楊千嬅早前在網上推出廣紀錄片《I · II · III MY STORY》,在影片中她自揭黑歷史,大談入行25年來的點滴。紀錄片攝製歷時一年有多,也是緊隨楊千嬅《MY BEAUTIFUL LIVE世界巡迴演唱會》每一站而拍攝,紀錄片中楊千嬅分享了她入行前後的心路歷程,又分開講述歌手、演員、女兒、母親等4個階段。片中邀請到陳奕迅、Paco黃柏高、吳彥祖、丁子高等人現身,其中以陳奕迅的訪問最爆,他更重提當年被千嬅吸引的原因。

楊千嬅近日推出《I · II · III MY STORY》紀錄片。
楊千嬅近日推出《I · II · III MY STORY》紀錄片。(圖片來源:《I · II · III MY STORY》截圖)

陳奕迅回應緋聞 認與千嬅唔夾:我8級聲樂喎

楊千嬅與陳奕迅認識多年私交甚篤又傳過緋聞,紀錄片中他分享二人相識經過﹐因95年第十四屆新秀歌唱大賽結緣。他形容千嬅性格倔強,有「大笑姑婆」之稱卻不太愛笑,他說;「呢個就係當時吸引到我嘅地方。」他又形容千嬅夠「男人」:「咁多年佢都冇變過,都係『喂!陳奕迅!』,其實我覺得有少少粗魯㗎!」Eason又提到與千嬅經常意見不合:「我講東佢講西,我就真係有嬲!你會識得多過我?我假假地都皇家音樂學院,有文憑,我係八級聲樂喎,同我拗?我係冠軍喎!」

楊千嬅 Eason提到經常與千嬅經常意見不合:「我講東佢講西,我就真係有嬲!同我拗?我係冠軍喎!」
Eason提到經常與千嬅經常意見不合:「我講東佢講西,我就真係有嬲!同我拗?我係冠軍喎!」(圖片來源:《I · II · III MY STORY》截圖)

楊千嬅 Eason與千嬅相識多年的交甚篤。
Eason與千嬅相識多年的交甚篤。(圖片來源:《I · II · III MY STORY》截圖)

失獎逼同事開會:做artist唔好勝做嚟做乜?

楊千嬅曾8次奪得「叱咤我最喜愛女歌手」,是樂壇上的紀錄保持者。她在紀錄片中自認好勝:「做artist唔好勝,做嚟做乜?1月1日(叱咤頒獎禮)冇獎嘅話我第二日即刻捉(唱片公司)同事開會㗎!」她又自認唱得衰,但要知道自己點解輸:「有段時間我係唱得衰嘅,我必須承認。我要知道自己點解輸,我先可以繼續進步。」

楊千嬅認自己好勝:「做artist唔好勝做嚟做乜?」
楊千嬅認自己好勝:「做artist唔好勝做嚟做乜?」(圖片來源:《I · II · III MY STORY》截圖)

吳彥祖重溫當年經典合作 對千嬅狂笑感煩厭

當年楊千嬅與吳彥祖合作拍攝《新紮師妹》,為兩位演藝事業帶來不錯的起步,兩位性格大相逕庭的人合作意外地產出令人驚喜的火花。吳彥祖在片中直認曾對千嬅狂笑感煩厭:「一開始我覺得很annoy,點解個個Take都會笑呢?我真係唔明點解,但拍到一半先知佢要咁樣先消化到,我就完全相反。」吳彥祖也重提當年的螢幕初吻:「可以話佢(千嬅)奪走我螢幕初吻,但佢成日笑打斷我個情緒,搞到拍唔到。」千嬅就回應:「嗰陣第一次拍電影,仲要做主角,成日用笑度過尷尬時刻,但冇咁誇張,兩Take搞掂!」

楊千嬅 吳彥祖重溫當年經典合作
吳彥祖重溫當年經典合作(圖片來源:《I · II · III MY STORY》截圖)

楊千嬅 「可以話佢千嬅)奪走我螢幕初吻,但佢成日笑打斷我個情緒,搞到拍唔到。」
「可以話佢(千嬅)奪走我螢幕初吻,但佢成日笑打斷我個情緒,搞到拍唔到。」(圖片來源:《I · II · III MY STORY》截圖)

網民反應兩極 直言:過主啦!

楊千嬅紀錄片一出,網民持不同意見,fans們留言:「我也期待已久」、「開心!終於可以睇到!!!」、「終於有啦! 等到頸都長」、「無懼閒言閒語,永遠都會支持你」。但亦有不少網民反感,直言:「過主啦」、「無興趣!」、「香港歌迷真的不重要嗎?點解芒果TV比YouTube早播?真的令香港樂迷失望」。

多張楊千嬅入行前舊照曝光

撰文:東方新地圖片來源:《I · II · III MY STORY》截圖

相關文章