身為兩孩之母的朱薰最近拍攝《中女唔易做》,在節目中自爆兼顧工作及家庭,每日瞓得三個鐘,忍唔住落淚:「點解做媽媽咁難㗎?」不少網民都大讚朱薰好偉大,但都有網民指:「咁辛苦生嚟做乜?」

撰文:東方新地|圖片來源:《中女唔易做》、ViuTV

《中女唔易做》朱薰在節目中坦承唔想被標籤做中女,但當想到已是兩孩之母,又不得不承認。朱薰大談中女的價值,她認為女人到某一個年紀又未婚,未必是壞事,因為可以得到單身的自由同快樂。

《中女唔易做》身兼DJ、老婆及媽媽身份,工作家庭兩兼顧,當中辛酸有苦自己知﹗(圖片來源:《中女唔易做》截圖)
《中女唔易做》身兼DJ、老婆及媽媽身份,工作家庭兩兼顧,當中辛酸有苦自己知﹗(圖片來源:《中女唔易做》截圖)

《中女唔易做》朱薰指十年來冇好好瞓過一覺

朱薰話:「如果到依家我未結婚未有小朋友,我諗至少可以瞓多過依家,唔使每日瞓得三、四個鐘咁慘﹗」朱薰感觸表示這十年未有真正好好瞓過一覺,身型亦因生完後未有好好調理而走樣,令她回想單身的自由﹗

在節目中朱薰叫一對仔女給她評分她,大家都畀一百分﹗(圖片來源:《中女唔易做》截圖)
在節目中朱薰叫一對仔女給她評分她,大家都畀一百分﹗(圖片來源:《中女唔易做》截圖)

朱薰指她的人生格言是「盡做」,所以無論工作家庭都會盡做,朱薰解釋為何長期缺乏睡眠,她指老公態度比較輕鬆,對教育照顧仔女可以置身事外,故她要「一腳踢」。

中女唔易做|兼顧工作家庭每日瞓3粒鐘 朱薰爆喊:點解做媽媽咁難㗎?
(圖片來源:《中女唔易做》截圖)

朱薰在節目爆喊,大嘆在職媽媽不容易﹗(圖片來源:《中女唔易做》截圖)
朱薰在節目爆喊,大嘆在職媽媽不容易﹗(圖片來源:《中女唔易做》截圖)

朱薰爆喊:「點解做媽媽咁難㗎?」

朱薰又指在疫情期間,既要陪子女在網上上課,之後再急急返電台,回家後邊食飯邊檢查子女功課,待子女睡覺,她又要繼續工作,朱薰講到忍唔住喊:「等佢哋瞓晒,我就要做番之前未完成嘅工作,有一次做到第二朝早六點幾,當時真係忍唔住喊,會問點解咁㗎,點解做媽媽會咁難㗎?」朱薰情緒激動要停機中止拍攝,鏡頭後朱薰仍未平復:「我每次講都忍唔住﹗」

朱薰被問到工作及家庭,邊樣難啲,佢坦言:「當然照顧小朋友難啲,因為工作都有得攝一攝抖吓,但小朋友唔得,無得放一放抖氣﹗」(圖片來源:《中女唔易做》截圖)
朱薰被問到工作及家庭,邊樣難啲,佢坦言:「當然照顧小朋友難啲,因為工作都有得攝一攝抖吓,但小朋友唔得,無得放一放抖氣﹗」(圖片來源:《中女唔易做》截圖)

拍攝期間,朱薰大仔突然鬧情緒,全程由朱薰安撫,老公繼續佛系企喺一邊﹗(圖片來源:《中女唔易做》截圖)
拍攝期間,朱薰大仔突然鬧情緒,全程由朱薰安撫,老公繼續佛系企喺一邊﹗(圖片來源:《中女唔易做》截圖)

朱薰同老公譚健榮今年結婚十一年,二人育有8歲大仔譚永之及5歲細女譚在之。朱薰同事兼好友小儀亦大讚朱薰係三項鐵人,對DJ、老婆、媽媽每一個崗位都力求完美,做到最好,小儀坦言好佩服﹗

朱薰被委派到傢俬部工作,負責推銷床褥,遇到客人的問題都能順利過關,首日返工已把資料記好,被讚勤力主動又快上手。朱薰落力sell,被力讚工作態度佳。
朱薰被委派到傢俬部工作,負責推銷床褥,遇到客人的問題都能順利過關,首日返工已把資料記好,被讚勤力主動又快上手。朱薰落力sell,被力讚工作態度佳。(圖片來源:《中女唔易做》截圖)

網民留言(圖片來源:ViuTV)
網民留言(圖片來源:ViuTV)

網民留言(圖片來源:ViuTV)
網民留言(圖片來源:ViuTV)

網民留言(圖片來源:ViuTV)
網民留言(圖片來源:ViuTV)

Tags :