狗狗每日重複「自殺式」後仰！主人嚇到O嘴 真相曝光網民反讚：好治癒

傑克羅素獨創玩法卡實主人大腿向後仰

呢隻可愛嘅傑克羅素梗犬名叫馬拉（Mara），由國外一位飼主「@mara.jackrussell」分享嘅影片可見，馬拉最鍾意嘅「指定動作」，就係先卡喺主人嘅大腿中間，然後成個身好似無力咁向後倒下，全靠主人用雙手將佢拉返上嚟。最搞笑嘅係，馬拉全程表情勁享受，完全沉浸喺呢個「信任遊戲」入面，好似同主人講「再來一次」，一人一狗重複又重複，玩得不亦樂乎！

影片曝光萌翻全網大批狗主留言表示身同感受

影片曝光後，旋即萌翻全網，唔少網民睇完都話個心被融化，大讚畫面超級治癒！留言區瞬間被攻陷，有網民笑言「狗狗知道自己做緊咩」、「個肚腩仔好得意」。更誇張嘅係，竟然釣出大批狗主留言表示身同感受，話「我屋企隻傑克羅素都好鍾意咁玩」，睇嚟呢個係傑克羅素界嘅獨特玩法！

人狗默契十足上演一場最治癒的信任遊戲

原來呢個並唔係咩奇怪行為，而係狗狗同主人之間一個充滿愛同信任嘅小遊戲。從影片中可以見到，主人非常配合馬拉嘅玩法，每次都溫柔咁將佢拉返上嚟，而馬拉亦都全心全意信賴主人，先夠膽咁樣向後仰。呢種人狗之間嘅絕佳默契，真係羨慕死人，難怪網民會話「呢個主人呢一世都會同狗狗玩得好開心」！