相繼有廉航在越南設立航點,不少香港人都心思思想去玩下。不過去越南要搞簽證,都幾麻煩。旅遊group同論壇不時有人會問有關問題。現在解答3大常問問題!

1. 在港簽證價格有無減?


日前有不少報導表示,越南簽證減價超過4成,真係咁平?根據資料,自2013年起,在港搞越南Visa,價格一直維持在$500以上,而且只加不減,就算機票幾平,都令人卻步。編輯一收到消息便聯絡了越南駐港領事館,查詢價格。
Vietnam.1.2

越南當局曾多次調高在港申請Visa收費,2013年港龍推出峴港直航,同年費用由原本$300多加至HK$500,加幅超過4成!2014年間,越南當再次上調價格至$580。今年兩間廉航先後在當地設立航點,簽證於暑假旺季前加至HK$640。根據領事館的回覆,職員並未收到有關簽證減價的消息,而在港辦理簽証的費用仍是$640。


未命名

申請方法:

帶同passport正本、証件相同把已填好的簽證表格到越南駐港領事館申請

時間:申請一般單次進出境簽證需時3個工作天;快證即日可取

地址:香港灣仔灣仔道230號佳誠大廈15樓 (灣仔港鐵站A3出口向左轉)

價錢:一個月單次入境-$640

入境成功率:
持在港辦理簽證的旅客100%可以入境

Website:越南駐港領事館

*passport所需有效期為6個月

2.落地簽證平好多?

Vietnam.2.2

在港搞簽證價格不變,難道新聞資料不準確?原來只有落地簽證費用的價格下調,由美金$45減到$25,手續費最低有8 美元,加埋都係港幣$300有找,平過本地申請前唔多一半!不過申請落地簽證有風險,有旅客曾被拒入境。相比在港申請簽證收費,落地簽證的確好吸引,不過申請落地簽證都要諗清楚。
Vietnam 2

而且代理公司會以團體形式apply visa,其他旅客或會在落地簽證信中,得到你的個人資料姓名,如:出生日期、國籍同護照號碼,有資料外洩的危機。唔想到出發當日先發現未能入境或資料外洩,都係乖乖地在港申請簽證啦!

申請方法:

落地簽證是由越南代理向入境部門申請,並預先得到批核。旅客只要填表及付手續費就可以。代理公司就會把預批落地簽證批文email給你。旅客可持批文在香港辦理登機手續,到達越南後,到落地簽証櫃檯辦理正式落地簽証及付款就可以入境。

時間:申請一般單次進出境簽證需時2個工作天;快證2小時至1個工作天

價錢:(簽證費)US$25+(手續費)US$8=US$33(HK$256)

入境成功率:
約80%,有申請了落地簽証的旅客曾被拒入境。落地簽證只能在三個國際機場拿到,如果計劃由柬埔寨、老撾、中國通過陸路來到邊境就要在港申請啦。

更多詳情:http://www.cheapvietnamvisa.net/

3.BNO有無得免簽證?

Vietnam.3.2

手持英國passport,去越南可以免簽證。不過拿BNO又可唔可以免簽證呢?有網友就話佢拿BNO闖紅燈成功,又有人話BNO update了越南可以免簽証入境,不過都係問下越南當局核實最穩陣!

Vietname
成功例子

雖然有人問過越南駐倫敦大使館,佢哋答BNO免簽,但越南駐港領事館回覆,不論你手持特區護照或BNO都要申請Visa。編輯估計,可能網友剛巧遇到糊塗關員,分唔清BNO同英國護照先入到境。其實入唔入到境始終係越南當局先有權做最後決定,唔想提心吊膽,又要驚入唔到境,不如都係比錢申請Visa啦。如果你想免費入境,都可以試下,不過就要冒著被拒入境的風險。

Vietnam.4

費用:免費

入境成功率:
只有約5%

補充資料:

有網友表示,可以網上申請入境越南的批文,再交領事館 stamp duty,即日可取並100%保證能入境。編輯就再問下領事館。

Vietnam 9
領事館話可以print approval letter,耍去申請簽証,但編輯再追問價錢同係咪即日取,就同我遊花園,唔肯答!

按此讚好FB:http://goo.gl/dOxRVd

website_fb