早前《Mean Talk》請來何廣沛、郭子豪及方紹聰做嘉賓,其中郭子豪重提去年發生的船P羅生門一事,不開名都知女主角是誰。二人更指自己知道內情,指其中一人講大話更有人扮醉。

撰文:東方新地|圖片:東方新地、Mean Talk影片截圖、江嘉敏IG、馮盈盈IG

郭子豪重提船P事件

去《Mean Talk》就要爆料,主持江嘉儀旁敲側擊,要何廣沛、郭子豪及奶仔方紹聰爆圈中藝人是非當人情,郭子豪率先開口,提及去年發生的女星遊船河事件,雖然他沒有親口說出兩位女主角的名,不過全世界都知她們是誰。江美儀問是否兩位女主角都是一線,郭子豪答「係」,反被江美儀笑:「乜原來佢哋依家係一線?」

郭子豪指兩位女星去到一個尷尬的場合,發生羅生門事件。(圖片來源:Mean Talk影片截圖)
郭子豪指兩位女星去到一個尷尬的場合,發生羅生門事件。(圖片來源:Mean Talk影片截圖)

江美儀一聽就知道係講去年的女星遊船河事件。(圖片來源:Mean Talk影片截圖)
江美儀一聽就知道係講去年的女星遊船河事件。(圖片來源:Mean Talk影片截圖)

可靠消息指當中一人講大話

郭子豪表示自己掌握船P真相,直指其中一名女主角講大話,是她存心放料給傳媒。

郭子豪表示他收到的內情非常可靠。(圖片來源:Mean Talk影片截圖)
郭子豪表示他收到的內情非常可靠。(圖片來源:Mean Talk影片截圖)

直指其中一人講大話。(圖片來源:Mean Talk影片截圖)
直指其中一人講大話。(圖片來源:Mean Talk影片截圖)

何廣沛忍唔住加入討論

正當眾人議論紛紛時,何廣沛忍唔住,表示其實自己亦知情,仲話同兩女主角都合作過有交情,他大爆:「其實事後其中一方打畀另一方想了解件事,不過對方唔接電話囉!」郭子豪就再爆其中一女主角在船上扮飲醉。

何廣沛原來也知情。(圖片來源:Mean Talk影片截圖)
何廣沛原來也知情。(圖片來源:Mean Talk影片截圖)

郭子豪真係知好多內情,佢話其中一人扮醉,江美儀問點解要扮,佢話:「可能試戲!」(圖片來源:Mean Talk影片截圖)
郭子豪真係知好多內情,佢話其中一人扮醉,江美儀問點解要扮,佢話:「可能試戲!」(圖片來源:Mean Talk影片截圖)

同兩個女主角都有交情

其實何廣沛同郭子豪同兩位女主角都曾合作,何廣沛更與二人相熟,被江美儀多番追問下,他愈講愈多,表示與經理人都曾經講起這件事,更為兩女主角改了花名,一個叫「唔聽」,一個叫「扮聽」,何廣沛笑指二人其實不相伯仲。

江美儀與阿Bob分析因為船P上有不少公子哥兒,所以女主角要扮醉。(圖片來源:Mean Talk影片截圖)
江美儀與阿Bob分析因為船P上有不少公子哥兒,所以女主角要扮醉。(圖片來源:Mean Talk影片截圖)

何廣沛仲幫兩女主角改埋花名。(圖片來源:Mean Talk影片截圖)
何廣沛仲幫兩女主角改埋花名。(圖片來源:Mean Talk影片截圖)

重提兩大一線花旦船P內幕

延伸閱讀:馮盈盈江嘉敏上年疑因船P反目

馮盈盈同江嘉敏同年簽無綫,拍劇、做主持齊被力捧,二人本來拍住上,卻疑因為一個富豪船P而令關係徹底破裂。馮盈盈曾被踢爆同賭王兒子何猷亨一同到達深灣遊艇會上船參加富豪船 P,她事後澄清是新相識,又指江嘉敏是中間人,不過江嘉敏即反駁冇做媒,自爆船P前眾人早已在飯局內認識。

去年馮盈盈被影到參與富豪船P,而江嘉敏亦在場,事後她在IG上載滑水相,hashtag話不斷被人拖落水好慘,似意有所指。(圖片來源:江嘉敏IG)
去年馮盈盈被影到參與富豪船P,而江嘉敏亦在場,事後她在IG上載滑水相,hashtag話不斷被人拖落水好慘,似意有所指。(圖片來源:江嘉敏IG)

江嘉敏不斷將件事發大,仲話啲滑水相喺馮盈盈度,力指係好姊妹邀請佢參加船P。(圖片來源:江嘉敏IG)
江嘉敏不斷將件事發大,仲話啲滑水相喺馮盈盈度,力指係好姊妹邀請佢參加船P。(圖片來源:江嘉敏IG)

被指為釣金龜去富豪船P的馮盈盈,亦在 IG上載滑水相,澄清同何猷亨只是朋友,又話新相識唔係想上岸。(圖片來源:馮盈盈IG)
被指為釣金龜去富豪船P的馮盈盈,亦在 IG上載滑水相,澄清同何猷亨只是朋友,又話新相識唔係想上岸。(圖片來源:馮盈盈IG)

江嘉敏曾在IG留言「知人口面不知心」,直斥有人講大話(圖片來源:江嘉敏IG)
江嘉敏曾在IG留言「知人口面不知心」,直斥有人講大話(圖片來源:江嘉敏IG)

幾個女仔本來一齊去船P好開心,不過事後各有各撐,口供亦唔夾,江嘉敏爆料話眾人早已認識出席過飯局,同馮盈盈所講的新相識有出入。

Tags :