ViuTV新節目《調教你MIRROR》由梁祖堯(阿祖)負責調教12位MIRROR成員,最近阿祖在IG上載《調教你MIRROR》預告,片中花姐跟阿祖在車廂對話,花姐連環數MIRROR成員缺點,更透露「好多人單飛啦,我覺得佢會擺單飛做第一位,MIRROR做第二位…」,到底是哪一位成員?

撰文:AY|圖片來源:Viu TV《調教你MIRROR》預告截圖)

《調教你MIRROR》預告曝光

MIRROR 12子齊集拎晒行李入camp受訓。(圖片來源:Viu TV《調教你MIRROR》預告截圖)
MIRROR 12子齊集拎晒行李入camp受訓。(圖片來源:Viu TV《調教你MIRROR》預告截圖)

繼《Mirror Go》、《考有Feel》後,MIRROR再有新節目!由梁祖堯及MIRROR主持,將前作《Mirror Go》及《調教你男友》二合為一的新節目《調教你MIRROR》,將於2021年6月7日起逢星期一至五23:00-23:30於ViuTV播出,早前MIRROR演唱會曾播出部分片段,令不少鏡粉都對新節目非常期待!

12子搭船往目的地,眾人趁機眠一眠爭取時間休息。(圖片來源:Viu TV《調教你MIRROR》預告截圖)
12子搭船往目的地,眾人趁機眠一眠爭取時間休息。(圖片來源:Viu TV《調教你MIRROR》預告截圖)

當MIRROR抵達梅窩之後,有不同活動進行。(圖片來源:Viu TV《調教你MIRROR》預告截圖)
當MIRROR抵達梅窩之後,有不同活動進行。(圖片來源:Viu TV《調教你MIRROR》預告截圖)

近日,負責調教MIRROR的梁祖堯在IG上載《調教你MIRROR》預告,片頭見到MIRROR上船,阿祖尾隨,有成員在船上睡覺或各自玩電話。當MIRROR抵達梅窩之後,有不同活動,包括穿上圍裙做侍應,又到街市等。另一幕是花姐在車廂與阿祖見面,並直接問對方︰「你估你可唔可以調教我12個仔?」之後阿祖回答說︰「呢件事難度都唔細。」

《調教你MIRROR》花姐後悔簽某成員 有人想單飛?

阿祖跟花姐在車廂對話,花姐問阿祖:「你可唔可以調教我12個仔?」阿祖說:「呢件事難度都唔細。」(圖片來源:Viu TV《調教你MIRROR》預告截圖)
阿祖跟花姐在車廂對話,花姐問阿祖:「你可唔可以調教我12個仔?」阿祖說:「呢件事難度都唔細。」(圖片來源:Viu TV《調教你MIRROR》預告截圖)

花姐除了問阿祖可唔可以調教12個仔,又勞氣爆連環數MIRROR成員缺點,提到:「簽完佢返嚟,的確有好多缺點嘅」、「好多人單飛啦,我覺得佢會擺單飛做第一位,MIRROR做第二位」、「點呀,你可唔可以有啲上進心呀?」「佢係優柔寡斷,佢發番我脾氣,就覺得我點解話佢黑面」、「其實佢哋好幸福嘅,冇經歷過究竟出面原來做新人咁慘㗎?」,不過預告經剪接後,暫未知花姐是講那些成員,但唔少鏡粉都對新節目非常期待,認為MIRROR經阿祖調教後,成員關係變得更好、更有默契。

網民:放棄MIRROR中的Free Rider

網民點名某些Mirror成員為「Free Rider」 建議表現差跌落Error!網民嬲爆:一個都不能少!(Mirror 2021 One & All演唱會海報)
網民點名某些Mirror成員為「Free Rider」 建議表現差跌落Error!網民嬲爆:一個都不能少!(Mirror 2021 One & All演唱會海報)

雖然MIRROR有大批鏡粉支持,但最近有網民在連登討論區上點名指出MIRROR中有6位是「Free Rider」,指「成隊有12個人,所有賺嘅錢都要除12個人 (對紅果啲唔太公平) 然後支出(化妝呀,服裝呀)又要 X12 除左部份出咗名嘅 ( eg 姜B , Jer , AK , IAN ),相信大部分人都唔識另外果啲, 人地BTS 都係得7個人,我寧願佢地集中資源俾幾個仲好!cut6個人嘅錢,拎去拍mv、整歌,相信會更加好。講真無 tiger (可能你都唔知係邊個) 對mirror 有影響咩?」

MIRROR有大批鏡粉支持,指成員各有特色,一個都不能少!(圖片來源:IG@mirror.weare)
MIRROR有大批鏡粉支持,指成員各有特色,一個都不能少!(圖片來源:[email protected]

言論一出立即引來一眾鏡粉的聲討,有網友反對指出Mirror的收入除卻團體活動要平分外,其實個人單飛的成績和收入都會由該名成員獨攬,所以從來不會出現對較紅成員酬勞分配不公的情況。一眾鏡粉指MIRROR 12子「缺一不可」,彼此之間的兄弟情更是難以替代,直斥言論根本只是在「搞分化」。

https://www.youtube.com/watch?v=ygboE46jrnk&

amp;t=1s