最近疫情嚴峻,影響市民生計,又適逢美國加息,不少屋盤交易蝕讓,普遍大家都睇淡樓市。TVB 藝人林盛斌(Bob)恰恰相反,從DJ、主持到開返經理人公司,「百足咁多爪」,疫情下他仍四出搵真銀,是圈中隱形富豪!近日林盛斌在IG透露將告別現時居住的九龍塘三層獨立屋,據聞不日會升級住大屋,可謂羡煞旁人。

林盛斌告別九龍塘三層獨立屋

現年42歲林盛斌向來顧家又勤力,吸金能力極強,被封「隱形富豪」,同太太及4子女家住九龍塘的三層獨立屋,一家六口幸福滿滿。日前Bob在IG上載一張相片,影低一家六口住開的三層獨立屋,並寫道:「拜拜,多謝你呢三年為我哋遮風擋雨。」此帖一出,不少網民勁羨慕他再換屋,紛紛留言:「Bob爺好勁,呢個時勢再搬大屋。」、「住得起好叻!一個能承擔所有屋企人使費嘅人,仲叻!」、「Good Luck!愈搬愈大,羨慕!」等。

現年42歲的林盛斌向出名吸金能力強,同太太及4子女住九龍塘的三層獨立屋,一家六口幸福滿滿。
現年42歲的林盛斌向出名吸金能力強,同太太及4子女住九龍塘的三層獨立屋,一家六口幸福滿滿。(圖片來源:[email protected]_lamshingbun)

林盛斌 日前Bob在IG透露再換大屋。
日前Bob在IG透露再換大屋。(圖片來源::[email protected]_lamshingbun)

逆市下upgrade搬入同區特色豪宅

據知林盛斌一家六口將升級到同區私隱度更高的特色豪宅,面積比舊屋更大更舒適。而Bob接受傳媒訪問則表示因舊屋租約期滿,剛剛搵到同區附近適合的新屋,所以轉換新環境。他又大讚新居,風水又好,環境又唔錯,又光猛等等,有更多空間給子女活動,所以決定搬屋。Bob又指轉換新環境,可以令自己有新的感覺,新的動力,會繼續努力做好工作同事業。

林盛斌 Bob大讚新屋風水好,環境又唔錯,還有更多空間給子女活動。
Bob大讚新屋風水好,環境又唔錯,還有更多空間給子女活動。(圖片來源:[email protected]_lamshingbun)

據知林盛斌將升級到同區私隱度更高的特色豪宅,面積比舊屋更大更舒適。
據知林盛斌將升級到同區私隱度更高的特色豪宅,面積比舊屋更大更舒適。(圖片來源::[email protected]_lamshingbun)

林盛斌拍片親釋只租不買樓原因:買樓成本高達1億

其實每次阿Bob搬屋,都會有人他為何只租不買,今次亦不例外,於是他就將他之前曾經拍過的廣告短片重新分享至IG,去解釋只租不買的原因:「其實好簡單,四個字-『機會成本』!假設你想住好啲,九龍塘,人一世物一世,五千尺大屋,我計過,最平個間都要1-2億左右。我就當1億5千萬,咁可能你有其他物業係身,咁要畀15%釐印費。」他屈指一算,買豪宅要手持近一億現金,繼而他續說:「如果我有9千幾萬現金,我唔會咁用囉,更何況我冇。如果我真係有9千幾萬我會選擇投資唔同地方,分散風險,每年有5%回報,9千幾萬一年5%回報,就400幾萬,一個月都40萬。我租層樓誇張咁講都係10-20萬,仲剩20萬畀你用,所以所謂呢啲豪宅係抵租唔抵買,不過戴定頭盔,以上方法未必適任何人。」

林盛斌 不過阿Bob話佢冇九千幾萬現金喎!
不過阿Bob話佢冇九千幾萬現金喎!(圖片來源:[email protected]_lamshingbun)

林盛斌涉獵廣吸金能力強

由電台 DJ 到電視主持、由參演電視劇到做埋電影男主角、由活動婚禮司儀到自己做埋製作、經理人公司老闆,今年42嘅Bob 林盛斌可能係近年上位最快、瓣數最多、曝光又最頻密嘅男藝人!曝光多、人氣高,簡單嚟講即係搵錢能力都驚人,連屋都愈搬愈大愈住愈豪。

林盛斌 Bob與太太Pearl不時大晒恩愛。
Bob與太太Pearl不時大晒恩愛。(圖片來源::[email protected]_lamshingbun)

林盛斌愈搬愈富貴三層獨立屋「大過地球」

07年結婚,婚後生完又生如今家有三女一子,係搵到所以唔怕生多啲養多幾個,定係生得多所以搵食動力都高過人,咩原因都好,總之個結果就係搵到亦都享受得起! 15年由太子道900呎舊居搬去加多利山三千呎豪宅,之後再被逼遷後更上一層樓,入住九龍塘三層獨立屋,地方更闊落設備更齊全,用經常上門作客嘅老友農夫成員 C 君嘅說話去形容,Bob 屋企「 大過地球 」咁話喎!

林盛斌 07年同老婆黃乙頤結婚,Bob 捱得、老婆都生得亦好學肯做幫到手搵食,如今林家三女一子出親街都浩浩蕩蕩。拜年張全家大合照,留意番玄關雙門高樓底設計,甚具豪宅大戶風範。
07年同老婆黃乙頤結婚,Bob 捱得、老婆都生得亦好學肯做幫到手搵食,如今林家三女一子出親街都浩浩蕩蕩。拜年張全家大合照,留意番玄關雙門高樓底設計,甚具豪宅大戶風範。(圖片來源:新傳媒圖庫)

林盛斌 人緣好屋企又大,林宅經常被圈中朋友及兒女同學仔用作開 P 飯敍基地,老友翠如生日都係喺度慶祝。
人緣好屋企又大,林宅經常被圈中朋友及兒女同學仔用作開 P 飯敍基地,老友翠如生日都係喺度慶祝。(圖片來源:新傳媒圖庫)

林盛斌 林太精打細算持家有道,L形大梳化由加多利山舊屋搬去九龍塘新居繼續用,客廳大到放到巨型大梳化之餘仲有座按摩椅,依然大把位剩,一家大細一齊做運動都冇問題。
客廳大到放到巨型大梳化之餘仲有座按摩椅,依然大把位剩,一家大細一齊做運動都冇問題。(圖片來源:新傳媒圖庫)

40歲林盛斌愈搬愈大愈住愈豪 「大過地球」四層巨宅曝光
40歲林盛斌愈搬愈大愈住愈豪 「大過地球」四層巨宅曝光。(圖片來源:新傳媒圖庫)

林盛斌 三層獨立屋地方更闊落設備更齊全。
三層獨立屋地方更闊落設備更齊全。(圖片來源:新傳媒圖庫)

40歲林盛斌愈搬愈大愈住愈豪 「大過地球」四層巨宅曝光
有位可以招呼朋友 BBQ。(圖片來源:新傳媒圖庫)

平時早出晚歸四出奔波搵錢養家,疫情打擊下被迫放緩工作步伐,Bob 難得多咗時間留喺屋企湊吓仔女享受吓家庭樂,分享多咗同仔女玩樂學習日常相片,「 大過地球 」豪宅間隔亦都因此逐格曝光,飯枱大到加埋轉盤開到一圍十二人酒席、偏廳可以改裝成遊戲廳闊落過 playgroup、花園有假山有噴水池大到可以開到poolside燒烤派對、房多到四個仔女可以有個專屬學習房兼圖書館,一家六口加埋三個工人姐姐都夠住仲綽綽有餘,睇怕 Bob再追多幾個都仲得!

林盛斌 最低層係客廳遊戲間,中層係飯廳廚房,再上就係兒女學習間同林太工作間,門外還有落地大 locker 四兄弟姊妹一人一個。
最低層係客廳遊戲間,中層係飯廳廚房,再上就係兒女學習間同林太工作間,門外還有落地大 locker 四兄弟姊妹一人一個。(圖片來源:新傳媒圖庫)

林盛斌 大家族兄弟姊妹多嘅好處,就係居家防疫都有玩伴,加埋屋企夠大,想點玩都得。
大家族兄弟姊妹多嘅好處,就係居家防疫都有玩伴,加埋屋企夠大,想點玩都得。(圖片來源:新傳媒圖庫)

林盛斌 電視廳背後,可見巨型偏廳早被林太改裝成四兄弟姊妹嘅遊樂廳。呢期最受媽媽歡迎嘅加厚絨面防撞墊,最大 size 林家可以放夠兩塊,沿牆邊井然有序擺滿仔女玩具。
電視廳背後,可見巨型偏廳早被林太改裝成四兄弟姊妹嘅遊樂廳。呢期最受媽媽歡迎嘅加厚絨面防撞墊,最大 size 林家可以放夠兩塊,沿牆邊井然有序擺滿仔女玩具。(圖片來源:新傳媒圖庫)

林盛斌 Bob 嫂持家有道更緊張四個仔女學習成績,新屋有大大間學習房,一人一張書枱以外,仲有落地大書櫃分類整齊放好參考書。
Bob 嫂持家有道更緊張四個仔女學習成績,新屋有大大間學習房,一人一張書枱以外,仲有落地大書櫃分類整齊放好參考書。(圖片來源:新傳媒圖庫)

林盛斌 好生養又相夫教子之外,Bob 嫂亦考埋各種牌照,近期仲幫人睇埋風水,好學又識幫輕Bob負擔嘅佢喺屋企都有專屬辦公室,仲大到可以招呼同事開會。
好生養又相夫教子之外,Bob 嫂亦考埋各種牌照,近期仲幫人睇埋風水,好學又識幫輕Bob負擔嘅佢喺屋企都有專屬辦公室,仲大到可以招呼同事開會。(圖片來源:新傳媒圖庫)

林盛斌 市中心豪宅地段都可以有大型私家花園亦係新屋賣點,有假山有水池仲可以擺到裝得落 Bob 同四個仔女嘅超大型吹氣泳池之餘,仲有位剩可以招呼朋友 BBQ。
市中心豪宅地段都可以有大型私家花園亦係新屋賣點,有假山有水池仲可以擺到裝得落 Bob 同四個仔女嘅超大型吹氣泳池。(圖片來源:新傳媒圖庫)

林盛斌 地方咁大,Bob 足不出戶坐埋廚房一角,都可以拍番條客戶片賺吓零用錢,仲拉埋細女齊齊整三文治卷當親子活動。
地方咁大,Bob 足不出戶坐埋廚房一角,都可以拍番條客戶片賺吓零用錢,仲拉埋細女齊齊整三文治卷當親子活動。(圖片來源:新傳媒圖庫)

撰文:東方新地圖片來源:[email protected]_lamshingbun、新傳媒圖片庫