年尾台灣套票價錢激抵,千幾蚊已可玩3日,相信好多人已book定新一年飛台灣!除了循例到夜市增磅,今年台北還有多個日本動漫卡通展,伴你成長的柯南和爆紅蛋黃哥都有現身,展覽有得玩有得食,舉辦地點就在捷運站附近,扮完偵探再去食蛋黃(哥)亦好方便!

1) 巨人重口味虛擬獵殺!


60米高進擊的巨人跟足原著製作,舊年去完東京巡遊再踩入台北,憑嘔心鼻毛紅遍兩地,連電影版主角三浦春馬都專程到開幕禮撐場。睇完巨人未夠喉,可睇埋360°立體劇場「哮」,戴上頭戴式營幕進入虛擬動畫中,實地參與獵殺巨人攻防戰!

A1

真實到令人起晒雞皮嘅一比一巨人。

OLYMPUS DIGITAL CAMERA

聽聞劇場體驗超刺激,巨人會在你頭殼頂上跨過,仲會試圖食咗你!

進擊之巨人展
【日期】即日起至2/29
【地點】松山文創園區1號倉庫
【時間】10am – 6pm
【交通】乘捷運於國父紀念站下車

 

2) 集齊蛋黃哥食玩買!

人氣急升嘅蛋黃哥殺入台灣開蛋黃展,據說打卡位超多,包括黃金蛋黃大帝、蛋黃夜市和細路至愛小滑梯,仲捕獲到蛋黃哥在展區入無牌行醫!影完一輪肚餓,可到小食檔買雞蛋糕食,將蛋黃哥生吞活剥!臨走記得買蛋黃酥做手信呀!

b3_NEW

快啲黎參拜下法力無邊嘅蛋黃大帝啦!

b4_new

蛋黃哥造型雞蛋糕,得意到唔捨得食!

蛋黃哥懶得展
【日期】即日起至3/6
【地點】國立台灣科學教育館
【時間】9am – 5pm
【交通】乘捷運於士林站下車

 

3)  化身柯南做食腦解謎王!

柯南展最特別係設有「解謎區」,入場後會收到一本偵探手冊,要你拆解兇殺懸案,成功破案才准進入手稿區睇柯南原稿。謎題由經營密室逃脫的「笨蛋工作室」設計,聽聞難度頗高,最少花1小時才可解開。真相只有一個,自問聰明絕頂的你可嘗試挑戰!

C3

一邊睇展覽仲可以一邊解謎,兩種樂趣絕對唔會令你失望!

C2

將兇殺案現場「毛利偵探事務所」逼真重現,連血跡都有!

名偵探柯南20周年展
【日期】即日起至3/13
【地點】華山1914文創園區東二館
【時間】10am – 6pm
【交通】乘捷運於忠孝新生站下車

 

下一頁唔止鬆弛熊同海賊王,就連FROZEN都吹到埋嚟啦!

4)  少女心爆發!鬆弛熊粉必去!

唔講唔知,原來鬆弛熊出過72個主題造型,今次展出其中19個,多數係鬆弛熊狂食甜品如pancake和朱古力,令(港)女粉絲們好想食埋一份。場內還有一本鬆弛熊電子書,用手掃營幕即可睇晒熊熊繪本,又幾高科技!

D3

展覽又點少得3位主角:鬆弛熊、牛奶熊同鼻窿雞。

D4

草莓造型小白熊蛋糕,好卡娃依呀!

鬆弛熊甜蜜時光展
【日期】即日起至3/20
【地點】松山文創園區5號倉庫
【時間】10am – 6pm
【交通】乘捷運於國父紀念站下車

 

5)  海賊團集合!千陽號起航!

海賊王15歲生日啦!今次周年展有4個展區,全是影相打卡位,必影位包括巨型千陽號、1比1海賊團模型和「新世界」冒險場景!好興奮?證明你係超級海賊粉絲,咁記得玩埋問答遊戲喇!不過據講答中無獎。

E1

一比一嘅千陽號真係見到都好興奮!

E2

新世界冒險場景中的《魚人島》。

海賊王15周年展
【日期】即日起至3/29
【地點】松山文創園區4號倉庫
【時間】10am – 6pm
【交通】乘捷運於國父紀念站下車

 

6)  FROZEN嘅-8°C激凍體驗!

風靡萬千細路的Frozen仍未有續集,想止癮可先到中正紀念堂睇展覽先!展區設計抄足冰雪王國,設有零下8°C低溫區,去到可玩巨型冰滑梯兼堆雪人!聽聞冰區真心凍,去玩記得著多件衫!

F3

帶細路仔嚟到現場絕對會一齊唱名曲《let it go》

F4

零下8°C雪地,著定厚褸玩冰沙啦!

冰雪奇緣 冰紛特展
【日期】即日起至4/10
【地點】中正紀念堂民主大道
【時間】10am – 6pm
【交通】乘捷運於中正紀念堂站下車

 

下頁仲有追加!小丸子同海綿寶寶直落玩到高雄!

追加!玩到南部!

行完台北,南下高雄仲有小丸子同海綿寶寶等緊你!兩個展覽都在駁二藝術特區舉辦,小丸子25周年展曾於去年暑假在台北舉辦,第二站移師高雄,上次無睇就記得去喇!隔壁還有海綿寶寶展覽,展區設計抄足動畫場景,在水底世界中可搵到海綿寶寶、章魚哥和蟹老闆等8位主角,一家大細必去!

櫻桃小丸子學園祭:25週年特展

以小丸子校園裡的年度盛典-學園祭為主題軸,等觀眾化身成小丸子劇中嘅一角,同小丸子一班同學仔一齊參與學園祭同夏日祭典,分享天真嘅白日夢與無關痛癢嘅煩惱。

K1

【日期】即日起至4/5
【地點】高雄駁二藝術特區P2倉庫(臺灣高雄市鹽埕區大勇路1號)
【時間】每日10:00至18:00最後進場時間為17:30(除夕休館)
【交通】乘捷運於忠孝新生站1號出口步行約3分鐘

 

海綿寶寶:暢遊比奇堡特展

海綿寶寶其實擁有好多粉絲,今次帶你進入海綿寶寶嘅世界。快帶著你嘅相機潛入深海、同海綿寶寶一齊暢遊比奇堡吧!

K2

【日期】即日起至3/27
【地點】高雄駁二藝術特區P3倉庫(臺灣高雄市鹽埕區大勇路1號)
【時間】每日10:00至18:00最後進場時間為17:30(除夕休館)
【交通】乘捷運於忠孝新生站1號出口步行約3分鐘

 

延伸閱讀:

台北outlet掃貨攻略

《覓食台北》平靚正食買攻略