吳業坤(坤哥)在年齡限期之前,去年11月前往到日本工作假期,可惜一直都是No Working Holiday!而在2月28日,他決定挑戰「東海道53次」,即由京都徒步到東京 ,全長約490多公里!他說希望「趁這副機器還未老」做一些事領悟人生真諦。近日坤哥成功用了18日時間完成挑戰,他分享首日辛苦到想放棄,陸續日子也遇上了不少甩轆事件呢!

原文:東方新地   |圖:吳業坤IG、FB

吳業坤留日三個月 返港前挑戰「東海道53次」 坤哥:「趁這副機器還未老」
吳業坤去年11月出走日本,原計劃working holiday,但最後冇打工,自覺好廢。(圖片來源:坤哥IG Story)

吳業坤在2月28日啟程「東海道53次」(東海道53次,是指日本江戶時代從江戶到京都途中所經過的53個宿驛,現在的公路休息站),預計16日完成,最後花了18日,於3月17日日本時間下午五時完成,到達終點東京的日本橋,坤哥到達終點前約四百米,在社交網開直播,與粉絲一起見證,經過18天的考驗,首天已經想放棄的坤哥,在衝線一刻卻表現平靜,有網民留言問佢有冇喊?坤哥話:「要喊都喊過,依家反而好平靜﹗到咗喇﹗就係咁﹗」坤哥透露有一些在日的香港人在終點等他,令他好感動﹗

坤哥終於到達終點東京日本橋,不過未有他所預期般興奮、激動。(圖片來源:坤哥IG Story)
坤哥終於到達終點東京的日本橋,不過未有他所預期般興奮、激動。(圖片來源:坤哥IG Story)

坤哥透露有在日港人在終點見證他的創舉,並獻上小花束,不過因怕醜未有上鏡。(圖片來源:坤哥IG Story)
坤哥透露有在日港人在終點見證他的創舉,並獻上小花束,不過因怕醜未有上鏡。(圖片來源:坤哥IG Story)

坤哥影低終點地標,他指日本人會以此為起點,行去京都,故又是「東海道53次」的起點,但他選擇由大阪京都做起點,步行至東京。(圖片來源:坤哥IG Story)
坤哥影低終點地標,他指日本人會以此為起點,行去京都,故又是「東海道53次」的起點,但他選擇由大阪京都做起點,步行至東京。(圖片來源:坤哥IG Story)

吳業坤在行程第17日晚開直播,宣布翌日到達終點,並透露自己到達東京後先留數天,之後飛抵長崎欣賞櫻花,繼而再返大阪,網民最關心坤哥的歸期,他指:「四月中左右,返嚟完成隔離,應該四月底,因為朋友已經約緊去食生日飯,我係4月18日生日。」坤哥並透露會把這次「東海道53次」拍下的照片輯成相片集,在fansclub發售,收益扣除成本會捐出去。

吳業坤行到厚襪都穿窿。(圖片來源:坤哥IG Story)
吳業坤行到厚襪都穿窿。(圖片來源:坤哥IG Story)

坤哥展示其斷臂眼鏡,只靠另一邊眼鏡臂支撐,有網民問會否到東京配眼鏡,坤哥話:「因為我度數深又散光勁,所以返嚟先,經過今次會考慮做激光矯視。」(圖片來源:坤哥IG Story)
坤哥展示其斷臂眼鏡,只靠另一邊眼鏡臂支撐,有網民問會否到東京配眼鏡,坤哥話:「因為我度數深又散光勁,所以返嚟先,經過今次會考慮做激光矯視。」(圖片來源:坤哥IG Story)

為爛眼鏡發潮文

吳業坤行程第16天,發生了小意外,不過坤哥還不忘為爛咗嘅眼鏡發一段哀悼潮文:

今朝食魚生飯放題前係(喺)溫泉洗頭果時, 放低左副眼鏡係洗腳位?(度腳果啲位) 咁諗住洗下我啲美麗腳趾既時候 一踩上去聽到一下清脆既「啪啪」聲 就知道發生乜事 呢個聲音係除左我跌電話跌相機之外旅程入面 最動聽既聲音再淡淡然戴番得一隻腳既眼鏡去食海鮮丼

吳業坤戴住呢副爛眼鏡,繼續行程。(圖片來源:坤哥IG)
吳業坤戴住呢副爛眼鏡,繼續行程。(圖片來源:坤哥IG)

坤哥在直播中強調整個旅程,最重要是帶了「髮再生」洗頭水,令他沒有甩頭髮及頭皮發炎的煩惱,呢個代言真係唔話得,不過佢話行程尾段都漏低咗支洗頭水喺民宿。(圖片來源:坤哥)
坤哥在直播中強調整個旅程,最重要是帶了「髮再生」洗頭水,令他沒有甩頭髮及頭皮發炎的煩惱,呢個代言真係唔話得,不過佢話行程尾段都漏低咗支洗頭水喺民宿。(圖片來源:坤哥)

行程中,坤哥遇上日本可愛小妹妹,唔捨得走「本身諗住坐陣飲兩杯食少少點知居酒屋入面個妹妹好好玩又好好傾(五歲有啲傲嬌),最後遲左番酒店浸多個露天風呂」。(圖片來源:坤哥)
行程中,坤哥遇上日本可愛小妹妹,唔捨得走「本身諗住坐陣飲兩杯食少少點知居酒屋入面個妹妹好好玩又好好傾(五歲有啲傲嬌),最後遲左番酒店浸多個露天風呂」。(圖片來源:坤哥)

吳業坤其中一晚到居酒屋,與老闆及食客吹水,並透露自己是歌手正挑戰「東海道53次」,老闆為他畫了漫畫送給他以示支持,令坤哥好窩心。(圖片來源:坤哥)
吳業坤其中一晚到居酒屋,與老闆及食客吹水,並透露自己是歌手正挑戰「東海道53次」,老闆為他畫了漫畫送給他以示支持,令坤哥好窩心。(圖片來源:坤哥)

吳業坤計劃用16天由京都行去東京

吳業坤趁三十歲前去日本working holiday,雖然一直未有找到工作,但仍留在當地體驗生活,原預告農曆新年前返港,卻因疫情而改變計劃。日前吳業坤公布最新計劃,是趁回港前挑戰「東海道53次」,即由京都行去東京,全程約492公里,預計由京都開始每日行30至35公里,去到東京大概16天便完成 。

吳業坤留日三個月 返港前挑戰「東海道53次」 坤哥:「趁這副機器還未老」
吳業坤話想趁返港前「為自己人生留番多少故事同腳毛啦,咁就決定左由關西行去關東。」之前做足功課搵攻略﹗(圖片來源:坤哥)

吳業坤 東海道53次 坤哥
吳業坤介紹他的「東海道53次」的輕便行裝,背包內包括有風褸、一支洗頭水、叉電器、電筒、縮骨遮、幾件運動底衫同Leggings、一條長褲同短褲、可洗五次的重用口罩X3、牙刷套裝、兩包香港帶來的紙巾、三對五指襪同一對跑鞋、兩條毛巾、一對手套一部XT20相機、一支水同少量乾糧以及他自製的路線圖及攻略書一本。(圖片來源:坤哥)

吳業坤的「東海道53次」2月28日啟動

吳業坤的「東海道53次」熱血之旅於2月28日正式啟動﹗坤哥每日都影相拍片放社交網作紀錄,坤哥話呢個唔係乜嘢壯舉,亦有機會中途放棄,但希望可「領悟人生嘅真諦」,並用自己首歌〈小句號〉歌詞「有多少想過已做到?趕得上我預算路途,有多少講過卻未做?趁這副機器還未老,這一生只有僅有字數」以行動實踐歌詞。

吳業坤在社交網紀錄自己「東海道53次」創舉。
吳業坤在社交平台紀錄自己「東海道53次」創舉。(圖片來源:坤哥)

吳業坤首天已想放棄

坤哥紀錄行程第一天,六點十五分第起身,去到京都三条大橋起點係八點五十分,頭兩個鐘行了十公里都感覺良好。大概行咗20公里,膝頭哥開始黎料,由日頭行到天黑,比預期遲了三小時到酒店,立即浸溫泉以解疲累,吳業坤表示比想像中艱辛,坦言「第一天便想放棄」。

吳業坤留日三個月 返港前挑戰「東海道53次」 坤哥:「趁這副機器還未老」
「東海道53次」出發的地標。(圖片來源:坤哥)

吳業坤留日三個月 返港前挑戰「東海道53次」 坤哥:「趁這副機器還未老」
吳業坤表示第一日的初段去到琵琶湖仲慢慢影相,之後膝頭已開始頂唔順。(圖片來源:坤哥)

每日都天光行到天黑。
每日都天光行到天黑。(圖片來源:坤哥)

吳業坤留日三個月 返港前挑戰「東海道53次」 坤哥:「趁這副機器還未老」
沿途未必可以「食好西」,只能到便利店醫肚。(圖片來源:坤哥)

坤哥出發時遇上狂風狂雨
天有不測之風雲,呢日出門遇上狂風大雨,波鞋都入水。(圖片來源:坤哥)

吳業坤離家自煮頓覺有家人照顧好幸福

吳業坤指自己來日本前是一個連開罐頭煎午餐肉都懶的人,在日本竟然煮出個醉雞卷,坤哥指在日本識到好多朋友,都是離鄉別井到城市工作,要跟家人分開,所以一早學習獨立及照顧自己,反之,坤哥有感一直得到家人照顧,好幸福﹗他坦言在日本的日子令「人生歷練總有唔少收獲」。

健吾都轉貼坤哥的醉雞卷post,大讚坤哥去日本學「做人」,鼓勵大家出去闖下,唔好因地域而限制自己的可能性。
健吾都轉貼坤哥的醉雞卷post,大讚坤哥去日本學「做人」,鼓勵大家出去闖下,唔好因地域而限制自己的可能性。(圖片來源:健吾Facebook)

吳業坤日本做廢青

坤哥去年11月專程飛往日本,趁30歲前進行Working Holiday。但坤哥喺當地日日瞓到黃朝百晏,搵工又抱住「佛系」心態,至今逗留日本三個幾月都係零工作,仲笑自已目前叫「待業坤」,每朝瞓到呢個時間先醒⋯⋯

吳業坤
吳業坤赴日Working Holiday至今三個幾月。(圖片來源:坤哥)

赴日兩個月、零工作瞓到自然醒  自嘲「待業坤」

吳業坤「坤哥」去年11月趁住未超齡,專程飛到日本進行Working Holiday,至今已逗留超過三個幾月。坤哥日前接受鄭裕玲「Do姐」電台節目訪問,自爆到日本兩個月嚟都抱住「佛系」心態搵工,佢話:「其實日日瞓到自然醒,瞓醒都10點後,做運動醒下個人,之後就出去食飯,食飽睇下日文書好快到夜晚,開頭都諗住搵工,但係唔知幾時返香港,所以算啦,變咗no working嘅working holiday!」佢仲笑自已目前叫「待業坤」,坤哥陣毒男味出晒嚟。

吳業坤
雖然持Working Holiday Visa(工作假期簽證)到日本,但吳業坤直言仍未搵到工,他笑言:「其實申請工作簽證,唔一定嚟到要打工嘅,我帶咗幾萬蚊港幣嚟,應該夠用。」(圖片來源:坤哥)

吳業坤
在日本工作假期,朝朝瞓到10點先起身,坤哥自言自己目前係「待業坤」。(圖片來源:坤哥)

坤哥:覺得自己好廢!

訪問中坤哥話喺日本因為太得閒,毒到匿埋上網學捲脷,學足一星期。之後,Do姐好心提議佢拍下旅行片擺上網同大家分享,點知坤哥不離毒男本色話:「未體驗到啲乜,冇咩衝擊,揸住部相機,好似硬要拍啲嘢出嚟,算啦,真係遇到特別先。」訪問到最後,Do姐終於忍唔住問佢唔悶咩?坤哥先話:「有啲思鄉,原來兩個月唔工作,都有諗覺得自己好似好廢!」

吳業坤
坤哥話喺日本有學空手道過日晨。(圖片來源:坤哥)

吳業坤
不過空手道班嘅同學,年齡介乎5-15歲嘅小朋友,所以好少交流。(圖片來源:坤哥)

吳業坤
坤哥離港兩個幾月,話自己開始思鄉。(圖片來源:坤哥)

早前吳業坤與日本創作歌手山元聰合唱了一首「《刻在我心底的名字》」中日版 ,算是赴日發展的其中一個貢獻。