蘇麗珊：有人DM鬧我
蘇麗珊面對收到網民負評時又指：「都會有啲唔開心，作為演員如果我嘅演出令到大家對套劇嘅觀感唔好，都係我嘅責任」她又指：「會收到網民DM鬧我」，但最後都希望大家多多支持《繩角》。
網民就指：「既然做咗咁多準備都做得咁差，係咪應該檢討下邊度出問題呢？否則請不要再害別人的作品，一套作品係好多人好努力的，不要因為自己而把別人害慘，香港地有作品開已經好難得」、「講對白完全唔掂齋讀出嚟，戲屎到呢，頂唔順，飛晒佢啲戲嚟睇」。
用「扮傻」去演譯反派角色
蘇麗珊又表示導演想用細路女「扮傻」嘅方式去演范兆風嘅角色，而網民都明白到角色有難度：「接到咁嘅角色、咁嘅劇本、咁嘅對白，邊個做都死」、「公平啲講，個角色好複雜已經難演，又咁唔討好，畀觀眾鬧當贏咗啦，觀眾睇得投入姐」、「又唔係完全佢嘅問題，呢個角色都唔係寫得好有說服力」等。
《繩角》蘇麗珊被批演技似「小學雞」
《繩角》日前一集講到大師兄袁天就（Thor駱振偉飾）在擂台上打死人後，患上了PTSD決定放棄打拳，網民都因為這集的演出而大讚Thor演技細膩，相反飾演明日集團CEO范兆風的蘇麗珊，就被網民紛紛狠批演技太差好似「小學雞」一樣，完全演不出這個角色令人心寒的嗜血變態感。
IG發帖講感受：導演說我外表「無毒」
蘇麗珊在劇集播出一半時，於IG分享經驗：「其實初初接到這個角色的時候，導演說找我是因為外表看起來『無毒』，可是要演出內心很冷血以及劇本出現了很多次的『嗜血』，我想那麼我應該是變了個很冷酷冷血殺人狂？變態上司？目中無人，邪惡萬分，但是很沉穩的演釋？腦海中出現很多想法⋯⋯」
為演出方法作解釋：導演給我的指令
她又自爆排戲時導演的指令：「排戲的時候，導演給我的指令卻是一種我從未想過的演繹方式，—— 人前就是浮誇的大笑扮傻，虛偽的談話；而對待每場拳賽就像玩遊戲打機一樣，好玩是最重要的！對於完全不同的演繹方式，最初很沒有安全感，幸好幾位好拍檔 在拍攝的時候一直給我信心。」
好的意見不好的意見只要是真誠的我都會全部接收的～
歡迎大家話俾我知覺得點🤍
被質疑只得《哪一天我們會飛》一部代表作
網民在討論區留言狠批蘇麗珊，指「最廢一定係太子女」、 「個八婆蘇麗珊好討厭」、「蘇麗珊好作狀」、「痴線婆好想人死」、「可唔可以cut走蘇麗珊 好X黑人憎」、「蘇麗珊完全唔舒合呢個角色…做casting個個真係好有問題…」、 「其實依個噤白卡既角色應該比吳綺莉做番」，又質疑「其實蘇麗珊點解會比人讚好戲？ 好似一個死o靚妹扮大boss咁」、「蘇麗珊除咗哪一天我們會飛之後就係咪冇乜戲」。
蘇麗珊初出道係旅遊雜誌模特兒
雖然演技受批評，不過現年30歲的蘇麗珊入行以來形象健康，加上相貌甜美，一直有不少支持者，入行前，2011至2015年間的蘇麗珊曾是《新假期》雜誌的常用旅遊model，影過不少靚相，其中仲有激罕的浸溫泉出浴照！
曾做短髮型「阿寶」
2017年，當年屬於新晉演員的蘇麗珊在電影《愛情奴隸獸》中夥拍方力申做主角，接替鄧麗欣成為「阿寶」，短髮造型令蘇麗珊飾演嘅「阿寶」更有新鮮感，有別於鄧麗欣版「阿寶」的固有形象。
蘇麗珊曾赴美進修戲劇
蘇麗珊過去曾透露為了增進自己演技，遠赴美國洛杉磯進修戲劇，佢話好享受老師嘅教學方法：
「因為演技係比較虛嘅學科，所以老師會用好多好特別嘅方法去引導我哋，例如其中一個功課係叫我去大自然感受 15 分鐘，期間唔可以用電話，唔可以聽音樂或者同人講嘢，然後自己一個人望住大自然，靜靜地諗嘢。」
2016年寶礦力廣告女主角 藝人身份代言早過COLLAR
其實蘇麗珊曾是香港初代的「寶礦力女郎」，2015年蘇麗珊因電影《哪一天我們會飛》而廣為大眾認識，23歲的她仍充滿少女味，在廣告中更以濕身學生Look示人，令人印象深刻，比起ViuTV的女團COLLAR更早成為香港區代言人！
