen去年在長洲經營餐廳學做老闆﹗(圖片來源:[email protected]

張惠雅戀情坎坷 約前老闆外出只想談去向

張惠雅Regen直指戀情坎坷,拍過N次拖,但就強調無做第三者,陳志雲即打蛇隨棍問當年與薛世恒的緋聞,張惠雅話:「自從嗰次之後,我長期被指係第三者,其實嗰次係約咗前老闆薛生傾嘢,我當初係薛生簽我返嚟,所以搵佢傾,嗰時我想同公司傾想離開一吓去working holiday﹗點知被寫成咁,本來一本雜誌寫威力未係好大件事,後來其他傳媒又寫,從此我變咗做第三者,變成好大件事﹗」

Regen Hotcha 張惠雅堅決否認做過小三,更爆料指解開多年來的迷團,直指遭人放料陷害﹗
張惠雅堅決否認做過小三,更爆料指解開多年來的迷團,直指遭人放料陷害﹗(圖片來源:《Stephen‧傾》影片截圖)

張惠雅Regen直接開名:佢姓海嘅﹗

張惠雅又話:「其實有個迷團想解開,嗰時我哋被公司保護得好緊要,唔知道夾新聞可以上封面呢啲嘢﹗嗰次約薛生傾嘢前一晚,因為做完嘢同個藝人去食飯飲嘢,我有同佢講聽日約咗薛生﹗成件事得呢幾個人知﹗我諗返成件事我係被人有目標性去跟,我嗰時點會被人跟?  我望番嗰次嘅篇報道,有一格新聞係佢﹗」陳志雲即追問佢係邊個,張惠雅初時拒開名,後來被陳志雲一再追問才爆出該男藝人姓海,但陳志雲還不罷休問:「係咪海俊傑呀?」張惠雅點頭承認:「我以前細個都有睇佢,係前輩,可能佢冇心係被人套料,可能佢都冇諗過會搞到咁大件事,都係我猜測啫﹗」陳志雲就話:「如果篇報道有一格報道佢,就一定係佢放料啦﹗不過好似你咁講,佢都唔知會咁大件事嘅﹗」

Regen Hotcha 訪問期間陳志雲不停叫張惠雅飲多幾杯酒﹗
訪問期間陳志雲不停叫張惠雅飲多幾杯酒,等佢盡吐心中情﹗(圖片來源:《Stephen‧傾》影片截圖)

Regen Hotcha 張惠雅在陳志雲逼供下才道出該男藝人姓海,個提示已經相當明顯,但陳志雲助攻追問:「係咪海俊傑呀?」張惠雅嚇到嚇噴酒,但最終都點頭承認﹗
張惠雅在陳志雲逼供下才道出該男藝人姓海,個提示已經相當明顯,但陳志雲助攻再追問:「係咪海俊傑呀?」張惠雅嚇一嚇噴酒,但最終都點頭承認﹗(圖片來源:《Stephen‧傾》影片截圖)

薛世恒疑變海俊傑煙幕?

翻查新聞報道,張惠雅和海俊傑曾於2010年合作港台劇集《有房出租》第二輯,播出時又一起出宣傳活動,其後在不同公開活動也有同場﹗而張惠雅和薛世恒被雜誌影到時是2011年,時期脗合﹗張惠雅被封小三後受千夫所指,情緒一度出現問題患上抑鬱症,其後離開娛樂圈兩年,到澳洲Working Holiday﹗而歌手出身的海俊傑近年為無綫拍劇,在《十月初五月的月光》飾演祝展輝﹗

Regen Hotcha 海俊傑飾演的祝展輝是祝君好何依婷飾)的父親。
海俊傑飾演的祝展輝是祝君好(何依婷飾)的父親。(圖片來源:《十月初的月光》截圖)

Regen Hotcha 姚嘉妮飾演的萬朱莎華,在劇中與海俊傑飾演的祝展輝關係糾纏不清﹗
姚嘉妮飾演的萬朱莎華,在劇中與海俊傑飾演的祝展輝關係糾纏不清﹗(圖片來源:《十月初五的月光》截圖)

張惠雅情路坎坷 自爆拍過N次拖:大部分三個月就分開

張惠雅指自己情路坎坷,被陳志雲問拍過幾多次拖?張惠雅話數唔到:「真係數唔到咁多次,應該十幾次﹗冇拖手嗰啲我都計因為大家有感情喺度﹗(咁計有拖手嗰啲有幾多次?)都十次﹗但每段戀情唔超過半年,大部分三個月就分開﹗(有冇諗點解?)我一拍拖就好投入,好快交個心出嚟,又好癡身,成日問住佢喺邊做緊乜?被人話過我好冇自信心﹗我成日覺得自己冇人要﹗同埋我脾氣唔好,發現對方有嘢呃我,我會好似癲雞咁大叫﹗叫到塊面微絲血管爆﹗」

Regen Hotcha 張惠雅曾因情緒出現問題,令體重跌剩88磅,又周不時周身瘀傷,踩單車又跌崩門牙,令人擔心﹗
張惠雅曾因情緒出現問題,令體重跌剩88磅,又周不時周身瘀傷,踩單車又跌崩門牙,令人擔心﹗(圖片來源:[email protected]

張惠雅:要拍就過咗30歲先

張惠雅又指曾算過無數次命,連家人及前經理人拿其八字去算命都勸她不要拍拖,張惠雅話:「算命師傅都叫我唔好拍拖,會好傷心,要拍就過咗30歲先﹗又有一個算命師傅話我47歲會死﹗因為好想知自己真命天子幾時出現,所以四圍求神問卜﹗乜都算過﹗」

Regen Hotcha 張惠雅在節目現場唱歌﹗
張惠雅在節目現場唱歌﹗(圖片來源:《Stephen‧傾》影片截圖)

Regen Hotcha 張惠雅在陳志雲逼供下,有問必答﹗
張惠雅在陳志雲逼供下,有問必答﹗(圖片來源:《Stephen‧傾》影片截圖)

海俊傑當笑話一則 與Regen 10年冇碰面

張惠雅爆被爆料,矛頭直指海俊傑,他之後出席活動大方回應,強調對事件一頭霧水,指與同Regen因為拍港台節目《有房出租》而認諒良,雙方已有十年冇碰面,完全唔明點解會有單咁嘅新聞,又幽默表示很少人姓海,因為「冇人姓」,不過他否認是當中放料者,但別人把口難以控制,就當笑話一則,平日也不會八卦,只顧唱歌、演戲,對無謂新聞揣測不會理會。

Regen Hotcha 近日劇接劇上演的海俊傑,密密出席宣傳活動,在活動上回應張惠雅的指控不溫不火。
近日劇接劇上演的海俊傑,密密出席宣傳活動,在活動上回應張惠雅的指控不溫不火。(圖片來源:海俊傑@fb)

網民力勸:別重提舊事!

Regen Hotcha 網民反應兩極﹗
網民反應兩極﹗(圖片來源:[email protected]親子童萌留言截圖)

Regen Hotcha
(圖片來源:[email protected]親子童萌留言截圖)

撰文:東方新地圖片來源:[email protected][email protected]、《Stephen‧傾》影片截圖、 [email protected]、東方新地資料庫