ViuTV最新的綜藝節目《ERROR自爆96小時》,將於11月13日起,逢星期日晚8點半播出,正面硬撼TVB節目《開心無敵獎門人》。而在節目的預告中就出現了大量出位的鏡頭和對話,似乎想挑戰合家歡時段的底線!去年5月播出的《ERROR自肥企画》口碑非常好,網民都十分期待ERROR的最新團綜。

error自爆96小時 8點半 ERROR ViuTV新節目《ERROR自爆96小時》,紀錄了久未合體的ERROR四位成員,在遊艇上度過的4日3夜。
ViuTV新節目《ERROR自爆96小時》,紀錄了久未合體的ERROR四位成員,在遊艇上度過的4日3夜。(圖片來源:[email protected]

《ERROR自爆96小時》肥仔被指有早到問題

ERROR四子肥仔(梁業)、Dee哥(何啟華)、保錡(吳保錡)和193(郭嘉駿)今日(11月9日)召開記者會,為即將播出的節目《ERROR自爆96小時》宣傳,初出場肥仔好正經地講到下個月係ERROR成軍四周年,有好多歡樂同患難,Dee哥就以今次的4日遊艇之旅作比喻,指落船的時候成個人好飄。

error自爆96小時 8點半 ERROR 節目將一連3個星期播出。
節目將一連3個星期播出。(圖片來源:[email protected]

之後肥仔指有人遲到,卻反被保錡和193圍攻,193更講到肥仔的早到問題好嚴重!他指準時的意思是Call七點就要七點正到,而肥仔早到就令化妝師同髮型師等都好大壓力,導致情緒低落,因此認為他有強逼症,應該去睇醫生!

error自爆96小時 8點半 ERROR 肥仔被保錡和193圍插有早到問題。
肥仔被保錡和193圍插有早到問題。(圖片來源:[email protected]

保錡爆船上痾屎飄移兼反彈

error自爆96小時 8點半 ERROR 肥仔被踢爆在節目中最赤裸,連他自己都話拍節目嗰陣冇著褲!
肥仔被踢爆在節目中最赤裸,經常只著四角底!(圖片來源:[email protected]

講到大家的優點方面,保錡就大讚肥仔經常請大家食好西,包括鮑魚、杏鮑菇等。肥仔就讚即使在船上點搖,Dee哥都仍然可以捉住化妝師一路搖一路對戲。Dee哥就自爆自己個鬧鐘由《ERROR遊》到現在都無換個,一早就響個幾鐘,嘈醒晒成間房的人,被193鬧人渣!而保錡就大爆在船上連痾屎都係飄移住痾,啲屎仲會反彈返上嚟!

error自爆96小時 8點半 ERROR 193就被爆喺節目喊得最勁,喊足廿次!
193就被爆喺節目喊得最勁,喊足廿次!(圖片來源:[email protected]

193話唔介意收投訴

四子又講到拍攝的趣事係大家要不斷互相提醒節目係8點半播出,而嘉賓葛民輝係每一樣嘢都會變11點半。講到節目在禮拜日8點半播出,要受政府監管唔畀講粗口,193就話佢哋唔介意收投訴,但公司介意,又指這個節目比較靜態,唔鍾意ERROR的話會覺得超悶,所以要鍾意ERROR先好睇。不過之後Dee哥亦有補鑊,指這個節目其實好好笑,絕對唔悶㗎!

error自爆96小時 8點半 ERROR 節目嘉賓有P1X3L。
節目嘉賓有P1X3L。(圖片來源:[email protected]

error自爆96小時 8點半 ERROR 仲有葛民輝。
仲有葛民輝。(圖片來源:[email protected]

網民:擺明向153挑機

網民紛紛留言跪求ViuTV推出節目旳網上完整版,表示:「想睇啲唔出得街嘅對話」、「跪求無打格同無嘟版」、「將ERROR嘅綜藝擺八點半出街,本身就係一個ERROR嚟」、「會唔會成集都嘟嘟嘟」、「想要足本版」等等,亦有網民猜測節目放在8點半播出的原因,指「放8點半,擺明向153挑機」。

error自爆96小時 8點半 ERROR 導演要不停提醒ERROR節目係8點半出街!
導演要不停提醒ERROR節目係8點半出街!(圖片來源:[email protected]

此外ERROR又直指這個節目是為了宣傳他們接下來一連三場的九展演唱會,在記者會上,他們就公布了演唱會將於12月16至18日舉行。他們透露近日忙於拍劇,尚未有時間為演唱會進行排練,嘉賓方面,肥仔話真心想請郭富城,但之後193和Dee哥就愈講愈大,講到話想問米請Michael Jackson做嘉賓!

error自爆96小時 8點半 ERROR ERROR公布了演唱會的舉行日期。
ERROR公布了演唱會的舉行日期。(圖片來源:[email protected]

《ERROR自爆96小時》要不停嘟嘟嘟?

撰文:東方新地圖片來源:[email protected][email protected]