張敬軒在個人Ig分享其「網購經驗」,原來他用了$800買了一支魔杖給朋友,為朋友打造一支獨一無二的哈利波特魔杖,結果收到貨才知貨不對辦,令人哭笑不得。軒仔笑言這支魔杖「連佛地魔見到都驚」,所以即場拍片與fans分享,這支魔杖竟然似⋯⋯

原文刊於《東方新地》|編輯:Yuen|圖片來源:張敬軒Ig圖片及影片截圖

張敬軒:我買了一篤天然⋯⋯

張敬軒在社交網用一段影片兼文字分享自己的「網購新體驗」,片中一開頭,他先歎了一大口氣,表示:「咁呢,話說我不嬲都有鋪癮,就買啲木料返嚟,自己造啲手工藝嘢送畀朋友仔嘅,咁最近我就見到有一件料幾靚喎,同我以往買開嗰啲都係大概咁嘅size。」說著他就攞出一支木杖做示範。

軒仔本身都有一支睇落正正常常嘅魔杖。(圖片來源:張敬軒IG)
軒仔本身都有一支睇落正正常常嘅魔杖。(圖片來源:張敬軒Ig)

張敬軒續說原意是想造出一支魔杖送給朋友,他指當時在網上所見的木料原圖,和他手上作示範的木杖外形差不多,因此他沒有多想,手快快便撳了購買。結果到貨後,才驚覺「中伏」,這時他攞出另一支比之前大上一倍的木杖,直言:「原來(實物)係咁大碌嘅!都算喇,本身覺得佢都幾有型吖,點知原來佢轉過嚟嘅時候,係咁嘅⋯⋯」

軒仔話正面睇只係大碌咗,反而覺得幾有型(圖片來源:張敬軒IG)
軒仔話正面睇只係大碌咗,反而覺得幾有型。(圖片來源:張敬軒Ig)

登登登櫈!一轉過去,支木杖的杖頭形狀竟然變成一篤「便便」!他最後慨歎說:「呢個好明顯冇辦法成為一支魔杖啦!好嘢,嘥錢!」又加了一堆hashtag說明「網購直升機」、「伏伏伏伏伏伏伏伏伏伏」、「我買了一篤天然⋯⋯」、「盛惠800蚊」、「本來諗住造支哈利波特魔杖送畀人」、「我諗家下連佛地魔見到都驚」、「惟有送畀鍾意扮小雲同小吉嘅人」、「咒語係便便去去走」、「使用說明請參考Ig story」、「原來是世間太荒謬」。

不過一擰轉到背面,支木杖就勁似一篤天然嘅「便便」!(圖片來源:張敬軒IG)
不過一擰轉背面,支木杖就勁似一篤天然嘅「便便」!(圖片來源:張敬軒Ig)

軒仔之後更在igStory貼出小雲圖,話係「使用說明」(圖片來源:張敬軒IG Story)
軒仔之後更在Ig story貼出小雲圖,話係「使用說明」。(圖片來源:張敬軒Ig story)

網民已經超快手整Gag圖 (圖片來源:張敬軒IG Story)
網民已經超快手整gag圖。(圖片來源:張敬軒Ig story)