林師傑與歐陽巧瑩低調移英 趁後生試多啲嘢：成個人係唔同咗
林師傑出道以來負面新聞不少，為人喜歡招搖，不過今次移民英國就選擇低調行事，與老婆歐陽巧瑩兩個月前帶同了兩隻愛犬赴英一起過新生活。至近月林師傑在社交網po出大量在外地的照片，再加上開直播，大家才知道他已經離開香港。節目中提到兩個人的籌備過程都相當之快，由7月開始計劃，10月就正式離開香港。Tammy坦言當時壓力爆煲，因為所有移民手續及所需文件都由她一手包辦：「面對一大堆唔熟識嘅文件，都好大壓力！」雖然未知移英這個決定是否正確，但兩人都認為點都要試一試：「如果錯，唔緊要，咪返番轉頭，但要試，趁後生多啲去試，而我幾開心見到佢（林師傑）過到嚟英國之後，成個人唔同咗。」
直播分享生活：我對全新嘅自己「有晒計劃」
在英國安頓好後，林師傑開始計劃自己的未來生活，日前他表示籌備開Patreon，拍片同大家分享點樣設計素食餐單、冥想、瑜珈及減壓方法等等 ，對於有不少朋友都問他何時回港，林師傑直言︰「喺呢度多咗空間同時間，我唔想返嚟……」因為林師傑有感在香港唱片公司不受認同，電視台唔buy他，雖然後來有上ViuTV節目，《CHILL CLUB》都有邀請他演出，不過身處香港時，他覺得做不到他想做的事。林師傑更大爆曾每日都在想「點樣先可以開心？有一段時間，我長期都喺度諗點樣離開呢個世界！」，Tammy見對方因為「空間問題」而導致喘不過氣來，所以決定透過移民英國去改變現況。
移英後願望成真購買人生Dream Car：下一步想有自己農場
身處英國的林師傑繼續率性敢言，直播中不時夾雜粗口，他更為自己定下明確目標，絕不讓自己停不來︰「我希望自己有個農場，可以經營B&B，招待你哋嚟住，我又會繼續整理舊車，你哋可以租我嘅車用。」林師傑看來滿肚密圈，早前他更在英國買入一架恨了多年的保時捷跑車，仲話架車已經34歲老過佢一年，不過林師傑就放了不少心機在這架Dream Car上。
歐陽巧瑩收起性感 望在英國落地生根
至於老婆歐陽巧瑩，她在社交網po了帶同愛犬搭飛機的照片，並留言表示一直都好鍾意香港，因為香港是她的根，從來無想過會有離開的一日，可惜3年後的今日覺得香港已經太荒謬，令她好傷心，無奈之下選擇離開。林師傑與歐陽巧瑩都講到好似以後唔再返港咁，仲話會嘗試造人，在英國落地生根！
老婆歐陽巧瑩隱退幕後有意從政：終於可以做自己想做嘅事
歐陽巧瑩與老公非常恩愛，港姐出身的她曾是無綫合約藝員，曾做《娛樂新聞台》主持，不過擁有34C姣好身形的她在TVB並沒有大紫大紅，演出劇集亦不多，2020年終於完成和TVB的 7年合約。無約一身輕的她，接受訪問時表示有意從政，在個人IG上亦有出 post寫下 7年之路歷程。港姐出身的她表示自己其實對幕前沒有太大興趣，現在終可做自己想做的事，老公亦表示支持！
還有什麼演唱會消息？
無論是本地歌手還是外地歌手都即將在香港舉行演唱會，即睇：演唱會時間表及購票資訊，包括MIRROR演唱會門票兌換安排、容祖兒、鄭秀文、張學友、鄭中基、溫拿、羅志祥等。