每次去台灣旅行,個胃就會突然變成無底洞,日日食足5餐是基本盤,掃完夜市食埋甜品,臨瞓前又會肚餓想再食多餐宵夜!台灣宵夜選擇雖然多,但半夜要四圍搵都好麻煩。台灣人氣YouTuber「便利店女王」古娃娃話你知,酒店、民宿樓下的便利店就有好多選擇,一於一晚試一樣 台灣便利店 宵夜 啦!

文:Cynthia|圖片來源:古娃娃

人氣YouTuber古娃娃推介 台灣便利店 宵夜

古娃娃是台灣人氣超高的YouTuber,訂閱人數多達60萬,每次一出新片就會有成萬人like!而佢最出名的,就係每月都固定有一條便利店新品試食影片,所以有「便利店女王」之稱!最近古娃娃就試了7-11 5款便當類的新品,無論係當宵夜定做正餐都好滿足,一齊試試 台灣便利店 宵夜 !

10月新片,集中試7-11便當類新品!
10月新片,集中試7-11便當類新品!

每個月都會固定出一條,想知台灣便利店有咩新嘢食就要留意佢喇!
每個月都會固定出一條,想知台灣便利店有咩新嘢食就要留意佢喇!

01|紅燒牛肉麵 濃郁湯頭+超厚肉片

台灣最引以為傲的美食就係牛肉麵,依家連便利店都有喇,而且一叮就食得,除咗做宵夜,臨上機食番碗都得!古娃娃評價呢款麵條的口感很Q,湯頭微辣,鹹淡度也很適中,重點是肉切得很厚,幾乎有手掌大。可惜吃起來有點太乾太硬,但入口即化的牛筋拉回不少分數,秋冬食一碗會好幸福!

麵條十分Q彈!紅燒牛肉麵 (NT99/HK)
麵條十分Q彈!紅燒牛肉麵 (NT99/HK$26)

牛肉睇落去同平時食的冇咩分別。
牛肉睇落去同平時食的冇咩分別。

湯頭都算濃,唔會又稀又冇味!
湯頭都算濃,唔會又稀又冇味!

牛肉很大塊,可惜偏硬!(娃娃評分:6.5/10)
牛肉很大塊,可惜偏硬!(娃娃評分:6.5/10)

02|玉子牛丼 醬汁撈飯一流

一看之下,同香港的肉餅飯非常相似,一大份的牛肉加雞蛋,要把牛肉切碎方便食用,古娃娃覺得可能用牛肉片會更好吃一點,但醬汁味道剛剛好,完全不會太甜膩,撈飯冇得彈!

台灣的便當類看起來都非常吸引!玉子牛丼( NT85/HK)
台灣的便當類看起來都非常吸引!玉子牛丼( NT85/HK$22)

便當都會將飯及配菜隔開,唔會焗腍啲飯。
便當都會將飯及配菜隔開,唔會焗腍啲飯。

雖然賣相普通,但醬汁很好吃!
雖然賣相普通,但醬汁很好吃!

娃娃對玉子牛丼好評不斷!(娃娃評分:6/10)
娃娃對玉子牛丼好評不斷!(娃娃評分:6/10)

03|泡菜燒肉丼 超入味泡菜

賣相看起來非常吸引,有種泡菜湯的感覺,同白飯撈埋一齊食,超級惹味。但吃起來感覺偏辣,怕辣的人要小心。泡菜不會死鹹,十分入味,喜歡韓國美食的話,可以買來過下癮!

台灣近期加入了不少日、韓新品,選擇更多!
台灣近期加入了不少日、韓新品,選擇更多!

一看之下,跟泡菜鍋很像!泡菜燒肉丼( NT85/HK)
一看之下,跟泡菜鍋很像!泡菜燒肉丼( NT85/HK$22)

泡菜燒肉丼的肉片也很大份!
泡菜燒肉丼的肉片也很大份!

不太能吃辣的娃娃被辣到了!(娃娃評分:6.5/10)
不太能吃辣的娃娃被辣到了!(娃娃評分:6.5/10)

04|鮭魚味噌湯 清爽熱湯

有時如果唔想太heavy只想飲碗熱湯,不妨試試新出的鮭魚味噌湯,味道清爽好喝,晚上喝也不會覺得有負擔。豆腐分量很多,三文魚肉同樣好食,一點都唔會嚡。可惜分量太少,唔夠過癮!

鮭魚味噌湯味道比較清淡,飲番碗暖下胃!鮭魚味噌湯( NT39/HK)
鮭魚味噌湯味道比較清淡,飲番碗暖下胃!鮭魚味噌湯( NT39/HK$10)

豆腐分量很多,而且十分嫩滑。
豆腐分量很多,而且十分嫩滑。

喝起來十分清爽!(娃娃評分:6/10)
喝起來十分清爽!(娃娃評分:6/10)

05|博多明太子焗烤馬鈴薯 熱溶芝士

明太子的分量給得剛剛好,再加上芝士及薯仔,聞起來很香,完全是色香味俱全!雖然做法很簡單,可以自己在家做,但如果突然好想食嘢,不妨落樓下買個試試!

夜市必買的芝士焗薯,原來便利店就有!博多明太子焗烤馬鈴薯( NT45/HK)
夜市必買的芝士焗薯,原來便利店就有!博多明太子焗烤馬鈴薯( NT45/HK$12)

分量細細,臨瞓前食剛好!
分量細細,臨瞓前食剛好!

明太子加芝士,就是絕佳的搭配!(娃娃評分:7/10)
明太子加芝士,就是絕佳的搭配!(娃娃評分:7/10)