網媒有份令長洲淪陷？
每逢假日，都必定有大批市民踩入 長洲 ，多年來令到長洲居民苦不堪言。GOtrip 早前亦有圖輯推介長洲美食。
結果引來大批長洲居民不滿，直指因為網媒介紹引致 長洲 陸沉。
「夠啦X你老母， 長洲 就嚟畀你呢啲濕X page搞到陸沉啦」
長洲 居民：還我們清靜長洲，唔好再迫入嚟啦！
從留言中的確看到不少讀者留言，話睇到介紹後會想去長洲。但同時都有唔少網民指，長洲並唔係咁好玩，嘢食都冇咩特別，當地居民自己都唔會食呀！
網民成立facebook群組「長洲新渡輪關注組」
新渡輪作為居民唯一往返市區的方法，作為島上居民每日返工返學必搭嘅交通工具，所以唔少人關注航班同渡輪服務等問題。網民會每日喺facebook群組「長洲新渡輪關注組」上分享每日嘅最新航班消息同座位情況。唔少網民都喺群組發文，指長洲依家連平日都迫爆，仲搞到個環境好污糟！
要求設立「 長洲 居民專用通道」，政府敷衍回應
但就算網媒唔再推介， 長洲 依然係香港人嘅假日好去處。遊客想去，居民反對，近年前往 長洲 嘅遊客人數愈來愈多，每逢假日更加有上萬人次訪客到訪，渡輪交通不勝負荷，令當地居民怨聲載道。過多旅客阻礙居民日常生活，連佢哋嘅日常出入都受到影響。政黨熱血公民早前就發起「要求設立 長洲 居民專用通道」解決 長洲 居民往來市區交通嘅問題，喺9月19日去中環碼頭舉行簽名行動，並獲得超過800位居民支持。
其後運輸署於9月29日回應，指署方及其他政府部門正在研究「月票通道」的可能性，稍後會向離島區議會彙報結果。但睇嚟設立「 長洲居民專用通道」行動似乎未有任何突破性嘅進展！
政府宣傳「離島遊」再惹批評
另一方面，政府近年卻大肆宣傳離島遊，「鼓勵學校、制服團隊、非政府組織，以及社區和地區團體等舉辦到 長洲 、大嶼山（梅窩）、坪洲及南丫島（榕樹灣及索罟灣）的活動，目的是推動離島地區經濟及帶動離島渡輪服務的乘客量」。
「離島遊」推出後再惹批評，指計劃同時玩殘遊客同居民。因為離島碼頭設施簡陋及失修，但政府又拒絕改善離島碼頭設施。長洲候船室過細，乘客上落船需要共用同一條通道，而部分乘客要喺碼頭外等船，造成混亂。對於人口同旅客最多嘅長洲嚟講，「離島遊」更加係加重渡輪航班負荷。
自律最重要！
其實長洲已經變咗旅遊區，唔可以避免有遊客出現，但最緊要大家自律，保持環境清潔。其實香港仲有好多靚地方，大家又何必一窩蜂湧去長洲呢？