韓國嘅LED花海出晒名,唔少人都專登飛去影張靚相。今個聖誕,香都一樣咁靚,因為沙田有一個長達60米嘅玻璃花海,由著名玻璃藝術家製作超過5000朵玻璃花打造而成,夜晚著晒燈真係好浪漫!

呢度有超過4800朵玻璃鬱金香,全部都係由人手製作,每朵都係獨一無二!

玻璃花-04

除咗鬱金香花海,仲有玻璃花打造成嘅叢林,由正面影埋去,呢條道真係好靚!

玻璃花-03

雖然入夜之後真係好靚,但係始終光線不足,人樣會比較唔出,如果又想影到燈光效果,又想影得清個靚樣,建議大家黃昏去,把握差唔多天黑嘅嗰10-20分鐘,就可以影到天黑效果,又影到靚樣喇~

玻璃花-13

喺噴水池上方,仲有由超過100粒玻璃球拼砌而成嘅吊飾,佢哋砌出嚟嘅形狀仲會隨住音樂變化添。

玻璃花-14

下一頁:拜師學藝 吹玻璃工作坊

延伸閱讀

【陪你過聖誕】走勻香港 9大聖誕燈飾佈置好去處

【大阪最強】日本票選大阪最具人氣9大燈飾

【東京過聖誕】東京8大聖誕燈飾景點精選!

除咗睇玻璃花海之外,喺商場消費滿指定金額,就可以參加玻璃工作坊,體驗製作玻璃嘅滋味。由於燒玻璃都係一樣難度比較高嘅玩意,所以師傅會手把手教學~

玻璃花-07

首先要燒熱吹管,然後拈上玻璃液。

玻璃花-08

再加入自己鍾意嘅顏色,就可以放入熔爐燒熱玻璃,令玻璃變成玻狀。

玻璃花-09

最緊要亦最難嘅一部分,就係吹!睇師傅示範嘅時候,好似好輕鬆咁,點知到自己吹嘅時候,即使用盡全身力氣去吹,都只係吹到一個「發育不良」嘅玻璃球。

玻璃花-10

由師傅完成最後一步,為玻璃球加上一個掛勾,咁就完成一個獨一無二嘅掛飾喇!

不過要留意,由於玻璃冷卻需時,所以要等12個鐘之後先有得拎,要第二日再嚟拎~

玻璃花-11

如果唔想一嚟就挑戰咁難嘅吹玻璃,可以試吓另一個入門級嘅玻璃工作坊。呢個工作坊主要利用火槍燒熱玻璃,然後整成唔同形狀,再加工變成吊飾。

玻璃花-12

只要師傅幫手稍為加工,呢個心心就可以變成一條通透亮麗既頸鏈喇~

玻璃大道 Glassy Avenue at Starlight Garden

日期:2015年12月3日至2016年1月15日
時間:12pm-10pm
地址:沙田新城市廣場1期7樓星光花園(顯示地圖
查詢電話:2684 9175

延伸閱讀

【陪你過聖誕】走勻香港 9大聖誕燈飾佈置好去處

【大阪最強】日本票選大阪最具人氣9大燈飾

【東京過聖誕】東京8大聖誕燈飾景點精選!