踏入春天,台灣到處都出現百花齊放嘅景象,但偏偏有唔少人鍾意呢個時候去睇「五月雪」,到底係咩玩法?「五月雪」呢個浪漫名詞其實係 桐花 嘅外號, 桐花 顏色雪白,每逢5月盛開之際,就會將山谷染到好似被白雪覆蓋一樣。要欣賞台灣最靚嘅油桐花海,苗栗縣「天空步道」必然係首選,建議大家租架單車由銅鑼自行車道踩上「天空步道」,咁就可以賞花之餘,沿途欣賞埋自然風光。

(感謝Visa提供部分資料)

相片來源:新傳媒資料庫

苗栗 桐花 X 單車遊

銅鑼自行車道位於苗栗縣銅鑼鄉九湖村,全長大約8公里,沿途經過銅鑼茶廠、九華山大興善寺、挑鹽古道、虎頭崁古道等景點,仲有號稱全台灣最高嘅「天空自行車道」,喺度可以睇到一望無際嘅山谷 桐花 美景,觀景台位置設置咗單車泊架,方便踩單車嘅遊客停低登上上層欣賞風景。

bikeVISA

台灣「五月雪」 苗栗單車 桐花 遊
桐花 盛開後,山頭嘅風景就會好似由春天變番做冬天一樣。

近睇可以見到一粒粒桐花球其實係由好多簇白色小花組成。
近睇可以見到一粒粒 桐花 球,其實係由好多簇白色小花組成。

桐花
桐花 都有雌雄之分,有10支花蕊嘅係雄桐,得1支花蕊而花柱開叉成6份嘅就係雌桐。

苗栗 桐花 開花情報:https://tung.hakka.gov.tw/0000027/list-0000027-004?lang=1

行裝盡少而精

單車遊最緊要行裝輕便,所以學識一物多用好重要。1部叉滿電嘅智能電話絕對係最佳旅伴,除咗緊急情況可以用嚟求救,大家仲可以利用佢嚟做指南針、電筒、相機、導航。新啲嘅用法係用埋手機俾錢,只要將信用卡加入去智能手機入面嘅電子錢包,就可以用手機俾錢!台灣有好多商戶都已經接受非接觸式支付(只係以手機,又或者以Visa payWave俾錢),無論喺香港定外地一樣用到,咁就連銀包都唔使帶,輕鬆出遊話咁易。

想知今期台灣有咩食住玩優惠,可以click入:

VSC0219 Outbound II_Gotrip Banner Size