ViuTV《全民造星5》正在籌備階段,日前舉行記者會正式宣布《全民造星5》比賽玩法,將會在香港、溫哥華、吉隆波3地同步招募參賽者,有指今年將會變全男班,而花姐更即場宣布今年不會由她做節目監製。而報名方法及所需資料,亦可於下文一覽!

《全民造星5》今日舉行記者會。
《全民造星5》今日舉行記者會。(圖片來源:Facebook@ViuTV)

《全民造星5》花姐拒再監製:今年魯生逼我唔到

《全民造星5》今日舉行記者會,有花姐、肥仔、阿Dee@ERROR出席,呢個陣容花姐都笑言係「星光熠熠」。花姐表示自己每年做完《造星》都想唔做:「之前幾年好明顯我係被逼啦!不過今年魯生逼我唔到,我今次唔做監製。」而且講明今年淨係選男仔。《全民造星5》將會於香港、溫哥華以及吉隆坡3個地方招募。

花姐講明,今年唔會做《全民造星5》監製。
花姐講明,今年唔會做《全民造星5》監製。(圖片來源:Facebook@ViuTV)

MIRROR成員拍片宣傳《全民造星5》!Lokman、AK海外揀人

MIRROR雖然未有現身,不過都有拍片撐《造星5》,之前傳過姜濤會飛去美國挑選參賽者,不過今次記者會並有回應此事,未知續後會否有驚喜作第二波宣傳。而正、副隊長Lokman與Anson Kong就落實會出發海外到溫哥華揀蟀。

全民造星5 MIRROR 12子拍片撐《造星5》。
之前傳過姜濤會美國挑選參賽者,不過今次記者會就冇正面回應。(圖片來源:Facebook@ViuTV)

全民造星5 AK與Lokman有份出發海外揀蟀。
AK與Lokman有份出發海外揀蟀。(圖片來源:Facebook@ViuTV)

《全民造星5》海外揀人 Error肥仔阿Dee都有份

肥仔同阿Dee話晒都係《造星》師兄,花姐笑言佢兩個冇樣又矮都可以做明星,畀到香港人希望。今次肥仔同阿Dee將身負重任,飛往吉隆坡幫手揀蟀,花姐千叮萬囑:「你兩個醒醒定唔好玩咁多,到時我搵個記者跟住你哋,偷影你哋!」又笑言每晚12點要向佢報到﹐仲點名吩咐ERROR經理人阿濟要嚴格遵從。

全民造星5 肥仔同阿Dee會飛去吉隆坡幫手揀人。
肥仔同阿Dee會飛去吉隆坡幫手揀人。(圖片來源:Facebook@ViuTV)

《全民造星5》報名方法

《全民造星5》將有3個面試地點,包括:香港、吉隆坡、溫哥華,有興趣人士可填妥報名表格,及準備以下資料:

  1. 英文姓名
  2. 出生日期
  3. 聯絡電話
  4. Instagram/ Facebook Username (用戶名)
  5. 電郵地址
  6. 自我介紹
  7. 演出經驗
  8. 1分鐘表演片段(請提供YouTube/Google Drive/Dropbox連結)
  9. 上載照片/ comp card/ 個人portfolio

報名連結

阿Dee提醒準參賽者 獲花姐認證「一哥」

肥仔同阿Dee鏡頭前成日亂講嘢,被問到今次揀人準則如何,他們笑言:「要搵啲唔掂嘅人嚟突顯自己有料!」而花姐就覺得才華同熱誠係重要過樣,唔想搵啲淨係得個軀殼嘅參賽者。最後阿Dee爆金句:「有個前輩講過,你勤力就做到藝人,但做明星就要睇命數。你要做明星先要做到一個勤力嘅藝人,只要你尊重呢個比賽,你認真為自己未來付出,你點都做到藝人先!」花姐仲大讚:「一哥即係一哥!」

全民造星5 阿Dee爆金句:「有個前輩講過,你勤力就做到藝人,但做明星就要睇命數。你要做明星先要做到一個勤力嘅藝人,只要你尊重呢個比賽,你認真為自己未來付出,你點都做到藝人先!」
阿Dee爆金句:「有個前輩講過,你勤力就做到藝人,但做明星就要睇命數。你要做明星先要做到一個勤力嘅藝人,只要你尊重呢個比賽,你認真為自己未來付出,你點都做到藝人先!」(圖片來源:Facebook@ViuTV)

傳Mirror全體走訪世界各地挑選準師弟

從ViuTV製作部及藝人管理部獨立分拆出來的MakerVille,已開始籌備全男班的《全民造星5》,以往ViuTV都在香港舉行海選,經各大名導演、監製面試後選出90多位參賽者在節目正式亮相,不過今屆就玩國際化,加入海外招兵環節。有傳更會由MIRROR的姜濤、Anson Lo(盧瀚霆)和Edan(呂爵安)等12名成員走訪世界各地去「揀蟀」。

全民造星5 早前姜濤去完美國拍戲,之後仲去歐遊,返港不久又將要再次出發喇!
早前姜濤去完美國拍戲,之後仲去歐遊,返港不久又將要再次出發喇!(圖片來源:[email protected]_show)

全民造星5 全民造星 姜濤早前在美國拍戲不時分享打卡相
姜濤早前在美國拍戲不時分享打卡相(圖片來源:[email protected]_show)

全民造星5 全民造星 姜濤早前在美國時代廣場下大騷舞技
姜濤早前在美國時代廣場下大騷舞技(圖片來源:[email protected]_show)

全民造星5 《全民造星2》的代表有三人男子組合P1X3L。
《全民造星2》的代表有三人男子組合P1X3L。(圖片來源:[email protected]

之前傳過有指MIRROR12子將會分頭行事,飛去新加坡、美國、加拿大和英國等地尋訪可造之材,攝製隊更會拍攝整個揀蟀過程,參賽者亦不限於華人,外國人也可來港參加。據知《全民造星5》預計於今年9、10月拍攝,最快可在今年年尾播出。

全民造星5 MIRROR是《全民造星》的生招牌,今次親自出馬飛去外國尋找小師弟。
MIRROR是《全民造星》的生招牌,今次親自出馬飛去外國尋找小師弟。(圖片來源:[email protected]

常見問題

花姐為什麼拒絕監製《全民造星5》?

花姐表示自己每年做完《造星》都想唔做,表示之前幾年好明顯都係被逼,而今次…詳情請看

《全民造星5》報名方法是?

《全民造星5》公布比賽玩法,新增吉隆坡和溫哥華三地同步招募,想報名可以…詳情請看

圖片來源:Facebook@ViuTV、[email protected][email protected][email protected]_show